You are currently viewing በምስራቅ ወለጋ ዞን ጉቡሰዮ ወረዳ የአንድ ቤተሰብ አምስት አማራዎች በአሸባሪው ኦነግ ሸኔና በተባባሪዎቹ በግፍ ተገደሉ። አማራ ሚዲያ ማዕከል  ጥቅምት 26 ቀን 2014 ዓ.ም         አዲ…

በምስራቅ ወለጋ ዞን ጉቡሰዮ ወረዳ የአንድ ቤተሰብ አምስት አማራዎች በአሸባሪው ኦነግ ሸኔና በተባባሪዎቹ በግፍ ተገደሉ። አማራ ሚዲያ ማዕከል ጥቅምት 26 ቀን 2014 ዓ.ም አዲ…

በምስራቅ ወለጋ ዞን ጉቡሰዮ ወረዳ የአንድ ቤተሰብ አምስት አማራዎች በአሸባሪው ኦነግ ሸኔና በተባባሪዎቹ በግፍ ተገደሉ። አማራ ሚዲያ ማዕከል ጥቅምት 26 ቀን 2014 ዓ.ም አዲስ አበባ ሸዋ በምስራቅ ወለጋ ዞን ጉቡሰዮ ወረዳ አጎላፍቴ ቀበሌ የአንድ ቤተሰብ አምስት አማራዎች በአሸባሪው ኦነግ ሸኔ እና በተባባሪዎቹ በግፍ መገደላቸው ተሰምቷል። አሰቃቂው ግድያው የተፈጸመው በትብብር ነው የሚሉት ነዋሪዎቹ አሸባሪው ኦነግ ሸኔ፣ በመንግስት ቢሮ የተቀመጡ ሰራተኞች እና የሽብር ቡድኑ ተላላኪ በሆኑ የአካባቢው ነዋሪዎች መሆኑ ተመላክቷል። ሀገር ሰላም ነው ብለው በመኖሪያ ቤታቸው ተቀምጠው የነበሩ አምስቱ የአንድ ቤተሰብ አባላት ሳያስቡት ነበር ድንገት በጠራራ ጸሀይ በደረሱ የሽብር ቡድኑ አባላት በጥይት የተገደሉት ተብሏል። ጥቅምት 22 ቀን 2014 ከቀኑ 11 ሰዓት ላይ አሳዛኙ ጭፍጨፋ የተፈጸመባቸውም:_ 1) አቶ አበበ የተባሉ የአጎላፍቴ ቀበሌ ነዋሪ፣ 2) 3 ወንድ ልጆቻቸው( የቤተሰብ አስተዳዳሪ የሆኑ የአቶ አበበ ልጆች) 3) የልጃቸው ባል አቶ ሁሴን ክብረት በድምሩ 5 አማራዎች በጨካኞች በጠራራ ጸሀይ ያለማንም ሀይ ባይ በጥይት ተገድለዋል። የተረፉ ቤተሰቦች ወደ ባኮ እና ወደ አኖ ከተማ መሰደዳቸው ታውቋል። የሟቾችን አስከሬን እንኳ ለማንሳት ባለመቻሉ የጅብ እና የአሞራ መጫዎቻ መሆናቸው ተገልጧል። ከጥቃቱ የተረፈ ወገን ዘመድ የጸጥታ አካል እንዲመደብላቸው፣ ብሎም አስከሬን እንዲነሳ የጉቡሰዮ ወረዳ መስተዳድርን ቢጠይቁም:_ “የሞተ ሞቷል፤ ሌላውን ልታጫርሱ ነው ወይ?” በማለት አልተባበራቸውም ተብሏል። በንጹሃን አማራዎች ላይ ዘር ተኮር ጥቃት ሲፈጸምም በጉቡሰዮ ወረዳ ከተማ አኖ፣በምዕራብ ሸዋ ዞን ባኮ ትቤ ወረዳ ከተማ፣ በስቡ ስሬ ወረዳ ስሬ ላይ ያሉ የጸጥታ አካላትም ወደ ቀበሌ ወርደው እንደማይታደጉ ተጠቁሟል። በመንግስት ቢሮ የተቀመጡ በርካታ አካላት ኃላፊነታቸውን ከመወጣት ይልቅ “ከእነ ሩሃችሁ(ነፍሳችሁ) አምልጡ እንጅ ምን ህግ አለ!” በማለት ተስፋ እንደሚያስቆርጧቸውም ተነግሯል። ከስቡ ስሬ በቆጅማ፣ ከሰዮ ከተማ፣ከዋዩጡቃ ወረዳ ቦኒያ ሙሉ ቀበሌ፣ከሌቃ ደሌቻ ወረዳ ባንዴራ ቀበሌ የተፈናቀሉ በሽህ የሚቆጠሩ አማራዎች ወደ ባኮ ከተማ፣አኖ፣ስሬ፣ጉቴ፣ገተማ፣ አዲስ አበባ እየሸሹ ነው ተብሏል፤ አቅም የሌላቸው በአካባቢው በችግር ላይ መሆናቸውም ተገልጧል። በምስራቅ ወለጋ ጉዳያ ቢላ ወረዳም ተመሳሳይ ጥቃት በተለያዩ ጊዜያት ይፈጸማል ተብሏል። በግፍ ለተፈናቀሉ ወገኖች መንግስት መጠለያ እና የሰብአዊ እርዳታ አላቀረበም የሚሉት ምንጮች አሁን ላይ ቀንና ሌሊት ላይ ሁሉ ይተኩሳሉ፣ ተጠልሎ ያለውን እንጨርሳለን ተመቻችሁን በማለት እየዛቱ ነው ብለዋል። በመሆኑም በተለይ በባኮ፣አኖ እና ስሬ የተጠለሉ አማራዎች ለመንግስትና ለሚቆረቆር ሁሉ የአድኑን ጥሪ እያቀረቡ መሆናቸውን አስታውቀዋል። “የመንግስት አካላት ሁለት ደመወዝ ነው የሚቀበሉት የሚሉት ተጎጅዎች ቀን ቢሮ ላይ ይዉላሉ ማታ ግን ከሀብታሞች ገንዘብ በማሰባሰብ ለሸኔ ይደግፋሉ” ብለዋል። ስለመሆኑም በአስቸኳይ የመከላከያ ሰራዊት ቢላክልን ስንል መንግስትን ደግመን ደጋግመን እንማጸናለን ብለዋል።

Source: Link to the Post

Leave a Reply