በመተከል ዞን ማረሚያ ቤት ከሁለት ዓመታት በላይ ፍርድ ቤት ያልቀረቡ ተጠርጣሪዎች ተገኙ

በመተከል ዞን ማረሚያ ቤት ከሁለት ዓመታት በላይ ፍርድ ቤት ያልቀረቡ ተጠርጣሪዎች ተገኙ

አዲስ አበባ፣ ታህሳስ 23፣ 2013 (ኤፍ.ቢ.ሲ) በጠቅላይ ሚኒስትር ዐቢይ አህመድ የተቋቋመው የተቀናጀ ግብረ ኃይል በቤኒሻንጉል ጉሙዝ ክልል መተከል ዞን ማረሚያ ቤት ባደረገው ጉብኝት ከሁለት ዓመታት በላይ ፍርድ ቤት ያልቀረቡ ተጠርጣሪዎችን አገኘ።

ተጠርጣሪዎቹ ጉዳያቸው ታይቶ በሶስት ቀናት ውስጥ እልባት እንዲሰጣቸውም ግብረ ሃይሉ አሳስቧል።

ግብረ ሃይሉ በማረሚያ ቤት ባደረገው ጉብኝት ከ2011 ዓ.ም ጀምሮ በነበረ የፀጥታ ችግር በወንጀል ተጠርጥረው እስካሁን ፍርድ ቤት ያልቀረቡ ተጠርጣሪዎችን አግኝቷል።

ከፀጥታ ችግር ጋር ተያይዞ በወንጀል ተጠርጥረው ፍርድ ቤት ሳይቀርቡ ከሁለት ዓመት በላይ በማረሚያ ቤት መቆየታቸውንም አረጋግጧል።

በግብረ ኃይሉ የህግ ማስከበርና የፀጥታውን ዘርፍ በበላይነት የሚመሩት ሌተናል ጀኔራል አስራት ዴኔሮ ተጠርጣሪዎቹ ፍርድ ቤት ሳይቀርቡ ከሁለት ዓመታት በላይ መታሰራቸው ከህግ አግባብ ውጪ መሆኑን ገልጸዋል።

በዚህም ከፌደራል ዐቃቤ ህግ መርማሪ ቡድን ጋር ስራውን የሚመራ ኮሜቴ ተቋቁሞ በሚቀጥሉት ሶስት ቀናት ውስጥ ለማጠናቀቅ እያጣራ መሆኑን መግለጻቸውን ኢዜአ ዘግቧል።

ግብረ ኃይሉ በዞኑ ህግ የማስከበርና በወንጀል የተጠረጠሩ አካላት በህግ ተጠያቂ እንዲሆኑና የሰብዓዊ ድጋፍ የሚያስፈልጋቸው እርዳታ እንዲያገኙ እየሰራ መሆኑ ይታወቃል።

 

ከፌስቡክ ገፃችን በተጨማሪ ወቅታዊ፣ ትኩስ እና የተሟሉ መረጃዎችን ለማግኘት፡-

የፋና ድረ ገጽ https://www.fanabc.com/ ይጎብኙ፤

ተንቀሳቃሽ ምስሎችን ለማግኘት የፋና ቴሌቪዥን የዩቲዩብ ቻናል https://www.youtube.com/c/fanabroadcastingcorporate/ ሰብስክራይብ ያድርጉ

ፈጣን መረጃዎችን ለማግኘት ትክክለኛውን የፋና ቴሌግራም ቻናል https://t.me/fanatelevision ይቀላቀሉ

ከዚህ በተጨማሪም በትዊተር ገጻችን https://twitter.com/fanatelevision ይወዳጁን

ዘወትር ከእኛ ጋር ስላሉ እናመሰግናለን!

The post በመተከል ዞን ማረሚያ ቤት ከሁለት ዓመታት በላይ ፍርድ ቤት ያልቀረቡ ተጠርጣሪዎች ተገኙ appeared first on Welcome to Fana Broadcasting Corporate S.C.

Source: Link to the Post

Leave a Reply