You are currently viewing በለሚኩራ ክ/ከተማ ወረዳ 14 የአፈና እስሩ ተጠናክሮ መቀጠሉን ነዋሪዎች ገለጹ፤ ሰዎችን በሌሊት አፍኖ በመውሰድ ቤታችን መፍረስ የለበትም በሚል ተቃውሞ የሚያቀርቡ አካላትን ለማሳደድ እና ዝም…

በለሚኩራ ክ/ከተማ ወረዳ 14 የአፈና እስሩ ተጠናክሮ መቀጠሉን ነዋሪዎች ገለጹ፤ ሰዎችን በሌሊት አፍኖ በመውሰድ ቤታችን መፍረስ የለበትም በሚል ተቃውሞ የሚያቀርቡ አካላትን ለማሳደድ እና ዝም…

በለሚኩራ ክ/ከተማ ወረዳ 14 የአፈና እስሩ ተጠናክሮ መቀጠሉን ነዋሪዎች ገለጹ፤ ሰዎችን በሌሊት አፍኖ በመውሰድ ቤታችን መፍረስ የለበትም በሚል ተቃውሞ የሚያቀርቡ አካላትን ለማሳደድ እና ዝም ለማስባል እየተጠቀሙበት ያለ የአፈና መንገድ ነው ሲሉ አካሄዱን አውግዘውታል። አማራ ሚዲያ ማዕከል/አሚማ ህዳር 14 ቀን 2015 ዓ/ም አዲስ አበባ ሸዋ በለሚኩራ ክ/ከተማ ወረዳ 14 የአፈና እስሩ ተጠናክሮ መቀጠሉን ነዋሪዎች ገልጸዋል። በሕግ ስም ሰዎችን በሌሊት አፍኖ በመውሰድ ቤታችን መፍረስ የለበትም በሚል ተቃውሞ የሚያቀርቡ አካላትን ለማሳደድ እና ዝም ለማስባል እየተጠቀሙበት ያለ የሴራ መንገድ ነው ሲሉም አካሄዱን አውግዘውታል። ለብዙ ዓመታት ጥረን፣ ግረን ፣ የቀን ስራ ሰርተን ባገኘነው ገንዘብ ከባለንብረት ገዝተን በመገንባት እየኖርን ያለንበትን ቤት ህገ ወጥ በማለት በእስካቫተር በማፍረስ ዜጎችን ሜዳ ላይ መበተን አግባብ አይደለም በሚል መቃወማቸውን ተከትሎ 29 ሰዎች ታስረው ለቀናት በግፍ ከተንገላቱ በኋላ መፈታታቸውን አውስተዋል ነዋሪዎቹ። ህዳር 14/2015 ከንጋቱ 11 ሰዓት ጀምሮ በወረዳ 14 ቁሊቲ ሰፈር 3 ነዋሪዎችን አፍነው መውሰዳቸው ተገልጧል። እነሱም:_ 1) ባዬ ውዴ፣ 2) ጌታሁን ቢሰነብት እና 3) ስሙ ለጊዜው ያልታወቀ የቁሊቲ ነዋሪ በሌሊት ታፍነው ወደ ፖሊስ ጣቢያ ተወስደዋል ተብሏል። ሌሎች በርካቶችም ከቤታቸው ባለመገኘታቸው እንጅ በፓትሮል በመጣ ኃይል ከበባ ተደረረጎባቸው ስለነበር ነዋሪዎች በተለይ ሰላማዊ በሆነ መልኩ የመብት ጥያቄ በማንሳታቸው የእስሩ ሰለባ እየሆኑ ያሉ አማራዎችን እየተመለከቱ ያሉ ወገኖች ለእኛስ ምን ዋስትና አለን በማለት በስጋት እየተሳደዱ መሆኑን አስታውቀዋል፤ አስቸኳይ መፍትሄ እንዲሰጥም ጠይቀዋል። ህዳር 12/2015 4 የቁሊቲ ነዋሪዎችም ከበላይ ታዘን ነው በሚሉ የፖሊስ ክትትል አካላት ከቤታቸው ባሉበት ታፍነው ወደ ሾላ እስር ቤት የተወሰዱት እና ፈጣንና ቀልጣፋ ፍትህ እያገኙ እንዳልሆነ የአሚማ ምንጮች ገልጸዋል። የሚከተሉት በእስር ላይ የሚገኙ ተጠርጣሪዎችም ነገ ህዳር 15/2015 ፍ/ቤት እንደሚቀርቡ ታውቋል። 1) ጌቱ በረካ፣ 2) ዋሲሁን ታረቀኝ፣ 3) አለሙ ሞገስ እና 4) ጸጋዬ ታረቀኝ የተባሉ ነዋሪዎች ናቸው በግፍ እስር ላይ ይገኛሉ የተባሉት። በለሚኩራ ክ/ከተማ በርካታ የሚሆኑ ቤቶች ለልማት በሚል ስም በከተማ አስተዳደሩ ትዕዛዝ መፍረሳቸውን በመቃወም ከአሁን ቀደም እስከ ከንቲባ ጽ/ቤት ድረስ በማቅናት “ዜጎች ነን፤ ለዘመናት የምንኖርበትን ቤት በልማት ፕሮጀክት ስም ስታፈርሱብን እኛስ የት እንውደቅ?” በሚል በተደጋጋሚ አቤቱታ ያቀረቡ መሆናቸውን አውስተው ነገር ግን ለጥያቄያቸው መፍትሄ ሰጭ አካል አለማግኘታቸው እንዳሳዘናቸው ገልጸዋል።

Source: Link to the Post

Leave a Reply