በህግ ከተቀመጠው አሰራር ውጪ የመኖሪያ ቤት ዋጋ ጭማሪ ማድረግና የነበረውን የኪራይ ውል ማቋረጥ በጥበቅ የተከለከለ ነው አለ የአዲስ አበባ ቤቶች ልማት እና አስተዳደር ቢሮቢሮው ከመጋቢት 2…

https://cdn4.cdn-telegram.org/file/X1gEEXkCfH3vjBZ22fUI4LPmxUNJKF_10LOifX9PAzDqLAsp9eWU1C0WiWFX9mvNHmtVlJ7PRr0QHaHkTwmVaXrjXsjqB5OvvB31qIGujnEihwbTQTWd98yLXtlW_GTzRVRykwW24TT8g0ou-OC9MQZp9rNIIDr234kLMteM44ORbc1c7TVpOI_nFZrgoiZs1CsBD0EwASCiTaRryRkiUt4HtLFJiMWzrwupb6wjr-TPPSqvflKJkT5s-U6YFhkw708oeylcnhKQkC7ye-Cg3Fqu0hQh2e8gb7o4os4A4EAOzsn4bie1mM6XQkddNTRafOYtNGVIiPIlrnW5_y5Ddg.jpg

በህግ ከተቀመጠው አሰራር ውጪ የመኖሪያ ቤት ዋጋ ጭማሪ ማድረግና የነበረውን የኪራይ ውል ማቋረጥ በጥበቅ የተከለከለ ነው አለ የአዲስ አበባ ቤቶች ልማት እና አስተዳደር ቢሮ

ቢሮው ከመጋቢት 24/2016 ጀምሮ መንግስት ከሚያስቀምጠው የኪራይ ውሳኔ ውጪ በአከራዮች የሚደረግ የኪራይ ዋጋ ጭማሪ ፈፅሞ የተከለከለ ስለመሆኑ አሳውቋል፡፡

በሀገሪቱ ውስጥ ያለውን ፍትሀዊና ምክንያታዊ ያልሆነ የዋጋ ጭማሪ በማህበረሰቡ ላይ የሚፈጥረው ጫና ከግምት ውስጥ በማስገባት የቤት ኪራይ ስርአቱ በህግ እንዲመራ እና በመቆጣጠር ለችግሩ አፋጣኝ ምላሽ ለመስጠት ተገቢ ሆኖ ሰለታመነበት የመኖሪያ ቤት ቁጥጥር እና አስተዳደር አዋጅ ቁጥር 1320/2016 መጋቢት 24/2016 መውጣቱ የሚታወስ ነው፡፡

የከተማ አስተዳደሩ የአዋጁን ማስፈፀሚያ መመሪያ ቁጥር 7/2016 በማውጣት ተግባራዊ እያደረገ መሆኑን ገልጿል፡፡

የኪራ ጭማሪና የውል ማቋረጥ እንዳይፈፀምም ቢሮው ተገቢውን ቁጥጥር እና ክትትል አደርጋለሁ ብሏልል፡፡

የህግ ክልከላውን ተላልፈው የተገኙ አከራዮች ላይ በመመሪያ ቁጥር 7/2016 አንቀፅ 22 መሰረት አስተዳደራዊ እርምጃ እንደሚወሰድ ቢሮው አስጠንቅቋል።

ሰኔ 13 ቀን 2016 ዓ.ም

Source: Link to the Post

Leave a Reply