You are currently viewing በምንጃር ሸንኮራ ወረዳ አሞራ ቤት ቀበሌ አውራ ጎዳና አካባቢ የኦሮሚያ የጸጥታ አካላት እንቅስቃሴ እና የክምችት መጠን በአሳሳቢ ሁኔታ እየጨመረ መሆኑ ተገለጸ፤ በአማራ ክልል በኩል ግን መዘና…

በምንጃር ሸንኮራ ወረዳ አሞራ ቤት ቀበሌ አውራ ጎዳና አካባቢ የኦሮሚያ የጸጥታ አካላት እንቅስቃሴ እና የክምችት መጠን በአሳሳቢ ሁኔታ እየጨመረ መሆኑ ተገለጸ፤ በአማራ ክልል በኩል ግን መዘና…

በምንጃር ሸንኮራ ወረዳ አሞራ ቤት ቀበሌ አውራ ጎዳና አካባቢ የኦሮሚያ የጸጥታ አካላት እንቅስቃሴ እና የክምችት መጠን በአሳሳቢ ሁኔታ እየጨመረ መሆኑ ተገለጸ፤ በአማራ ክልል በኩል ግን መዘናጋት እየተስተዋለ ነው ሲሉ ነዋሪዎች ተናግረዋል። አማራ ሚዲያ ማዕከል/አሚማ መጋቢት 24 ቀን 2014 ዓ.ም አዲስ አበባ ሸዋ በአማራ ክልል ሰሜን ሸዋ ዞን ምንጃር ሸንኮራ ወረዳ አሞራ ቤት ቀበሌ አውራ ጎዳና አካባቢ የኦሮሚያ የጸጥታ አካላት እንቅስቃሴ እና የክምችት መጠን በተለይ ከመጋቢት 20/2014 ጀምሮ በአሳሳቢ ሁኔታ እየጨመረ መሆኑ ተገልጧል። የአውራ ጎዳና እና አካባቢው ነዋሪዎች እንደሚሉት ከመጋቢት 20/2014 ጀምሮ የገባው መከላከያ መጋቢት 22/2014 መነሳቱን አውስተዋል። መከላከያ ከአውራ ጎዳና መውጣቱን ተከትሎ የኦሮሚያ ጥምር ኃይል የቡድን መሳሪያ ይዞ ከመተሃራ ወደ ቦሰት አቅጣጫ ከተማዋን ከ6 ጊዜ በላይ ዞሯል፤ ለጠባጫሪነትና ለጥናት ሊሆን እንደሚችልም ጠቁመዋል። የአዲስ አበባን መስመር ጨምሮ ከተለያዩ አቅጣጫዎች ከፍተኛ ቁጥር ያለው የኦሮሚያ የጸጥታ ኃይል በመመጓጓዝ በወረንጭቲ እና በመተሃራ እየሰፈረ መሆኑን የገለጹት ነዋሪዎች በአማራ ክልል በኩል ግን መዘናጋት እየተስተዋለ ነው ሲሉ ተናግረዋል። በኦሮሚያ በኩል እየተደረገ ያለው ኃይለኛ የሆነ ዝግጅት ነገ ከነገ ወዲያ በተዘናጋ የአማራ የጸጥታ አካል እና ህዝብ ላይ ታሪክ ይቅር የማይለው ወንጀል እንዳይፈጸም ከፍተኛ ስጋት ስላለን በአስቸኳይ ይህ የኦሮሚያ ክልል መንግስት አካሄድ ሊወገዝና ሊስተካከል ይገባዋል ሲሉ በምንጃር ሸንኮራ ወረዳ አሞራ ቤት ቀበሌ የአውራ ጎዳና ነዋሪዎች ጥሪ አድርገዋል።

Source: Link to the Post

Leave a Reply