“በማይካድራ ፣ መተከል ፣ ጉራፈርዳ እንዲሁም በወለጋ ዛሬም ድረስ ያላባራ የንፁሐን አሰቃቂ ግድያ እንደቀጠለ ነው። የእነዚህ ንፁሐን ግድያ የተፈፀመባቸው ምክኒያት አማራ ስለሆኑ ብቻ ነው።ይህ…

“በማይካድራ ፣ መተከል ፣ ጉራፈርዳ እንዲሁም በወለጋ ዛሬም ድረስ ያላባራ የንፁሐን አሰቃቂ ግድያ እንደቀጠለ ነው። የእነዚህ ንፁሐን ግድያ የተፈፀመባቸው ምክኒያት አማራ ስለሆኑ ብቻ ነው።ይህ…

“በማይካድራ ፣ መተከል ፣ ጉራፈርዳ እንዲሁም በወለጋ ዛሬም ድረስ ያላባራ የንፁሐን አሰቃቂ ግድያ እንደቀጠለ ነው። የእነዚህ ንፁሐን ግድያ የተፈፀመባቸው ምክኒያት አማራ ስለሆኑ ብቻ ነው።ይህ ግልፅ የሆነ የዘር ማጥፋት ነው። ይህንን ኢሰበዓዊ ድርጊት ለምንድን ነው ማውገዝ የተሳነን ?” አቶ ጣሂር ሙሀመድ የአብን የህዝብ ግንኙነት ኃላፊ አማራ ሚዲያ ማዕከል/አሚማ… ታህሳስ 24 ቀን 2013 ዓ.ም አዲስ አበባ ሸዋ የአብን የህዝብ ግንኙነት ኃላፊ አቶ ጣሂር ሙሀመድ “አጭር ነገር ለአንዳንድ ሙስሊም ወዳጆቼ !” በሚል የሚከተለውን መልዕክት አስተላልፈዋል። ይህ መልዕክት የተዛባ እይታ ውስጥ ገብተዋል ብየ ላሰብኳቸው ውስን ሰዎች የተላለፈ ነው ብዙሐኑን አይመለከትም ብለዋል። በትግራይ ክልል የህግ ማስከበር ሂደት ላይ ታሪካዊው የነጃሽ መስጅድ ጉዳት እንደደረሰበት ተመልክተናል ይሄ እጂግ የሚያሳዝን ነው ያሉት አቶ ጣሂር መሀመድ ከዚህ ጋር ተያይዞም በርካቶች ብስጭታችሁን ስትገልፁ ተመልክቻለሁ፤ እውነት ነው ለእምነቱ ቀናዒ የሆነ ሰው ቀርቶ ማንኛውም ሰው የተከበረው የአላህ ቤት ጉዳት ሲደርስበት ማዘኑ አይቀርም ነው ያሉት። በትግራይ ክልል የህግ ማስከበር ሂደት በቀጠለበት ወቅት የአሸባሪው የትህነግ ቡድን አባላት ነገሮችን ለማወሳሰብ እና ስስ የሆነውን የሐይማኖት ጉዳይ መጫዎቻ ካርድ ለማድረግ የሐይማኖት ቦታዎችን ከለላ ለማድረግ እየተጠቀሙባቸው መሆኑን መረጃዎች እየወጡ ስንሰማ ነበር። ይህ ጉዳትም የዚያ ውጤት እንደሆነ አያጠራጥርም ያለው አቶ ጣሂር የእኔ ጥያቄ ?ሲሉ ቀጥለው አካባቢው በከባድ ጦርነት ውስጥ እንደመቆየቱ በመስጅዱ ላይ የደረሰውን ጉዳት ታስቦበት እንደተደረገ ( ታስቦበት ከሆነም ከትህነግ በላይ ሴረኛ የለም! ) አድርጎ የተለየ ትርጉም መስጠት ተገቢ ነው ወይ ? ሲሉ ጠይቀዋል። እንደ ሀገር በትህነግ ልክ የሌለው እብሪት ወደዚህ አላስፈላጊ የጠብ-መንጃ መፍትሔ ከመግባታችን በፊት ይህ አሸባሪ ቡድን በበርካታ ቦታዎች ለንፁሐን መገደል ተጠያቂ ነው ። የሰሜን እዝ ወታደሮችም የጥቃቱ ሰለባ መሆናቸው የቅርብ ጊዜ ትዝታ ነው ሲሉም አውስተዋል። ታዲያ የዛሬው ዘመቻ የመስጅዱ ጉዳት ከሰብዓዊ ፍጥሮች በልጦ ነው ወይ የዛሬው ጩኸት ከፍየሏ በላይ የሆነው? ሲሉ ጠይቀዋል። በማይካድራ ፣ መተከል ፣ ጉራፈርዳ እንዲሁም በወለጋ ዛሬም ድረስ ያላባራ የንፁሐን አሰቃቂ ግድያ እንደቀጠለ ነው፤ የእነዚህ ንፁሐን ግድያ የተፈፀመባቸው ምክኒያት አማራ ስለሆኑ ብቻ ነው መሆኑን ያሰመሩት አቶ ጣሂር ይህ ግልፅ የሆነ የዘር ማጥፋት ነው። ይህንን ኢሰበዓዊ ድርጊት ለምንድን ነው ማውገዝ የተሳነን ? ሲሉ ትዝብታቸውን አስፍረዋል። የአንዲትን ነፍስ በግፍ መገደል አቅልሎ የማይመለከተው እስልምና ውስጥ ሆነን ይህንን ግፍ የማናወግዘው ሰዎች ከመስጅድ ስለማይበልጡ ነው ? ወይስ የወጡበት አካባቢ ጠላት ስለሆነ ነው ? ብለዋል። የምንጨነቀው ሐይማኖት መርጠን ከሆነ እና ሰብዓዊነቱን ከዘነጋነው እንኳን በመተከልም ሆነ በጉራፈርዳ እንዲሁም አንዳንዶቻችሁ እንደ ኢስላሚክ ስቴት በምትመፃደቁበት ኦሮሚያ ክልል በርካታ ሙስሊም አማራዎች በማንነታቸው ምክኒያት በግፍ ስለመገደላቸው የጠቀሱት አቶ ጣሂር የእነዚህ ሰዎች ህይወትስ ከመስጅዱ ነው ወይስ በውስጡ ካሉት መቃብሮች ነው ያነሰው ? ሲሉ ጠይቀዋል። “በጥቅሉ የፈረሰው መስጅድ በቀላሉ መታደስ ይችላል ፤ ንብረትም ቢሆን ይተካል ! የሟች ነፍስ ግን ተመልሶ አይመጣም ! ሚዛናችን መሳትም ተገቢ አይደለም።” ያሉት አቶ ጣሂር በመጨረሻም ከእንዲህ አይነቱ የተዛባ አተያይ ወጥተን ተገቢ የሆነውን መንገድ አላህ ይምራን ስሉ መልዕክታቸውን ቋጭተዋል።

Source: Link to the Post

Leave a Reply