በማይካድራ በተፈጸሙ ወንጀሎች ቀጥታ ተሳትፎ አላቸው በተባሉ ተጠርጣሪዎች ላይ ዐቃቤ ሕግ የቀዳሚ ምርመራ መዝገብ ከፈተ፡፡ አማራ ሚዲያ ማዕከል/አሚማ የካቲት 29 ቀን 2013 ዓ.ም…

በማይካድራ በተፈጸሙ ወንጀሎች ቀጥታ ተሳትፎ አላቸው በተባሉ ተጠርጣሪዎች ላይ ዐቃቤ ሕግ የቀዳሚ ምርመራ መዝገብ ከፈተ፡፡ አማራ ሚዲያ ማዕከል/አሚማ የካቲት 29 ቀን 2013 ዓ.ም አዲስ አበባ ሸዋ በማይካድራ ለ229 ዜጎች ሞት፣ ለ10 ሴቶች መደፈር እና ለ285 ዜጎች የአካል ጉዳት መድረስ ቀጥታ ተሳትፎ አላቸው በተባሉ ተጠርጣሪዎች ላይ ዐቃቤ ሕግ የቀዳሚ ምርመራ መዝገብ መክፈቱን ገልጧል። ዐቃቤ ህግ ይህንን ያስረዳው ከ30 በላይ ተጠርጣሪዎች ዛሬ በፌደራል የመጀመሪያ ደረጃ ፍርድ ቤት አራዳ ምድብ የጊዜ ቀጠሮ ችሎት ለአራተኛ ጊዜ በቀረቡበት ወቅት ነው። በዚህ ጊዜም የፌደራል ፖሊስ ኮሚሽን የወንጀል ምርመራ ቡድን ምርመራውን ማጠናቀቁንና የምርመራ መዝገቡን ለዐቃቤ ሕግ ማስረከቡን አስታውቋል። ዐቃቤ ሕግም ይህንን የምርመራ መዝገብ ተረክቦ ሌላ የቀዳሚ ምርመራ መዝገብ መክፈቱን ገልጿል። ተጠርጣሪዎቹ በማይካድራ ለ229 ዜጎች ሞት፣ ለ285 ዜጎች የአካል ጉዳት መድረስ እና በብሔራቸው እየተለዩ ለ10 ሴቶች መደፈር እንዲሁም ከ7 ሚሊየን ብር በላይ የግልና የመንግሥት ንብረት መውደም ተሳትፎ እንዳላቸውም አስረድቷል፡፡ ተጠርጣሪዎቹ ገጀራ፣ ቢለዋ እና የጦር መሳሪያ በመያዝ በቀጥታ ተሳትፎ እንደነበራቸው ነው ዐቃቤ ሕግ ያብራራው። በዚህ ወንጀል በማነሳሳት የተሳተፉ አሉ ያለው ዐቃቤ ሕግ በከፈትነው የቅድመ ምርመራ መዝገብም ተጠርጣሪዎቹ ከ15 ዓመት በላይ በሚያስቀጣ ወንጀል የተጠረጠሩ በመሆኑ ዋስትናቸው ውድቅ ተደርጎ በማረሚያ ቤት ይቆዩልኝ ሲል ጠይቋል። የተጠርጣሪ ጠበቆች በበኩላቸው ከዚህ በፊት ፍርድ ቤቱ ተሳትፏቸው ተለይቶ ይቅረብ ብሎ ባዘዘበት ሁኔታ ተሳትፏቸው ሳይለይ የቅድመ ምርመራ መዝገብ መከፈቱ ተገቢነት የለውም ሲሉ ተከራክረዋል። ጉዳዩን የተከታተለው ፍርድ ቤቱም በወንጀል ሥነ ሥርዓት ሕጉ 63/1 መሰረት የተጠርጣሪዎቹን የዋስትና ጥያቄ ውድቅ በማድረግ በማረሚያ ቤት እንዲቆዩ ማዘዙን አፀፍ ቢ ሲ ዘግቧል፡፡

Source: Link to the Post

Leave a Reply