You are currently viewing በምዕራብ ጎንደር ዞን መተማ ወረዳ ተደጋጋሚ የእገታ ወንጀል ሲፈጽም የነበረ ግለሰብ በ31 ዓመት እስራት ተቀጥቷል።  አማራ ሚዲያ ማዕከል/አሚማ   ጥቅምት 26 ቀን 2015 ዓ.ም…

በምዕራብ ጎንደር ዞን መተማ ወረዳ ተደጋጋሚ የእገታ ወንጀል ሲፈጽም የነበረ ግለሰብ በ31 ዓመት እስራት ተቀጥቷል። አማራ ሚዲያ ማዕከል/አሚማ ጥቅምት 26 ቀን 2015 ዓ.ም…

በምዕራብ ጎንደር ዞን መተማ ወረዳ ተደጋጋሚ የእገታ ወንጀል ሲፈጽም የነበረ ግለሰብ በ31 ዓመት እስራት ተቀጥቷል። አማራ ሚዲያ ማዕከል/አሚማ ጥቅምት 26 ቀን 2015 ዓ.ም አዲስ አበባ ሸዋ በምዕራብ ጎንደር ዞን መተማ ወረዳ ‘ማጠቢያ’ ተብሎ በሚጠራ ስፍራ ከሌሎች ግብረ አበሮቹ ጋር በመሆን በተደጋጋሚ የእገታ ወንጀል የፈፀመው ግለሰብ በ31 ዓመት በእስራት ተቀጥቷል። ወንጀለኛው በእገታ ወንጀል ተሰማርቶ ለማምለጥ ሲሞክር ከፀጥታ ሃይሎች ጋር በተደረገ የተኩስ ልውውጥ ቆስሎ በቁጥጥር ስር የዋለ ሲሆን በጥቅምት 10 ቀን 2015 ዓ.ም የወረዳው ፍርድቤት ጥፋተኛ ነው በማለት የ12 አመት እስራት ወሰኖበታል። ከዚህ የእስራት ቅጣት በተጨማሪ ፖሊስ ባቀረበበት ተጨማሪ የወንጀል መዝገብ ነሃሴ 2 ቀን 2013 ዓ.ም ከጠዋቱ 1 ስዓት ገደማ በመተማ ወረዳ ቱመት መንዶካ ተብሎ በሚጠራ ቀበሌ ልዩ ቦታው አጋዘን ተራራ ከተባለው ቦታ ሁለት ግለሰቦችን በማገት 600 ሺህ ብር (600,000) እንዲሰጠው መጠየቁ በክሱ መዝገብ ቀርቧል። የታጋቹ ቤተሰቦች 600 ሺህ ብር እንደሌላቸው ገልፀው ከብዙ ድርድር በኋላ 150 ሺህ ብር ተቀብሎ ከ 10 ቀን እገታ በኋላ የለቀቋቸው መሆኑ በመረጋገጡ ተከሳሹ ጥፋተኛ ሁኖ በተደጋጋሚ በፈፀመው የእገታ ወንጀል ከ 12 አመቱ እስራት በተጨማሪ በ 19 ዓመት ፅኑ እስራት እንዲቀጣ መወሰኑን የማጠቢያ ንዑስ ወረዳ ፖሊስ ፅ/ቤት ሁለገብ የወንጀል መርማሪ ዋ/ሳጅን ይበልጣል ክንዴ ገልፀዋል። ወንጀለኛው በሶስተኛ ክስ በምዕራብ ጎንደር ዞን ከፍተኛ ፍርድ ቤት በመግደል ወንጀል ተከሶ በቀጠሮ ላይ ይገኛል ሲል የወረዳው ኮሚዩኒኬሽን አስታውቋል።

Source: Link to the Post

Leave a Reply