You are currently viewing በመተከል ዞን ጉባ እና ዳንጉር ወረዳዎች የተፈናቀሉ ወገኖች ለወራት እርዳታ በመቋረጡ ክፉኛ መቸገራቸውን ገለጹ፤ ከወረዳው ምግብ ዋስትና እና አደጋ መከላከልም ችግሩ ከፌደራል መንግስት ነው የ…

በመተከል ዞን ጉባ እና ዳንጉር ወረዳዎች የተፈናቀሉ ወገኖች ለወራት እርዳታ በመቋረጡ ክፉኛ መቸገራቸውን ገለጹ፤ ከወረዳው ምግብ ዋስትና እና አደጋ መከላከልም ችግሩ ከፌደራል መንግስት ነው የ…

በመተከል ዞን ጉባ እና ዳንጉር ወረዳዎች የተፈናቀሉ ወገኖች ለወራት እርዳታ በመቋረጡ ክፉኛ መቸገራቸውን ገለጹ፤ ከወረዳው ምግብ ዋስትና እና አደጋ መከላከልም ችግሩ ከፌደራል መንግስት ነው የሚል ምላሽ ተሰጥቷል። አማራ ሚዲያ ማዕከል/አሚማ ህዳር 20 ቀን 2015 ዓ/ም አዲስ አበባ ሸዋ በመተከል ዞን ጉባ እና ዳንጉር ወረዳዎች የተፈናቀሉ ወገኖች ለወራት እርዳታ በመቋረጡ ክፉኛ መቸገራቸውን ገለጹ። በጉባ ወረዳ ከ17 ቀበሌዎች የተፈናቀሉ ወገኖች በአልመሃል፣አይሲድ እና ማንኩሽ ቀበሌዎች ተካተው ከጉባ ወረዳ የመጡ በሚል በዳንጉር ወረዳ ይረዱ እንደነበር ነዋሪዎች ገልጸዋል። ይሁን እንጅ አሁን ላይ ባላወቅነው ሁኔታ እርዳታ ከተቋረጠ ወራቶች ተቆጥረዋል ሲሉ አማረዋል። እናቶች፣አረጋዊያን እና ህጻናት በከፍተኛ ሁኔታ በርሃብ እየተጎዱ በመሆኑ መንግስት አስቸኳይ መፍትሄ እንዲሰጥበት ጥሪ ተደርጓል። ከጉባ ወረዳ ተፈናቅለው በዳንጉር ሲረዱ የነበሩ አባዎራ እና እማዎራዎች ከ860 በላይ መሆናቸውን ገልጸዋል። እርዳታ ከተቋረጠ ከ6 ወራት በላይ ቢሆንም በመሃል ግን ከ3 ወራት በፊት ለተወሰኑ የተመረጡ ቤተሰቦች 7.5 ኪሎ ግራም የሚሆን እርዳታ መሰራጨቱን አውስተዋል። “እርዳታው ለምን አይደርሰንም?” በሚል አቶ በሪሁን ለተባሉ የአደጋ መከላከል እና ምግብ ዋስትና ባለሙያ ስንጠይቅም “የእናንተ ኮታ ወደ ትግራይ ሂዷል” የሚል ምላሽ ሰጥተውናል፤ “እየተራበ ያለ ሰው ኮታ እንዴት ለሌላ ተላልፎ ይሰጣል?” ሲሉ እንዲጣራላቸው ጠይቀዋል። ለተፈናቃዮች የሚመጣን እርዳታም ፍትሃዊ በሆነ መንገድ ከማከፋፈል ይልቅ በማፈናቀል ተሰማርተው ለነበሩት የማድላት ሁኔታ እየተስተዋለ ነው ሲሉም እንዲስተካከል ጠይቀዋል። አማራ ሚዲያ ማዕከል (አሚማ) በዳንጉር ወረዳ የአደጋ መከላከል እና ምግብ ዋስትና ስርጭት ላይ ከሚሰሩት መካከል አቶ አዲሱ የተባሉ ባለሙያን ስለሁኔታው አነጋግሯል። አቶ አዲሱም የተፈናቃዮች ቅሬታ አግባብ መሆኑን ተቀብለው ነገር ግን እርዳታ በኮታ ልክ እና በጊዜው ከፌደራል እየደረሰን ባለመሆኑ እንጅ የሚደርሰንንም በፍትሃዊነት እያከፋፈልን ነው፤ የተፈናቃይ እርዳታ በጎን የሚሸጥ አካል የለም፤ በህዝብ በኩል ያለውን ቅሬታም ለዞንና ለክልል እንዲደርስ አድርገናል ብለዋል። በወረዳው ከ47 ሽህ በላይ ተፈናቃዮች እንደሚረዱ ከመካከላቸውም ከ27 ሽህ በላይ የሚሆኑ የጉሙዝ ተወላጆች መሆናቸውንም ጠቁመዋል። የዳንጉር ወረዳ “አርሶ ከርሟል” በሚል እርዳታ የተቋረጠበት መሆኑን የገለጹ ነዋሪዎች ብዙ ህጻናትና አቅመ ደካሞች ስላሉ እርዳታው ሊቋረጥ አይገባውም ባይ ናቸው።

Source: Link to the Post

Leave a Reply