You are currently viewing በምስራቅ ወለጋ ጊዳ ኪረሙ ወረዳ የተገደሉ ሰዎችን አስከሬን ከወደቀበት በማንሳት ስርዓተ ቀብር እየፈፀሙ እንደሚገኙ ከግድያው የተረፉ የአይን እማኞች ገለፁ! ታሕሳስ 15 ቀን 2015 ዓ.ም አ…

በምስራቅ ወለጋ ጊዳ ኪረሙ ወረዳ የተገደሉ ሰዎችን አስከሬን ከወደቀበት በማንሳት ስርዓተ ቀብር እየፈፀሙ እንደሚገኙ ከግድያው የተረፉ የአይን እማኞች ገለፁ! ታሕሳስ 15 ቀን 2015 ዓ.ም አ…

በምስራቅ ወለጋ ጊዳ ኪረሙ ወረዳ የተገደሉ ሰዎችን አስከሬን ከወደቀበት በማንሳት ስርዓተ ቀብር እየፈፀሙ እንደሚገኙ ከግድያው የተረፉ የአይን እማኞች ገለፁ! ታሕሳስ 15 ቀን 2015 ዓ.ም አሻራ ሚዲያ ፣ በኦሮሚያ ክልል ምስራቅ ወለጋ ዞን በጊዳ ኪረሙ ወረዳ ልዩ ስሙ ሀሮ አዲስአለም ቀበሌ ላይ የክልሉ ልዩ ኃይሎች ትናንት ታህሳስ 14/2015 ዓ/ም በከፈቱት ተኩስ የተገደሉ የአማራ ተወላጆች አስከሬን ስርዓተ ቀብር እየተፈፀመ መሆኑን ከግድያው የተረፉ የአይን እማኞች ለአማራ ድምፅ ገለፁ። ልዩ ኃይሉን ጨምሮ የክልሉ ፀጥታ ኃይሎች ትናንት ታህሳስ 14/2015 ዓ/ም ከማለዳው አንድ ሰዓት ጀምሮ በሀሮ አዲስአለም ቀበሌ ተጠልለው በነበሩ ከ60 ሺ በላይ የሚሆኑ የአማራ ተወላጆች ላይ በከፈቱት ተኩስ 30 በላይ ሰዎች መገደላቸውን የአማራ ድምፅ መዘገቡ አይዘነጋም። የክልሉ ፀጥታ ኃይሎች ትናንት ከማለዳው አንድ ሰዓት ጀምሮ አስከ አመሻሹ ድረስ በአራት አቅጣጫ ከበባ በማድረግ ድሽቃ እና ብሬን በተባለ የቡድን መሳሪያ ጭምር በመታገዝ ተኩስ ከፍተውባቸው እንደዋሉ እና በዚህም መሸሽ ያልቻሉ በርካታ ህፃናት፣ሴቶች እና አረጋውያን መገደላቸውን ነው የአይን እማኞቹ ለአማራ ድምፅ ያረጋገጡት። ከመጠለያ ጣቢያው ውስጥ እንደሆኑ እና ህይወታቸውን ለማትረፍ እየሸሹ እንዳሉ ከፀጥታ ኃይሎቹ በተተኮሰ ጥይት የተገደሉ ሰዎችን አስከሬን በየጫካው በየመንደሩ ከወደቀበት በማንሳት ስርዓተ ቀብር እየፈፀሙ መሆናቸውን ነው ከግድያው የተረፉ የአማራ ተወላጆች ለአማራ ድምፅ የገለፁት። በፀጥታ ኃይሎቹ ከተገደሉት በተጨማሪ በርካታ ሰዎች የቆሰሉ ሲሆን ነገር ግን በአከባቢው የህክምና አገልግሎት ባለመኖሩ ዛሬ ከነጋ ህይወታቸው ያለፈ መኖራቸውንም የአይን እማኞቹ ጠቁመዋል። ከተከፈተባቸው ድንገተኛ ጥቃት ህይወታቸውን ለማትረፍ አቅም አግኝተው እግር ወዳመራቸው የሸሹ ሰዎች የደረሱበት አለመታወቁ የተገለፀ ሲሆን ምን አልባት በጫካ ያደፈጡ የኦነግ ሸኔ ታጣቂዎች ሳይገሏቸው እንዳልቀረ የአይን እማኞቹ ጥርጣሬያቸውን አጋርተዋል። የክልሉ ፀጥታ ኃይሎች ትናንት አመሻሹን ጀምሮ ሀሮ አዲስ አለም ቀበሌን ለቀው በመውጣት የወረዳው ዋና መቀመጫ በሆነችው ወደ ኪረሙ ከተማ ገብተዋል ያሉት የአይን እማኞቹ፡ አሁንም በድጋሚ ገብተው ጥቃት እንደማይፈፅሙብን ዋስትና ስለሌለን ስጋት ላይ ነን ሲሉ ለአማራ ድምፅ ተናግረዋል። ዘገባው የአማራ ድምፅ ነው “ውድ የአሻራ ሚዲያ ቤተሰቦች የአሻራ ሚዲያ ቻናልን ላይክና ሰብስክራይብ በማድረግ ድጋፋችሁን ታሳዩን ዘንድ በአክብሮት እንጠይቃለን።” ለፈጣንና አዳዲስ መረጃዎች አሻራ ሚዲያ የአይበገሬዎቹ ልሳን:- // Youtube:- https://www.youtube.com/channel/UCPmgFzP2ZPmdGjHxXjigJaw // Facebook:- https://www.facebook.com/asharamedia24 // ቴሌግራም:- https://t.me/asharamedia24

Source: Link to the Post

Leave a Reply