You are currently viewing በሊሙ ወረዳ የሚኖሩ አማራዎች በአሸባሪው ኦነግ ሸኔ፣በትሕነግ እና በቤኒን አባላት ለከፋ እገታ፣ እንግልት፣ ዝርፊያ እና ስጋት መዳረጋቸውን ገለጹ፤ የመስተዳድር አካላትም በተመሳሳይ መልኩ የሚ…

በሊሙ ወረዳ የሚኖሩ አማራዎች በአሸባሪው ኦነግ ሸኔ፣በትሕነግ እና በቤኒን አባላት ለከፋ እገታ፣ እንግልት፣ ዝርፊያ እና ስጋት መዳረጋቸውን ገለጹ፤ የመስተዳድር አካላትም በተመሳሳይ መልኩ የሚ…

በሊሙ ወረዳ የሚኖሩ አማራዎች በአሸባሪው ኦነግ ሸኔ፣በትሕነግ እና በቤኒን አባላት ለከፋ እገታ፣ እንግልት፣ ዝርፊያ እና ስጋት መዳረጋቸውን ገለጹ፤ የመስተዳድር አካላትም በተመሳሳይ መልኩ የሚታዩ ናቸው ብለዋል። ባህርዳር:- ሚያዚያ 15/2014 ዓ.ም አሻራ ሚዲያ በኦሮሚያ ክልል ምስራቅ ወለጋ ዞን በሊሙ ወረዳ እስካሁን ከመፈናቀል በተረፈችው በመንደር 8 የሚኖሩ አማራዎች በአሸባሪው ኦነግ ሸኔ፣በትሕነግ እና በቤኒን አባላት ለከፋ እገታ፣ እንግልት፣ ዝርፊያ እና ስጋት መዳረጋቸውን ገልጸዋል። በተመሳሳይ የመስተዳድር አካላትም ከእነዚህ ቡድኖች በተለዬ መልኩ እያስተናገዱን አይደለም፤ በጥቅሉ ከሚደርስብን ተደጋጋሚ ጥቃት የሚታደግ አካል አልተገኘም ሲሉ ተደምጠዋል። በሊሙ ወረዳ ከተለያዩ ቀበሌዎች የተፈናቀሉ በአስር ሽህዎች የሚቆጠሩ አማራዎች ወደ አንገር ጉትን ከተማ ተሰደው እንደሚኖሩ ተገልጧል። በሊሙ ወረዳ መንደር 8 በአሸባሪው ኦነግ ሸኔ፣ በትሕነግ አባላትና በቤኒን ጥምረት ሚያዝያ 14/2014 ሰባት አማራዎች ታግተዋል። እገታው የተፈጸመውም ከምሽቱ 1 ሰዓት አካባቢ ለስብሰባ ትፈለጋላችሁ በማለት እየመረጡ አስገድደው ከሰበሰቡ በኋላ መሆኑ ተገልጧል። ከታገቱት መካከል የሀይማኖት አባቶችና የሀገር ሽማግሌዎች ይገኙበታል። 1) ሰይድ ወሌ፣ 2) ወዳጅ ካሳዬ፣ 3) ሞገስ አለነ፣ 4) ቄስ ምስጋናን፣ 5) ቄስ መርሻ፣ 6) ሞገስ አድማሴ እና 7) ሐብታሙ ከበደ የተባሉ የመንደር 8 ነዋሪዎች የታፈኑ መሆናቸው ተገልጧል። የተጣለባቸውን ገንዘብ ይከፍላሉ በሚል ሚያዝያ 16/2014 ከቀኑ 6 ሰዓት አካባቢ የተለቀቁና ተመልሰው ወደቤታቸው የገቡ መሆኑ የአካባቢው ምንጮቻችን አረጋግጠዋል። እገታውን ተከትሎ በአካባቢው ከሶስቱ ቡድኖች የተዘጋጁ የማፍያ ዘራፊ ቡድን አባላት በመንደር 8 እየዞሩ አማራዎችን ሲደበድቡ፣ ሲዘርፉና ገንዘብ ሲቀጡ አድረዋልም ተብሏል። ለፈጣንና አዳዲስ መረጃዎች የአይበገሬዎቹ ልሳን:- ቴሌግራም :- https://t.me/asharamedia24 Facebook :- https://www.facebook.com/asharamedia24 youtube :- https://www.youtube.com/channel/UChir2nIy58hlLQRYyHIQeHA

Source: Link to the Post

Leave a Reply