You are currently viewing በምስራቅ ጎጃም ዞን አዋበል ወረዳ በአካል ብቃት እንቅስቃሴ ላይ የነበሩ የአማራ ህዝባዊ ኃይል (ፋኖ) አመራር እና አባላት ታሰሩ።  ባህርዳር:-የካቲት 27 ቀን 2014 ዓ.ም…

በምስራቅ ጎጃም ዞን አዋበል ወረዳ በአካል ብቃት እንቅስቃሴ ላይ የነበሩ የአማራ ህዝባዊ ኃይል (ፋኖ) አመራር እና አባላት ታሰሩ። ባህርዳር:-የካቲት 27 ቀን 2014 ዓ.ም…

በምስራቅ ጎጃም ዞን አዋበል ወረዳ በአካል ብቃት እንቅስቃሴ ላይ የነበሩ የአማራ ህዝባዊ ኃይል (ፋኖ) አመራር እና አባላት ታሰሩ። ባህርዳር:-የካቲት 27 ቀን 2014 ዓ.ም አሻራ ሚዲያ በምስራቅ ጎጃም ዞን አዋበል ወረዳ በአካል ብቃት እንቅስቃሴ ላይ የአማራ ህዝባዊ ኃይል (ፋኖ) አመራር እና አባላት መታሰራቸውን አሚማ አረጋግጧል። የካቲት 27/2014 ከጠዋቱ 1 ሰዓት ጀምሮ በአካል ብቃት እንቅስቃሴ ላይ የነበሩ የፋኖ አመራሮችና አባላት ትዕዛዝ ተሰጥቶናል በሚሉ በወረዳው ጥምር የጸጥታ ኃይል እንዲከበቡ ተደርጎ ከ50 በላይ የሚሆኑትን ወደ አዋበል ወረዳ ፖሊስ ጣቢያ ወስደዋቸዋል። በፖሊስ ጣቢያ በር እንዲቆሙ በማድረግ ዙሪያውን ሲጠብቁ ከቆዩ በኋላ 3 የሚሆኑ የህዝባዊ ኃይሉን አመራሮችና አባላትን ለይተው እንዲታሰሩ አድርገዋል። ከታሰሩት መካከልም የካቲት 18 ቀን 2014 በመኖሪያ ቤቱ የግድያ ሙከራ የተደረገበት ፋኖ ሸጋው ይግዛውን ጨምሮ ያለውለት እና ሀይማኖት የሚባሉ የፋኖ አመራሮች ይገኙበታል። ፋኖ ሸጋው የግድያ ሙከራ ተደርጎብኛል በሚል በመናገሩ የተለያዩ ማስፈራሪያ እና ዛቻ ይደርስበት እንደነበርም ገልጧል። የአማራ ህዝባዊ ኃይል (ፋኖ) አሰልጣኝ አዲሱ ቢተው ትጥቅ ካልፈታህ በሚል በእንጅባራ የተደረገበትን ከበባ በመቃወም ከሳምንታት በፊት ጀምሮ በጫካ በመሳደድ ላይ ይገኛል። በአዲስ ቅዳም ከዝክረ ፋኖ ኤፍሬም አጥናፉ የሻማ ማብራት ጋር በተያያዘ እኛን ሳታስፈቅዱ በሚል ታስረው የነበሩት የቀጠናው አስተባባሪ እስቲበል አለሙን ጨምሮ ሌሎች ሶስት የአካባቢው የፋኖ አስተባባሪዎች ከቀናት እስር በኋላ መፈታታቸው ይታወሳል። በተመሳሳይ በዳንግላ እና በቲሊሊ ታስረው የነበሩ በድምሩ ከ20 የማያንሱ የፋኖ አመራሮችና አባላት ከቀናት እስር በኋላ መፈታታቸው ይታወሳል። ለፈጣንና አዳዲስ መረጃዎች የአይበገሬዎቹ ልሳን:- ቴሌግራም :- https://t.me/asharamedia24 Facebook :- https://www.facebook.com/asharamedia24 youtube :- https://www.youtube.com/channel/UChir2nIy58hlLQRYyHIQeHA

Source: Link to the Post

Leave a Reply