You are currently viewing በመተከል ዞን ቡለን ወረዳ በባጃጅ ወደ ወረዳው ከተማ ሲጓዙ የነበሩ የአማራ እና የሽናሻ ተወላጆች በጉምዝ ታጣቂዎች ተገደሉ፤ የቦዴፓ አመራሮች ጉዳዩ በእጅጉ እንዳሳሰባቸው ገልፀዋል። አማራ ሚ…

በመተከል ዞን ቡለን ወረዳ በባጃጅ ወደ ወረዳው ከተማ ሲጓዙ የነበሩ የአማራ እና የሽናሻ ተወላጆች በጉምዝ ታጣቂዎች ተገደሉ፤ የቦዴፓ አመራሮች ጉዳዩ በእጅጉ እንዳሳሰባቸው ገልፀዋል። አማራ ሚ…

በመተከል ዞን ቡለን ወረዳ በባጃጅ ወደ ወረዳው ከተማ ሲጓዙ የነበሩ የአማራ እና የሽናሻ ተወላጆች በጉምዝ ታጣቂዎች ተገደሉ፤ የቦዴፓ አመራሮች ጉዳዩ በእጅጉ እንዳሳሰባቸው ገልፀዋል። አማራ ሚዲያ ማዕከል/አሚማ ነሀሴ 28 ቀን 2013 ዓ.ም አዲስ አበባ ሸዋ አማራ ሚዲያ ማዕከል ከአካባቢው ነዋሪዎች ጋር ያደረገው ቆይታ እንዳመለከተው “ትጥቅ ልተቀበሉ ስለሆነ ወደ ቡለን ከተማ ኑ!” መባላቸውን ተከትሎ በባጃጅ ተሳፍረው ሲሄዱ ተላላኪው የጉምዝ ታጣቂዎች ቡድን ነው መንገድ ላይ ጥቃቱን የፈፀመው ተብሏል። የተገደለው ሾፌር አማራ ሲሆን ሌሎች የተገደሉት 4 እና የቆሰሉት 2 የሽናሻ ተወላጆች መሆኑን የደረሰን መረጃ አመልክቷል። በአንድ ባጃጅ ውስጥ ከተገደሉት ወገኖች ጥቃት በስተጀርባ እንዳይታጠቁ በሚፈልግ የበላይ አካል ለገዳዮች መረጃ ተላልፎ ተሰጥቷቸው ሊሆን እንደሚችል የአካባቢው ነዋሪዎች ተናግረዋል። ነሃሴ 25 ቀን 2013 በዶቢ ቀበሌ የቀብር ስነ ስርዓታቸው ተፈጽሟል። ከዶቢ ወደ ቡለን በባጃጅ ትጥቅ ለመቀበል ሲመጡ እሪ በከንቱ በተባለ አካባቢ የተገደሉትም:_ 1) መልካሙ ዘለቀ 2) ገለታ ደርሳ 3) አሰፋ ገለታ እና 4) ሙለታ በከሬ የሽናሻ ተወላጆች ሲሆኑ 5) አባይ ወርቁ ደግሞ የአማራ ተወላጅ መሆኑ ታውቋል። አሚማ በንጹሃን ላይ የሚገፀመው እልቂት ያሳስበናል ያሉትን የቦሮ ዲሞክራሲያዊ ፓርቲ (ቦዴፓ) የፖለቲካ ዘርፍ ኃላፊ አቶ ዮሃንስ ተሰማ እና የፓርቲው የማዕከላዊ ኮሚቴ አባልና የወጣቶች ጉዳይ ኃላፊ አቶ ኃይሌ እምቢአለን አነጋግሯል። እንደ ቦዴፓ አመራሮች አገላለፅ በመተከል ያለው ኮማንድ ፖስት ተሸንፏል፤ ህዝብን ከእልቂት ለመታደግ አልቻለም። ትጥቅ ሊወስዱ በመጡ ሚሊሻዎች ላይ ነሃሴ 25 ቀን 2013 በጉምዝ ታጣቂዎች የተፈፀመው ግድያም ከበስተጀርባው ሴራ አለው ባዮች ናቸው። መረጃው ቀዩ ማህበረሰብ ራሱን ከገዳዮች ለመከላከል ትጥቅ እንዲታጠቅ የማይፈልጉ የጉምዝ ታጣቂዎችን አስተሳሰብ ከተሸከሙ አመራሮች ተላልፎ ተሰጥቶ እንደሚሆን ጠቁመዋል። ስለምን የጉምዝ ሽፍቶችን ገዳላችሁ በሚል 30 የሚሆኑ የሽናሻ እና የአማራ ተወላጆችን አስረው ከሁለት ሳምንት በኋላ በዋስ ለቀዋቸዋል ያሉት አቶ ዮሃንስ ለምን ተፈቱ በሚል በድጋሜ ለማሰር ሲያድኗቸው ወደ ጫካ ገብተዋል ሲሉ አክለዋል። ይህን ተከትሎም 12 ህጻናትን የያዙ የሽናሻ እናቶች ለእስር የምንፈልጋቸውን ባሎቻችሁን አምጡ በሚል በግፍ በቡለን ወረዳ ታስረው እንደሚገኙና ይህም በእጅጉ እንደሚያሳስባቸው ገልፀዋል። አቶ ኃይሌ በበኩላቸው መንግስት መዋቅሩን መፈተሽ እንደገና ማወቀር፣ ኮማንድ ፖስቱን መፈተሽና መቀየር፣ ለውይይት መቀመጥ እንዳለበት ጠቁመዋል። በመጨረሻም መንግስት የተፈናቃዮችን ጉዳይ ትኰረት እንደነፈገው ገልፀዋል ወደ ቀያቸው ተመልሰዋል የተባለውም ውሸት ነው፤ ይልቁንስ ከካምፕ ወደ ሌላ ካምፕ እንዲዘዋወሩ ተደረገ ነው መባል ያለበት ብለዋል። አሁንም እርዳታ ከተቋረጠ ወራት ተቆጥሯል ያሉት የቦሮ ዲሞክራሲያዊ ፓርቲ አመራሮች አስቸኳይ ድጋፍ እንዲደረግላቸው ጥሪ አድርገዋል። ሙሉ ዝግጅቱን በአሚማ የዩቱብ አድራሻ ያገኙታል:: https://youtu.be/0lEc6zj6xJM

Source: Link to the Post

Leave a Reply