You are currently viewing በሊቢያ በርሃ እስር ላይ የሚገኙ ኢትዮጵያዊያን ዜጎች መንግስት በአስቸኳይ እንዲታደጋቸው ጥሪ አቀረቡ! ጥር 2 ቀን 2015 ዓ.ም አሻራ ሚዲያ ፣ በሊቢያ በርሃ ከአንድ ዓመት በላይ እስር ላይ…

በሊቢያ በርሃ እስር ላይ የሚገኙ ኢትዮጵያዊያን ዜጎች መንግስት በአስቸኳይ እንዲታደጋቸው ጥሪ አቀረቡ! ጥር 2 ቀን 2015 ዓ.ም አሻራ ሚዲያ ፣ በሊቢያ በርሃ ከአንድ ዓመት በላይ እስር ላይ…

በሊቢያ በርሃ እስር ላይ የሚገኙ ኢትዮጵያዊያን ዜጎች መንግስት በአስቸኳይ እንዲታደጋቸው ጥሪ አቀረቡ! ጥር 2 ቀን 2015 ዓ.ም አሻራ ሚዲያ ፣ በሊቢያ በርሃ ከአንድ ዓመት በላይ እስር ላይ የሚገኙ ብዛታቸው አስር ሺ የሚደርሱ ኢትዮጵያዊያን ዜጎች መንግስት በአስቸኳይ እንዲታደጋቸው ጥሪ አቅርበዋል። በህገ ወጥ መንገድ ወደ አውሮፓ እና ሌሎች ሀገራት ለመግባት ጉዞ ጀምረው በሰሜን አፍሪካ ሊብያ በርሃ ሲደርሱ በህገ ወጥ ሰው አዘዋዋሪዎች ታግተው ከአንድ ዓመት በላይ በእስር ላይ የሚገኙ አስር ሺ የሚደርሱ ኢትዮጵያውያን ዜጎች፣በረሃብ እና በወረርሽኝ ህይወታቸው እያለፈ እንደሆነ ለአማራ ድምፅ የገለፁት እስረኞቹ፡ የኢትዮጵያ መንግስት በአስቸኳይ እንዲታደጋቸው ተማፅኖ አቅርበዋል። በሊብያ በርሃ ኩፍራ፣ ባንጋዚ እና ጂላብያ በተባሉ አከባቢዎች አስር ሺ የሚደርሱ ኢትዮጵያውያን በጠባብና ጨለማ ክፍል ከታሰሩ አንድ አመት እንዳለፋቸው የተገለፀ ሲሆን ወደ ሀገራቸው እንዲመለሱ የተጠየቁትን ገንዘብ ክፈሉ በሚል በርካታ ሰዎች በህገ ወጥ ሰው አዘዋዋሪዎች በተፈፀመባቸው ድብደባ ህይወታቸው ማለፉንም ስደተኞቹ ለአማራ ድምፅ አረጋግጠዋል። ከእስረኞቹ መካከል ልጅ የሚያጠቡ እናቶችን ጨምሮ በርካታ ሴቶች መኖራቸውን ከአማራ ድምፅ ጋር የስልክ ቆይታ ያደረጉት ስደተኞቹ የገለፁ ሲሆን በህገ ወጥ ሰው አዘዋዋሪዎቹ የአስገድዶ መድፈር ወንጀል ተፈፅሞባቸዋል ብለዋል። የአማራ ድምፅ ያነጋገራቸው ስደተኞቹ፡ በሊብያ በርሃ የተለያዩ ቦታዎች በጠባብ እና ጨለማ ክፍል ውስጥ ከታሰሩ አስር ሺ ኢትዮጵያውያን እስረኞች መካከል በርካቶች ህገ ወጥ ሰው አዘዋዋሪዎቹ በሚፈፅሙባቸው ድብደባ ፣በርካቶች ደግሞ በረሃብ እና በወረርሽኝ ህይወታቸው እያለፈ መሆኑ የገለፁ ሲሆን የኢትዮጵያ መንግስት ከሊብያ መንግስት ጋር በመነጋገር ወይንም ሌሎች መፍትሔዎችን በመፈለግ በአስቸኳይ እንዲደርስላቸው ተማፅኖ አቅርበዋል። አሁንም ቢሆን ወደ አውሮፓ እና ሌሎች ሀገራት እናደርሳችኋለን በሚል ህዝቡን ወደዚህ መከራ የሚያስገቡ በርካታ ደላሎች በአማራ ክልል ምዕራብ ጎንደር ዞን መተማ ዮኋንስ አከባቢ በሰፊው ይንቀሳቀሳሉ የሚሉት ስደተኞቹ፡ መንግስት በነዚህ ህገ ወጥ ደላሎች ላይ ጥብቅ እርምጃ ሊወስድ ይገባል ሲሉ አሳስበዋል። በተጨማሪም በሊብያ በርሃ ከአንድ አመት በላይ እስር ላይ የሚገኙት እነዚኸው ኢትዮጵያውያን እስረኞች፣ ስደት፣ ሞትና መከራ በኛ ይብቃ ያሉ ሲሆን ለህዝቡ በቂ የሆነ የግንዛቤ ማስጨበጫ ሊሰጠው ይገባል ሲሉ መልዕክት አስተላልፈዋል። በ ጌትነት አሻግሬ መረጃው የአማራ ድምፅ ነው ። “ውድ የአሻራ ሚዲያ ቤተሰቦች የአሻራ ሚዲያ ቻናልን ላይክና ሰብስክራይብ በማድረግ ድጋፋችሁን ታሳዩን ዘንድ በአክብሮት እንጠይቃለን።” ለፈጣንና አዳዲስ መረጃዎች አሻራ ሚዲያ የአይበገሬዎቹ ልሳን:- // Youtube:- https://www.youtube.com/channel/UCPmgFzP2ZPmdGjHxXjigJaw // Facebook:- https://www.facebook.com/asharamedia24 // ቴሌግራም:- https://t.me/asharamedia24

Source: Link to the Post

Leave a Reply