You are currently viewing በምስራቅ ወለጋ አንገር ጉትን ከተማ ነፍሰጡር እና አራስ እናቶችን ጨምሮ ስድስት ሴቶች መታሰራቸው ተሰማ! ታሕሳስ 25 ቀን 2015 ዓ.ም አሻራ ሚዲያ ፣ በኦሮሚያ ክልል ምስራቅ ወለጋ አንገር…

በምስራቅ ወለጋ አንገር ጉትን ከተማ ነፍሰጡር እና አራስ እናቶችን ጨምሮ ስድስት ሴቶች መታሰራቸው ተሰማ! ታሕሳስ 25 ቀን 2015 ዓ.ም አሻራ ሚዲያ ፣ በኦሮሚያ ክልል ምስራቅ ወለጋ አንገር…

በምስራቅ ወለጋ አንገር ጉትን ከተማ ነፍሰጡር እና አራስ እናቶችን ጨምሮ ስድስት ሴቶች መታሰራቸው ተሰማ! ታሕሳስ 25 ቀን 2015 ዓ.ም አሻራ ሚዲያ ፣ በኦሮሚያ ክልል ምስራቅ ወለጋ አንገር ጉቴ ከተማ ነፍሰጡር እና አራስ እናቶችን ጨምሮ ስድስት ሴቶች በክልሉ ልዩ ኃይል መታሰራቸውን የአይን እማኞች ለአማራ ድምፅ ገለፁ። የክልሉ ልዩ ኃይሎች ህዳር 24/2015 ዓ/ም በአንገር ጉቴ ከተማ እና አጎራባች ቀበሌዎች ከፍተውት በነበረው ጥቃት ህዝቡ እራሱን እንዲከላከል አስተባብራችኋል በሚል ከ70 በላይ የአማራ ተላጆች ተጠርጥረው መታሰራቸውን የአማራ ድምፅ መዘገቡ ይታወሳል። ከዚህ በተጨማሪ ህዝቡ እራሱን እንዲከላከል ስትቀሰቅሱ እና ስታደራጁ ነበር በሚል ተጠርጥረው በከተማዋ በሚገኝ ፖሊስ ጣቢያ ከታሰሩት ከ70 በላይ የሚሆኑ የአማራ ተወላጆች መካከል ቁጥራቸው በውል ያልታወቁ እስረኞች በልዩ ኃይሉ ተመርጠው ከፖሊስ ጣቢያው ከወጡ ቦኋላ መረሸናቸውን ስማቸውን መግለፅ ያልፈለጉ በአከባቢው ፀጥታ ለማስከበር የተሰማሩ የመከላከያ ሰራዊት አባላትን ዋቢ በማድረግ ከሰሞኑ የአማራ ድምፅ መዘገቡ አይዘነጋም። የአማራ ተወላጅ በሆኑ የከተማዋ ነዋሪዎች ላይ የተከፈተው የእስር ዘመቻ እና በህግ ጥላ ስር በዋሉት ላይም የሚፈፀመው አሰቃቂ ድርጊት መቀጠሉ የተገለፀ ሲሆን፡ ከዚህ ለማምለጥም በርካቶች እየሸሹ መሆናቸው ተመላክቷል። በዚህም የክልሉ ልዩ ኃይሎች ቤት ለቤት እየዞሩ ወጣት ልጆቻችሁ እና ባሎቻችሁ የተደበቁበትን ጠቁሙ በሚል አንዲት ነፍሰጡር እና ልጅ የሚያጠቡ ሁለት እናቶችን ጨምሮ በድምሩ ስድስት ሴቶችን ማሰራቸውን ነው የአይን እማኞቹ ለአማራ ድምፅ ያረጋገጡት። የአይን እማኞቹ፡ ከታሰሩት ሴቶች መካከል ድብደባ የተፈፀመባቸው አሉ ያሉ ሲሆን ከዚህ በተጨማሪ ወዳልታወቀ ስፍራ የተወሰዱ መኖራቸውንም ጠቁመዋል። ለኦነግ ሸኔ በሚሰሩ የከተማዋ ነዋሪዎች ጠቋሚነት የክልሉ ልዩ ኃይሎች እና በአከባቢው ፀጥታ ለማስከበር የተሰማራው የሀገር መከላከያ ሰራዊት የከፈቱት የእስር ዘመቻ መቀጠሉን ያረጋገጡት የአይን እማኞቹ፡በዚህም ነፍሰ ጡር እና ልጅ የሚያጠቡ እናቶችን ጨምሮ እድሜያቸው ከ18 ዓመት በታች የሆኑ ታዳጊዎችም መታሰራቸውን አመላክተዋል። በህግ ጥላ ስር የዋሉ የአማራ ተወላጆች ወዳልታወቀ ስፍራ ተወስደው እየተገደሉ ነው ሲሉ ለአማራ ድምፅ ያየረጋገጡት የአይን እማኞቹ፡ ከማረሚያ ቤት እንዲወጡ ተደርገው በጅምላ ለሚረሸኑ እስረኞች መቀበሪያ የሚሆን የክልሉ ልዩ ኃይሎች ያስቆፈሩት ሰፊ የቀብር ጉድጓድ ከሰሞኑ በከተማዋ አቅራቢያ መመልከታቸውንም ተናግረዋል። የአይን እማኞቹ ከአማራ ድምፅ ጋር በነበራቸው የስልክ ቆይታ፡ የክልሉ ልዩ ኃይሎች ዛሬ ታህሳስ 25/2015 ዓ/ም ከማለዳው ጀምረው ቁጥራቸው በውል ባልታወቀ በርካታ ተሽከርካሪዎች ተሳፍረው የአንገር ጉቴ ከተማን አቆራርጠው ወደ ኪረሙ እየተጓዙ መሆኑን የጠቆሙ ሲሆን፡ ሲመለሱ በህዝቡ ላይ በቡድን መሳሪያ ጭምር የታገዘ ዳግም ጥቃት ይከፍታሉ በሚል የከተማዋ ነዋሪዎች ከባድ ጭንቀት ላይ መውደቃቸውንም ገልፀዋል። በ ጌትነት አሻግሬ ዘገባው የአማራ ድምፅ ነው ። “ውድ የአሻራ ሚዲያ ቤተሰቦች የአሻራ ሚዲያ ቻናልን ላይክና ሰብስክራይብ በማድረግ ድጋፋችሁን ታሳዩን ዘንድ በአክብሮት እንጠይቃለን።” ለፈጣንና አዳዲስ መረጃዎች አሻራ ሚዲያ የአይበገሬዎቹ ልሳን:- // Youtube:- https://www.youtube.com/channel/UCPmgFzP2ZPmdGjHxXjigJaw // Facebook:- https://www.facebook.com/asharamedia24 // ቴሌግራም:- https://t.me/asharamedia24

Source: Link to the Post

Leave a Reply