You are currently viewing በህገወጥ መንገድ ወደ አሸባሪው ትሕነግ ሊጓጓዙ የነበሩ 2400 ሊትር ነዳጅና የተለያዩ ቁሳቁሶች በቁጥጥር ስር መዋሉን የወረዳው ፖሊስ ጽ/ቤት ገለፀ፡፡ አማራ ሚዲያ ማዕከል/አሚማ   መጋቢት…

በህገወጥ መንገድ ወደ አሸባሪው ትሕነግ ሊጓጓዙ የነበሩ 2400 ሊትር ነዳጅና የተለያዩ ቁሳቁሶች በቁጥጥር ስር መዋሉን የወረዳው ፖሊስ ጽ/ቤት ገለፀ፡፡ አማራ ሚዲያ ማዕከል/አሚማ መጋቢት…

በህገወጥ መንገድ ወደ አሸባሪው ትሕነግ ሊጓጓዙ የነበሩ 2400 ሊትር ነዳጅና የተለያዩ ቁሳቁሶች በቁጥጥር ስር መዋሉን የወረዳው ፖሊስ ጽ/ቤት ገለፀ፡፡ አማራ ሚዲያ ማዕከል/አሚማ መጋቢት 3 ቀን 2014 ዓ.ም አዲስ አበባ ሸዋ በበየዳ ወረዳ በህገወጥ መንገድ ወደ ጁንታው ሊጓዙ የነበሩ ነዳጅና የተለያዩ ቁሳቁሶች በቁጥጥር ስር መዋላቸውን የወረዳው ፖሊስ ጽ/ቤት አስታወቀ:: የወረዳው ፖሊስ ጽ/ቤት የሰው ኃይል አስተዳደር እና ተወካይ ኃላፊ ረዳት ኢንስፔክተር ዋካ አስማረ እንደገለጹት የጸጥታ ሃይሉ ቀን ከሌሊት በመንቀሳቀሱ በርካታ ወደ ጁንታው የሚሄዱ ቁሳቁሶች በቁጥጥር ስር መዋላቸውን ገልጸዋል:: እንደ ረዳት ኢንስፔክተሩ ገለጻ ጁንታው ለቁስል መጠረዣነት የሚጠቀምባቸው የህጻናት ልብሶች እንደፋሻ የሚጠቀምባቸው አልባሳት በኩንታል እንደተያዘ እና በርበሬ ስኳር ቡና የተለያዩ ሸቀጣሸቀጦች በመያዝ ለንግድ ጽ/ቤት አስረክበናል ብለዋል። የጁንታው ተባባሪ ሆድ አደሮችም በሮች ሲጠበቁባቸው እንደሚፈተሹ ስለሚያውቁ በጫካ ውስጥ በአህያ በፈረስ በመጫን በእግራቸው በትክሻ በመሸከም እንደሚሄዱ ደርሰንባቸዋል በቁጥጥር ስር የማዋል ስራው ተጠናክሮ ይቀጥላል ብለዋል። ሰሞኑን የጁንታው ተሽከርካሪዎች ከአበርገሌ ወደ ተከዜ ቁመው ነበር የጁንታው ተባባሪ ሆድ አደሮች በጀሪካ ነዳጅ ስለሚያቀብሏቸው መንቀሳቀስ እንደጀመሩ ደርሰንበታል ብለዋል። ረዳት ኢንስፔክተር እደገለጹት የጸጥታ አካሉ ተቀናጅቶና ተናቦ በመስራቱ 27 ጀሪካ ነዳጅ 4 በርሚል ነዳጅ ከግለሰብ ቤት በማስቀመጥ በጀሪካ ለማመላለስ 25 ባዶ ጀሪካ ጋር እንዲሁም በኩንታል የተለያዩ አልባሳት በቁጥጥረ ስር ማዋል እንደተቻለ አብራርተዋል። ህገወጥ ተግባራት የሚሰሩ ግለሰቦች ከጁንታው ጋር እኩይ ሴራቸውን ሲሰሩ መንገድም እያሳዩ ስለሆነ ህዝባችን እንደ ጎረቤት ወረዳዎች ሊያስበሉ ስለሚችሉ ህገወጥ ተግባራትን ሲያከናውን እጅ ከፈንጅ የሚያዝ አካል ካለ ” ጅብ ከሚበላህ ጅብ በልተህ ተቀደስ” ነውና የማያዳግም ህጋዊ እርምጃ እንወስዳለን ብለዋል። የወረዳው ንግድ ጽ/ቤት ኃላፊ አቶ አሰፈ ጌጡ በበጀት አመቱ በርካታ የህገወጥ እንቅስቃሴዎች መኖራቸውን ገልጸው ከአጋር አካላት ጋር የተቀናጀ ስራ በመሰራቱና ሰፊ የሆነ ውይይት ከሚመለከታቸው አካላት ጋር በመደረጉ የተለያዩ ህገወጥ ተግባራትን በቁጥጥር ስር ማዋል ተችሏል ብለዋል። በዚህ አመት በህገወጥ መንገድ 78 የቁም እንስሳት በግና ፍየል በቁጥጥር ስር በማዋል 76,500 ብር በጨረታ የተሸጡ ከተለያዩ ሸቀጦች በተመሳሳይ 260,000 ብር እንዲሁም 1500 የሚሆኑ የህጻናት አልባሳት ወደ ጥላት ሊጓጓዙ ሲሉ በቁጥጥር ስር በብር ሲገመት 135,000ብር ግምት የሚያወጡ 2400 ሊትር ነዳጅ በጠቅላላ በዚህ ዓመት ስድስት መቶ አስር ሽህ ብር የሚገመት በህገወጥ በቁጥጥር ስር መዋሉን ተናግረዋል። እንደ አቶ አሰፋ ገለጻ በዚህ ወቅት ማንኛውንም ነገር ለጁንታ ማቀበል ጥላት ራሱን አጠናክሮ ወገንን እንደወጋ ደምን ለጠላት እንደመለገስ ስለሚቆጠር ህብረተሰቡ እንደዚህ አይነት እኩይ ተግባራት የሚሰሩ ግለሰቦችን ማጋለጥና ለጸጥታ አካላት ጥቆማ መስጠት መቻል አለበት ለሚያልፍ ቀን በወገናችን ላይ እሳት የሚጭሩ ስግብግብ ግለሰቦች ከድርጊታቸው ሊቆጠቡ እንደሚገባ አሳስበዋል። ሌላው ደግሞ ወረዳው ፖሊስ ጽ/ቤት የወንጀል መከላከል ረዳት ኢንስፔክተር ገብረእግዛብሄር ንጉሴ የፀጥታ አካሉ የተጠናከረና የተናበበ ስራ በመስራቱ በኬላወችና በግለሰብ ቤት የተጠናከረ ፍተሻ ማካሄድ በመቻላችን የራሳችን ወገን ለጠላት እያቀበሉ ያሉ መሆናቸውን በተጠናከረ ፍተሻ ማረጋገጥች ችለናልከዚህ በኃላ እጅ ከፈንጅ ከተያዘ የማያዳግም እርምጃ ይወሰዳል ስለማለታቸው በየዳ ኮሚዩኒኬሽን ዘግቧል፡፡

Source: Link to the Post

Leave a Reply