You are currently viewing በማዕከላዊ ጎንደር ዞን የክልሉን መንግስት ተችታችኋል የተባሉ ሰዎች መታሰራቸው  ተሰማ! ታሕሳስ 28 ቀን 2015 ዓ.ም አሻራ ሚዲያ ፣ በአማራ ክልል ማዕከላዊ ጎንደር ዞን በምዕራብ ደምቢያ…

በማዕከላዊ ጎንደር ዞን የክልሉን መንግስት ተችታችኋል የተባሉ ሰዎች መታሰራቸው ተሰማ! ታሕሳስ 28 ቀን 2015 ዓ.ም አሻራ ሚዲያ ፣ በአማራ ክልል ማዕከላዊ ጎንደር ዞን በምዕራብ ደምቢያ…

በማዕከላዊ ጎንደር ዞን የክልሉን መንግስት ተችታችኋል የተባሉ ሰዎች መታሰራቸው ተሰማ! ታሕሳስ 28 ቀን 2015 ዓ.ም አሻራ ሚዲያ ፣ በአማራ ክልል ማዕከላዊ ጎንደር ዞን በምዕራብ ደምቢያ ወረዳ በተካሄደ ስብሰባ የክልሉ መንግስትን ጨምሮ የዞና የወረዳ አመራሮች በአማራ ህዝብ ላይ እየተፈፀመ ያለውን በደል ማስቆም አልቻሉም በሚል ትችት ሰንዝራችኋል የተባሉ አስር የሚደርሱ ሰዎች መታሰራቸውን የአከባቢው ነዋሪዎች ለአማራ ድምፅ ተናገሩ! በምዕራብ ደምቢያ ወረዳ ልዩ ስሙ ፈንታይበባ በተባለ ቀበሌ ከሰሞኑ በተካሄደ ስብሰባ ላይ ከክልሉ መንግስት ባለስልጣናት ጀምሮ እስከ ወረዳ እና ቀበሌ ድረስ ያሉ አመራሮች የጅምላ ጭፍጨፋና እስርን ጨምሮ በአማራ ህዝብ ላይ እየተፈፀመ ያለውን ሁለንተናዊ በደል ማስቆም አልቻሉም በሚል ትችት ሰንዝራችኋል የተባሉ እስካሁን ቁጥራቸው በውል የታወቀ ዘጠኝ ሰዎች መታሰራቸውን ነው የአከባቢው ነዋሪዎች ለአማራ ድምፅ ያየረጋገጡት። ከዞን እና ከወረዳ የመጡ አመራሮች በተሳተፉበት ስብሰባ ላይ ለምን ትችት ሰነዘራችሁ በሚል እስካሁን ቁጥራቸው የታወቀ ዘጠኝ ሰዎች በወረዳው ጯሂት በተባለ ፖሊስ ጣቢያ ከታሰሩ አንድ ሳምንት እንደሞላቸው የገለፁት የአከባቢው ነዋሪዎች፡ እስረኞቹ እስከ አሁን ፍርድ ቤት አለመቅረባቸውንም ገልፀዋል። ከእስረኞቹ መካከል፦ አሸናፊ ማስሬ ቴዎድሮስ መንገሻ ታርቆ ተስፋየ የተባሉ ወጣቶችን ጨምሮ በድምሩ ዘጠኝ ሰዎች ያለ ፍትሕ በእስር እየተንገላቱ ነው ሲሉ ለአማራ ድምፅ የገለፁት የአከባቢው ነዋሪዎች፡በርካታ ሰዎችም የእስር ማደኛ ወጥቶባቸው እየተሳደዱ መሆኑን አመላክተዋል። የአማራ ድምፅ ያነጋገራቸው የአከባቢው ነዋሪዎች እንደገለፁት፡ በወረዳው ፈንታይበባ ቀበሌን ጨምሮ ሌሎች አከባቢዎች ላይ የሚገኙ ነዋሪዎች እስር ይፈፀምብናል በሚል እየተሳደዱ ነው ያሉ ሲሆን የመልካም አስተዳደር ችግሮችን ለመገምገም በተካሄደው ስብሰባው ላይ ለምን ትችት ሰነዘራችሁ በሚል የተጀመረው የእስር ዘመቻ የገዢው መንግስትን አምባገነናዊነት ማሳያ ነው ብለዋል። እየተፈፀመብን ባለው አፈና ምክኒያት በገዢው ስርዓት ላይ እምነት እንድናጣ እየሆን ነው የሚሉት ነዋሪዎቹ፡ በአከባቢው ስለሚስተዋሉ የመልካም አስተዳደር ችግሮች ለምን ተናገራችሁ በሚል የታሰሩ ሰዎች እንዲፈቱ እና ከክልል እስከ ዞን እና ወረዳ ያሉ የመንግስት አመራሮች ከእንደዚህ አይነት ድርጊት በአስቸኳይ እንዲታቀቡ ሲሉ ጠይቀዋል። በ ጌትነት አሻግሬ ዘገባው የአማራ ድምፅ ነው:: “ውድ የአሻራ ሚዲያ ቤተሰቦች የአሻራ ሚዲያ ቻናልን ላይክና ሰብስክራይብ በማድረግ ድጋፋችሁን ታሳዩን ዘንድ በአክብሮት እንጠይቃለን።” ለፈጣንና አዳዲስ መረጃዎች አሻራ ሚዲያ የአይበገሬዎቹ ልሳን:- // Youtube:- https://www.youtube.com/channel/UCPmgFzP2ZPmdGjHxXjigJaw // Facebook:- https://www.facebook.com/asharamedia24 // ቴሌግራም:- https://t.me/asharamedia24

Source: Link to the Post

Leave a Reply