You are currently viewing በምስራቅ ጎጃም ዞን ጎንቻ ሲሶ እነሴ ወረዳ የአካል ብቃት እንቅስቃሴ ሲሰሩ የነበሩ 4 ወጣቶች በፖሊስ ታሰሩ፤ በርካታ  ወጣቶችም የታሰሩት እንዲፈቱ እየጠየቁ ነው። አማራ ሚዲያ ማዕከል/አሚማ…

በምስራቅ ጎጃም ዞን ጎንቻ ሲሶ እነሴ ወረዳ የአካል ብቃት እንቅስቃሴ ሲሰሩ የነበሩ 4 ወጣቶች በፖሊስ ታሰሩ፤ በርካታ ወጣቶችም የታሰሩት እንዲፈቱ እየጠየቁ ነው። አማራ ሚዲያ ማዕከል/አሚማ…

በምስራቅ ጎጃም ዞን ጎንቻ ሲሶ እነሴ ወረዳ የአካል ብቃት እንቅስቃሴ ሲሰሩ የነበሩ 4 ወጣቶች በፖሊስ ታሰሩ፤ በርካታ ወጣቶችም የታሰሩት እንዲፈቱ እየጠየቁ ነው። አማራ ሚዲያ ማዕከል/አሚማ ነሀሴ 28 ቀን 2013 ዓ.ም አዲስ አበባ ሸዋ በምስራቅ ጎጃም ዞን የጎንቻ ሲሶ እነሴ ወረዳ ቅሬታ አቅራቢዎች ለአሚማ እንደገለፁት መላ አማራ በዘመቻ ሕልውና ትግል ላይ ነው በሚል የአካል ብቃት እንቅስቃሴ እየሰሩ መሆናቸውን ገልፀዋል። ይህን እስፖርታዊ የአካል ብቃት እንቅስቃሴ ሲሰሩ ተገኝተዋል በሚል ነሃሴ 27 ቀን 2013 አራት የጎንቻ ሲሶ እነሴ ወረዳ ወጣቶች በፖሊስ ታስረዋል፤ የፖሊስ አካሄድ ልክ አይደለም በሚል በርካታ ወጣቶችም የታሰሩት እንዲፈቱ እየጠየቁ ማምሸታቸው ታውቋል። የታሰሩት ወጣቶችም:_ 1) ታደሰ መስፍን፣ 2) ካሳሁን ሰውቢሆን፣ 3) ሳቦም ትዕዛዙ አድማሱና 4) ከፋለ አለሙ “ፖሊስ ለዘመቻ ህልውና የአካል ብቃት እንቅስቃሴ እያደረጉ ያሉ ወጣቶችን እንደተለዬ ወንጀል በመቁጠር አስተባባሪ ናቸው ብሎ ማሰሩ ነውረኝነት ብቻ ሳይሆን ጁንታነት ነው” ያሉት የአሚማ ምንጮች አካሄዱ “እጃችን አስሮ ለጠላት እንደማስገደል እንቆጥረዋለን” ብለዋል። ከታሰሩት ወጣቶች መካከል በአማራ ወጣቶች አደረጃጀት ውስጥ የሚሰሩ ይገኙበታል፤ ወጣት ሳቦም ትዕዛዙም የቴኳንዶ አሰልጣኝ ነው ሲሉም አክለዋል። አሁን የአማራ ህዝብ በህልውና ዘመቻ ላይ ባለበት ፈታኝ ወቅት ከራሳቸው የኋላ ታሪክ ብቻ በመነሳት የሚፈጥሩት እስርና ወከባ በቀጥታም ይሁን በእጅ አዙር የሽብር ድርጅቶችን እንደመደገፍ እንቆጥረዋለን ብለዋል የጎንቻ ሲሶ እነሴ ወረዳ ወጣቶች። ወጣቶቹም ነሃሴ 27 ቀን 2013 እስከ ምሽት 1 ሰዓት ከ30 ድረስ ወደ ወረዳው ፖሊስ ጣቢያ በማቅናት እንዲፈቱ ሲጠይቁ ማምሸታቸው ተሰምቷል። የጎንቻ ሲሶ እነሴ ወረዳ የፖሊስ አዛዥ ናቸው የተባሉት ዋና ኢንስፔክተር ደሳለኝ ለቀረበባቸው ቅሬታ አግባብ ያለው ምላሽ መስጠት ሲገባቸው “በቢሮ ስልክ ካልደወልክ መረጃ አልሰጥም፤ እንድሰጥም ግዴታ የለብኝም” ከማለታቸው ባሻገር ከአንድ የፖሊስ አዛዥ ስነ ምግባር በማይጠበቅ መልኩ “በቃ አትጨቅጭቀኝ” በማለት ስልካቸውን ጀሮአችን ላይ ዘግተዋል።

Source: Link to the Post

Leave a Reply