You are currently viewing በምዕራብ ወለጋ እና በቄለም ወለጋ ዞን በአማራ ላይ የተፈጸመውን የጅምላ ጭፍጨፋ እንደሚያወግዝ ባልደራስ ገልጧል፤ በአባላቱ ላይ እየደረሰ ያለውን ተደጋጋሚ እስር እና ወከባም እንዲቆም ጠይቋል…

በምዕራብ ወለጋ እና በቄለም ወለጋ ዞን በአማራ ላይ የተፈጸመውን የጅምላ ጭፍጨፋ እንደሚያወግዝ ባልደራስ ገልጧል፤ በአባላቱ ላይ እየደረሰ ያለውን ተደጋጋሚ እስር እና ወከባም እንዲቆም ጠይቋል…

በምዕራብ ወለጋ እና በቄለም ወለጋ ዞን በአማራ ላይ የተፈጸመውን የጅምላ ጭፍጨፋ እንደሚያወግዝ ባልደራስ ገልጧል፤ በአባላቱ ላይ እየደረሰ ያለውን ተደጋጋሚ እስር እና ወከባም እንዲቆም ጠይቋል። አማራ ሚዲያ ማዕከል/አሚማ ሰኔ 28 ቀን 2014 ዓ.ም አዲስ አበባ ሸዋ ባልደራስ ሰኔ 28/2014 ባወጣው መግለጫ በአማራ ላይ የሚፈጸመውን የዘር ፍጅት አውግዟል፤ ይህን በሰላማዊ መንገድ በሚቃወሙ አካላት ላይ እየተወሰደ ያለውን መንግስታዊ አፈናንም ተቃውሟል። በተጨማሪም በአመራሮችና በአባላቱ ላይ እየተፈጸመ ያለን ተደጋጋሚ እስር እና ወከባም እንዲቆም የጠየቀው ባልደራስ ለስራ ጉዳይ ወደ አሜሪካ ካቀኑ የሰነባበቱት የፓርቲው ፕሬዝደንት አቶ እስክንድር ነጋም ለድርጅታዊ ስራ ጉዳይ ስለተፈለጉ በቅርብ ወደ ሀገር ቤት እንደሚመለሱ መወሰኑን አስታውቋል። የባልደራስ ሙሉ መግለጫ:_ ሰለ 27ቱ ጭፍጨፋ እና ሌሎች!! ጉዳዩ:_ 1– በወለጋ ሰኔ 27 2014 በአማሮች ላይ ሰለተፈፀመው አዲስ ጭፍጨፋ 2—ዳግም ስላገረሸው አፈና እና ማዋከብ 3—የባልደራስን ፕሬዚዳንት በሚመለከት የጎሰኝነት ነቀርሳን በኢትዮጵያ ህዝብ ላይ ተክሎ የሄደውን የህወሓት ራዕይ ወራሽ በሆነው የኦህዴድ/ብልጽግና መራሹ መንግስት፣ ያለፉት አራት ዓመታት የንፁሃን አማሮች ደም ያለማቋረጥ በወለጋ፣ በሻሸመኔ፣ በዝዋይ፣ በቤኒሻንጉል ጉሙዝ፣በምእራብ ሸዋ፣ በአርሲ፣በሐረር ያለ ማንም ከልካይ እየፈሰሰ ይገኛል። በዚህም መሰረት፣ ሰኔ 27 2014 ዓ.ም በወለጋ በአማራዎች ላይ አዲስ ዙር ጭፍጨፋ ተፈፅሟል። በትረ-ስልጣኑን ከተቆጣጠረበት ጊዜ ጀምሮ የመንግስትነትን ኃላፊነት መወጣት ያልቻለው ይህ መንግስት፣ በማህበረሰቡ ላይ እየፈጠረ ካለው ኢኮኖሚያዊ፣ ህልውናዊ፣ ፖለቲካዊ፣ ማህበራዊ ቀውሶች ባሻገር፣ በፋኖ፣ በባልደራስ ለእውነተኛ ዲሞክራሲያዊ ፓርቲ አባላት ፣ በጋዜጠኞችና ማህበራዊ አንቂዎች፣ በዩኒቨርስቲ ተማሪዎች ላይ ከፍተኛ ማዋከብ ከጀመረ ውሎ አድሯል፡፡ የባልደራስ ለእውነተኛ ዲሞክራሲያዊ ፓርቲ የአደረጃጀት ዘርፍ ኃላፊ አቶ ስንታየሁ ቸኮል ለስራ ጉዳይ ወደ ባህር ዳር በሄዱበት ታፍነው ህገ ወጥ በሆነ መንገድ በእስር ከቆዩ በኋላ፣ በሰላሳ ሺ ብር ዋስ እንዲፈቱ መወሰኑ ይታወቃል፡፡ ዳሩ ግን፣ በተሰጠው ዋስትና መሰረት ከእስር ሲፈቱ፣ ፌደራል ፖሊስ ማረሚያ ቤት በር ላይ አፍነው ወደ አዲስ አበባ ወስደው ለዳግም እስር ዳርገዋቸዋል፡፡ በተመሳሳይ ሁኔታ፣ የፓርቲው አባል የሆኑት አቶ ኢሳያስ ጥጉ ታፍነው በእስር ላይ ይገኛሉ፡፡ እንዲሁም፣ የፓርቲው አባል ጋዜጠኛ ወግደረስ ጤናው በባህር ዳር ታፍነው ለእስር ተዳርገዋል፡፡ የእስር ማዘዣ የወጣባቸው ሌላኛው የድርጅታችን አባል ጋዜጠኛ ጌጥዬ ያለው፣ በፌድራል ከፍተኛ ፍርድ ቤት እየታየ በሚገኘው የታዲዮስ ታንቱ መዝገብ በሌሉበት ክስ ተመስርቶባቸዋል። አባላችን የሆነው ድምፃዊ አሌክስ ሸገር ሰኔ 27/2014 ታፍኖ ለእስር ተዳርጓል። ሌሎች አባሎቻችን ደግሞ፣ ቀደም ብለው ታስረው እስካሁን ድረስ በዋስ ሊወጡ አልቻሉም። በአጠቃላይ፣ በአባላት ላይ እስርና አፈናው ተጠናክሮ የቀጠለ ሲሆን፣ የካራማራን የድል በዓል ሊያከብሩ ወጥተው ለእስር ከተዳረጉበት ጊዜ ጀምሮ ለዋስ የሚሆን ከሶስት መቶ ሺ ብር በላይ ተከፍሏል፡፡ በተመሳሳይ ሁኔታ፣ በባልደራስ ለእውነተኛ ዲሞክራሲያዊ ፓርቲ አባላት እና በአዲስ አበባ ወጣቶች እስር ምክንያት ከመቶ በላይ የታሳሪዎች የእጅ ስልኮች እና የባልደራስ ካሜራ እና ቪድዮ ካሜራ ተመላሽ ሊሆኑ አልቻሉም፡፡ በዚህም መሰረት:- 1—ሰኔ 27/ 2014 በወለጋ በአማሮች ላይ የተፈፀመውን ጭፍጨፋ በጥብቅ እናወግዛለን። እንዲሁም፣ ሰኔ 11 ቀን 2014ዓ.ም በምዕራብ ወለጋ፣ በቶሌ ቀበሌ፣ ከሁለት ሺ በላይ ንፁሀን አማራዎች በግፍ ህይወታቸው ያጡበትን አሰቃቂ የዘር ማጥፋት በሰላማዊ መንገድ ተቃውሟቸውን ባሰሙ በዩኒቨርስቲ ተማሪዎች (በአዲስ አበባ፣ በባህር ዳር፣ በጎንደር፣ በደብረ ማርቆስ፣በደብረ ብርሀን እና በሌሎችም ዩኒቨርስቲዎች) ላይ መንግስት እየወሰደ ያለውን እስርና ማዋከብ እናወግዛለን፡፡ 2—መንግስት በፋኖ እና በባልደራስ ለእውነተኛ ዲሞክራሲ ፓርቲ አባላት ላይ የሚያደርገውን ወከባ እና ጫና በፅኑ እንቃወማለን፡፡ እንዲሁም፣ መንግስት በፓርቲያችን ላይ እያሳደረው ያለውን የኢኮኖሚ ጫና አበክረን እናወግዛለን። 3—ህግን አክበሮ ሰላማዊ የፖለቲካ ትግል እያካሄ ባለዉ ባልደራስ ላይ የብልጽግና መንግስት እያደረሰ ያለዉን ህገወጥ አፈና እንዲያቆም የሀገርም የውጭም አካላት ደምፃቸውን እንዲያሰሙ እንጠይቃለን። ሰኔ 28 ቀን 2014 ዓ.ም. አዲስ አበባ፤ ኢትዮጵያ ባልደራስ ለእውነተኛ ዴሞክራሲ ፓርቲ

Source: Link to the Post

Leave a Reply