You are currently viewing በማዕከላዊ አርማጭሆ ወረዳ ማሰሮ ደንብ ከተማ የሚኖሩ ነጋዴዎች በመንግስት ፍቃድ በራሳችን ወጭ በሰራነው የንግድ ተቋም ላይ ከስምምነታችን ውጭ ለ5 ዓመት በሚል አዲስ ውል ፈርሙ መባላችን አግ…

በማዕከላዊ አርማጭሆ ወረዳ ማሰሮ ደንብ ከተማ የሚኖሩ ነጋዴዎች በመንግስት ፍቃድ በራሳችን ወጭ በሰራነው የንግድ ተቋም ላይ ከስምምነታችን ውጭ ለ5 ዓመት በሚል አዲስ ውል ፈርሙ መባላችን አግ…

በማዕከላዊ አርማጭሆ ወረዳ ማሰሮ ደንብ ከተማ የሚኖሩ ነጋዴዎች በመንግስት ፍቃድ በራሳችን ወጭ በሰራነው የንግድ ተቋም ላይ ከስምምነታችን ውጭ ለ5 ዓመት በሚል አዲስ ውል ፈርሙ መባላችን አግባብ አይደለም ሲሉ መዘጋጃ ቤትን ወቀሱ። አማራ ሚዲያ ማዕከል/አሚማ ጥር 3 ቀን 2015 ዓ/ም አዲስ አበባ ሸዋ በማዕከላዊ አርማጭሆ ወረዳ ማሰሮ ደንብ ከተማ የሚኖሩ ነጋዴዎች ከመሪ መዘጋጃ ቤቱ ውል ጋር በተያያዘ አጋጠመን ያሉትን ችግር በተመለከተ ከአማራ ሚዲያ ማዕከል (አሚማ) ጋር ቆይታ አድርገዋል። ቀደም ሲል መሃል ማሰሮ ደንብ ላይ የግብይት ስራ ስንሰራበት የነበረው አካባቢ ለልማት ይፈለጋል በመባሉ በመንግስት ጫና ከመስሪያ ቦታችን እንድንለቅ ተደርጓል ይላሉ። ይህን ተከትሎም ከተማው ይለማ ዘንድ የድርሻችንን እናበርክት በሚል በ2013 ዓ/ም የግብይት ቦታ እንዲሰጠን በሚል በልብስ ስፌት እና በልብስ ሽያጭ ተደራጅተን ጠይቀናል፤ የማሰሮ ደንብ መሪ መዘጋጃ ቤትም ጉዳዩን አምኖበት በሰጠን ቦታ ላይ በራሳችን ወጭ ገንብተን ወደ ስራ ገብተናል ብለዋል። በግብይት ማዕከሉም መሰረተ ልማት እንዲሟላ በሚል ለመዘጋጃ ቤቱ ጥያቄ ስናቀርብም ይህን ለማሟላት ውል አልወሰድኩም በማለቱ አሁንም በራሳችን ወጭ በተቻለ መጠን ለማሟላት ጥረት እያደረግን ነበር ሲሉ ተናግረዋል። ይሁን እንጅ በዚህ መሃል ቀደም ሲል የነበሩ የመሪ መዘጋጃ ቤት አመራሮች በውሉ ያላነሱትን አዲስ ጉዳይ በማምጣት ለ5 ዓመት ውል እንድንወስድ ጫና እየተደረገብን ነው ብለዋል። ብዛታቸው 176 እንደሚሆኑ እና ከእነዚህም ነጋዴዎች መካከል ቢያንስ ከ100 በላይ የሚሆኑት ወደ ስራ መግባታቸውን አስታውቀዋል። ለአሚማ ቅሬታቸውን ያቀረቡትም ቄስ አጃለው፣ እንዳለው አዲስ እና አማኑኤል ክብረት ሲሆኑ በቀጥታ ከመሪ መዘጋጃ ቤቱ ም/ኃላፊ፣ ከአቶ መሰረት አዱኛ ጋር በቀጥታ የስልክ ውይይት እንዲገናኙ ተደርጓል። በቅሬታው ዙሪያ ምላሽ የሰጡት አቶ መሰረት አዱኛም ህግ እና መመሪያውን ከማስተግበር ውጭ አዲስ ይሰጥ የተባለ የተለዬ ውልም ሆነ ጫና እያደረስን አይደለም ብለዋል። በተቋሙ ፍቃድ በራሳቸው ወጭ ገንብተው ወደ ስራ መግባታቸው ቢታወቅም መሸጥ እና ማከራየት ሊኖር ስለሚችል በመመሪያው መሰረት በእየ አምስት ዓመቱ የሚታደስ ውል መፈራረም የግድ እንደሚል ተናግረዋል። በውሉ መሰረት የደረጃ ሽግግር የሚያደርግ ነጋዴም ወደ ሌላ የስራ ዘርፍ ሲገባም ከአዲስ ገቢው ለግንባታው ያወጣውን ወጭ በመቀበል እንደሚለቅ ነው አቶ መሰረት የጠቆሙት። በውይይቱም ከመመሪያ ጋር የተያያዙ በርካታ ጥያቄዎች ተነስተው ከማሰሮ ደንብ መሪ መዘጋጃ ቤት ም/ኃላፊው፣ ከአቶ መሰረት አዱኛ ምላሽ ተሰጥቷል። ሙሉ ቆይታውን በአሚማ የዩቱብ አድራሻ የምናጋራ ይሆናል።

Source: Link to the Post

Leave a Reply