በህጋዊ ንግድ ፈቃድ ሽፋን ህገ-ወጥ ተግባር ሲፈፅሙ በተገኙ ከ80 በላይ የስፖርት ውርርድ ( ቤቲንግ) ቤቶች ላይ እርምጃ ተወሰደ፡፡በአዲስ ከተማ ክፍለ ከተማ ህጋዊ የንግድ ፈቃድን ሽፋን በማ…

በህጋዊ ንግድ ፈቃድ ሽፋን ህገ-ወጥ ተግባር ሲፈፅሙ በተገኙ ከ80 በላይ የስፖርት ውርርድ ( ቤቲንግ) ቤቶች ላይ እርምጃ ተወሰደ፡፡

በአዲስ ከተማ ክፍለ ከተማ ህጋዊ የንግድ ፈቃድን ሽፋን በማድረግ ህገ-ወጥ ተግባር ሲፈፅሙ በተገኙ 86 የስፖርት ውርርድ ( ቤቲንግ) ቤቶች ላይ እርምጃ ተወስዷል፡፡

የስፖርት ውርርድ ቤቶችን ጨምሮ ጫት መቃሚያ እና ሺሻ ማጨሻ ቤቶች የወንጀል ፈፃሚዎች መሰባሰቢያ እና የወንጀል ድርጊት መጠንሰሻ በመሆን በህብረተሰቡ ላይ ስጋት እየፈጠሩ እንደሚገኙ ሲገለፅ መቆየቱ ይታወሳል፡፡

የአዲስ ከተማ ክፍለ ከተማ ፖሊስ መምሪያ ከህብረተሰቡ ጥቆማ በመነሳት ባደረገው ጥናት በእነዚህ አዋኪ ድርጊት በሚፈፀምባቸው ቤቶች ላይ እርምጃ መውሰድ መጀመሩን የገለፁት በክፍለ ከተማው ፖሊስ መምሪያ የማህበረሰብ አቀፍ ፖሊስ አገልግሎት ዲቪዚዮን ሃላፊ ዋና ኢንስፔክተር ጳውሎስ ደምሴ ናቸው።

ከሚመለከታቸው የአስተዳደር አካላት ጋር በመቀናጀት እርምጃ የተወሰደባቸው የስፖርት ውርርድ ( ቤቲንግ) ቤቶቹ ህጋዊ የንግድ ፈቃድ ከወሰዱበት ክፍለ ከተማ ውጪ ሲሰሩ እና ያለ ንግድ ፈቃድ በዘርፉ ተሰማርተው የተገኙ መሆናቸውን ዋና ኢንስፔክተር ጳውሎስ አስረድተዋል፡፡

ህጋዊነትን ሽፋን በማድረግ የነገ ሀገር ተረካቢ ወጣቶችን ዓላማ የሚያስቱ ህገ ወጥ ተግባራት እና ለፀጥታ ስጋት የሚሆኑ ሌሎች አዋኪ ድርጊቶች በሚፈፀሙባቸው ቤቶች ላይ የተጀመረው እርምጃ ቀጣይነት እንደሚኖረው የገለፁት ዋና ኢንስፔክተር ጳውሎስ፤ ህብረተሰቡ የአካባቢው ሰላም እና ደህንነት እንዲረጋገጥ መረጃ እና ጥቆማ የመስጠት ትብብሩን አጠናክሮ እንዲቀጥል ጥሪያቸውን አቅርበዋል።

ኢትዮ ኤፍ ኤም 107.8 የኢትዮጵያዊያን

ታህሳስ 01 ቀን 2016 ዓ.ም

ውድ አድማጮቻችን እና ተከታዮቻችን የኢትዮ ኤፍ ኤም ወቅታዊ አዳዲስ
መረጃዎችና ፕሮግራሞችን ለማግኘት ከታች ያሉትን ገፆቻንን ይጎብኙ ቤተሰብ ይሁኑ ።

Telegram https://t.me/ethiofm107dot8

Twitter https://twitter.com/EthioFM

YouTube https://www.youtube.com/@onelovebroadcast/videos

Facebook https://www.facebook.com/onelovebroadcast

Website https://ethiofm107.com/

Telegram (https://t.me/ethiofm107dot8)

Source: Link to the Post

Leave a Reply