You are currently viewing በሆሮ ጉድሩ እና በምስራቅ ወለጋ ዞን የተለያዩ ወረዳዎች መንገድ ከመዝጋት ወደ መቁረጥ የተሸጋገሩት አሸባሪው ኦነግ ሸኔ እና ተባባሪዎቹ በያዟቸው አንዳንድ ቀበሌዎች የኢትዮጵያን ሰንደቅ አላማ…

በሆሮ ጉድሩ እና በምስራቅ ወለጋ ዞን የተለያዩ ወረዳዎች መንገድ ከመዝጋት ወደ መቁረጥ የተሸጋገሩት አሸባሪው ኦነግ ሸኔ እና ተባባሪዎቹ በያዟቸው አንዳንድ ቀበሌዎች የኢትዮጵያን ሰንደቅ አላማ…

በሆሮ ጉድሩ እና በምስራቅ ወለጋ ዞን የተለያዩ ወረዳዎች መንገድ ከመዝጋት ወደ መቁረጥ የተሸጋገሩት አሸባሪው ኦነግ ሸኔ እና ተባባሪዎቹ በያዟቸው አንዳንድ ቀበሌዎች የኢትዮጵያን ሰንደቅ አላማ በማውረድ በኦነግ ባንዴራ እየተኩ መሆኑ ተገለፀ። አማራ ሚዲያ ማዕከል/አሚማ መስከረም 3 ቀን 2014 ዓ.ም አዲስ አበባ ሸዋ በአሸባሪነት የተፈረጀው እና በኦሮሚያ የተለያዩ አካባቢዎች የአማራውን ደም በጅምላ ማፍሰስን መደበኛ ስራቸው ያደረጉት ኦነግ ሸኔ እና በመንግስት መዋቅሩ የተሰገሰጉት ፀረ አማራ እና ፀረ ኢትዮጵያ ኃይሎች በአዲሱ ዓመት ክፉ ስራቸውን ቀጥለውበታል። እነዚህ ፀረ አማራ እና ፀረ ኢትዮጵያ ኃይሎች በተለይ ከጳጉሜ ጀምሮ በአዲሱ ዓመት በተለያዩ የኦሮሚያ አካባቢዎች የሀገራችን ሰንደቅ አላማን በማውረድ በኦነግ ሸኔ ባንዴራ እየተኩ መሆኑ ተገልጧል። ነዋሪዎች እንደሚሉት በሆሮ ጉድሩ ዞን ጃርዴጋ ጃርቴ ወረዳ ካሉ ቀበሌዎች እንደአብነትም አካዩ፣ሰምቦ ኩሚ፣ሀሮለጎ፣ሰምቦ ዋቶ፣ጃንጂን በርና ሀሮዳኢ የኢትዮጵያ አረንጓዴ፣ቢጫ፣ቀይ ሰንደቅ አላማ ወርዶ የኦነግ ሸኔ ባንዴራ ከመስከረም 2 ቀን 2014 ጀምሮ ተሰቅሏል። ከዚህም ባሻገር ለወራት በርካታ መንገዶችን በመዝጋት የጅምላ ፍጅት እየፈፀመ የከረመውና አሁንም በአውሬያዊ ተግባሩን ያለማንም ከልካይ የቀጠለው የኦነግ ሸኔ የሽብር ቡድንና መሰሎቹ ከሰሞኑ ደግሞ መንገድ በመቁረጥ ላይ ናቸው። የስልክ አገልግሎት እየተቆራረጠ ወይም እየተዘጋ በመሆኑ በአሙሩ ወረዳ ጃቦ ደቦል፣ ሀሙስ ገበያ፣ሰሞ ኢላሞ፣መከኖ እንዲሁም በጃርቴ ወረዳ ሰምቦ ጨፌና አጋምሳ ያሉ አማራዎችን እጣፈንታ በትክክል ለማወቅ አለመቻሉ ተገልጧል። መንገድ መዘጋት፣ መንገድ መቁረጥና ኔት ወርክ መዘጋቱ እንደቀጠለ ሲሆን እንደአብነት መንገድ ከተቆረጠባቸዉ አካባቢዎች መካከል:_ 1) ከነቀምት ቡሬ መስመር ያለው መንገድ አጋምሳ አካባቢ ተቆርጧል። 2) ሚግር፣ጆጅ፣አሙሩ መገንጠያ ቀጭሎ በምትባል አካባቢ፣ 3) ከነቀምት ወደ ኪረሞ የሚወስደው መንገድ ኪረሞና ጊዳ አያና መሃል ላይ ተቆርጧል። 4) ከሀሮ አዲሳለም ወደ ኪረሞ የሚወስድ መንገድ ኖሌ ገብርኤል ላይ ተቆርጧል። 5) በሆሮ ጉድሩ ዞን ከአቢደንጎሮ ሻምቡ አርቡ ሾጤ ላይ፣ 6) በሆሮ ጉድሩ ዞን ከጃርዴጋ ጃርቴ ሻምቡ አቡና ላይ፣ 7) በሆሮ ጉድሩ ዞን ከሻምቡ ባኮ ካራ ላይ ተቆርጧል ብለዋል ነዋሪዎቹ። የኦሮሚያ ክልላዊ መንግስትም ለተፈናቃዮች መድረስ አልቻለም፤ መንገድ በመዝጋት፣በመቁረጥና ኔት ወርክ በመዝጋት እየተደረገ ያለውን የእልቂት ድግስን በዝምታ እየተመለከተ ነው፤ እየተባበረም ነው፤ የጊዜ ጉዳይ እንጅ ከተጠያቂነት ግን ፈፅሞ ለማምለጥ አይቻለውም የሚሉ በርካቶች ናቸው።

Source: Link to the Post

Leave a Reply