You are currently viewing በሰሜን ሸዋ ዞን የተለያዩ አካባቢዎች ከአሸባሪ እና ወራሪ ኃይሎች ጋር እየተፋለሙ ከሚገኙ የጸጥታ አካላት መካከል አንዱ የሆነውን የሸዋ ፋኖን የበለጠ በማደራጀት፣ በትጥቅና በስንቅ መደገፍ ላ…

በሰሜን ሸዋ ዞን የተለያዩ አካባቢዎች ከአሸባሪ እና ወራሪ ኃይሎች ጋር እየተፋለሙ ከሚገኙ የጸጥታ አካላት መካከል አንዱ የሆነውን የሸዋ ፋኖን የበለጠ በማደራጀት፣ በትጥቅና በስንቅ መደገፍ ላ…

በሰሜን ሸዋ ዞን የተለያዩ አካባቢዎች ከአሸባሪ እና ወራሪ ኃይሎች ጋር እየተፋለሙ ከሚገኙ የጸጥታ አካላት መካከል አንዱ የሆነውን የሸዋ ፋኖን የበለጠ በማደራጀት፣ በትጥቅና በስንቅ መደገፍ ላይ ትኩረት እንዲደረግ ተጠየቀ። አማራ ሚዲያ ማዕከል ህዳር 7 ቀን 2014 ዓ.ም አዲስ አበባ ሸዋ አሸባሪ እና ወራሪ የሆኑት የትሕነግ እና የኦነግ ሸኔ ኃይሎች በጥምረት በከሚሴ እና በሰሜን ሸዋ የተለያዩ አካባቢዎች ግልጽ ጦርነት ከከፈቱ ሁለት ሳምንት አልፏል። በተለይም በከሚሴ፣ በማጀቴ፣ በኤፍራታ ግድም ወረዳ በአጣዬ፣ በካራቆሬ፣ቆሪ ሜዳ እና በሌሎችም አካባቢዎች የቡድን መሳሪያ ጭምር የታገዘ ተኩስ መሰንበቱ ግልጽ ነው። የሽብር ቡድኖቹ በተቆጣጠሯቸው አካባቢዎች በወሎ ወልድያ፣ መርሳ፣ ደሴ፣ ኮምቦልቻ፣ ራያ እና በሌሎችም አካባቢዎች ባሉ ተቋማት ላይ እንደፈጸሙት ሁሉ የተደራጀ ዝርፊያ እየፈጸሙ መሆናቸው እየተነገረ ነው። ጸረ አማራ የሆኑት ቡድኖቹ የቡድን መሳሪያ ተጠቅመው በተለይም በማጀቴ አካባቢ በሲቪሎች ላይ ጥቃት መፈጸማቸውን አሚማ መዘገቡ ይታወሳል። ህዳር 7 ቀን 2014 አሚማ ከሰሜን ሸዋ የተለያዩ አካባቢዎች ያነጋገራቸው ምንጮች እንደሚሉት ልክ ወሎ አካባቢ እንደሆነው ከመከላከያ ሰራዊት አንዳንድ አካባቢ የተሰጣቸውን ግንባር ለጠላት ጥለው የሚሸሹ አካላት መስተዋላቸውን ነግረውናል። የበታች ወታደሮችን ስንጠይቅ ከላይ እየታዘዝን ነው እንጅ እኛ በራሳችን የምናደርገው አይደለም እንደሚሉ የገለጹት ምንጮች ስለሀገራችንና ስለወገናችን ሲባል ይህ ነገር በሚመለከተው አካል ትኩረት ተሰጥቶት መፍትሄ ሊፈለግለት ይገባል ብለዋል። በዋናነት ግን የሸዋ ፋኖ ከሌሎች የጸጥታ አካላት ጋር በመሆን እያደረገ ያለው ተጋድሎ ውጤታማ ይሆን ዘንድ አሁንም የተጀመረውን የማደራጀት፣ የማንቃት፣ የማሰልጠንና በትጥቅና ስንቅ ደግፎ ለዘመቻው ብቁ የማድረግ ስራን አጠናክሮ ማስቀጠል ይገባል ተብሏል። መላው አማራ ብሎም ኢትዮጵያዊያን በተለይም ባለሃብቶች የሸዋ ፋኖን በትጥቅና በስንቅ በመደገፍ ታሪካዊ ኃላፊነታቸውን እንዲወጡ ተጠይቋል። መንግስትም ለልዩ ኃይሉና ለሚሊሻው ከሚያደርገው ድጋፍ ባሻገር አላማቸውን ተረድቶ ፋኖዎችንም በስንቅና በትጥቅ በመደገፍ ለህዝብ መቆሙን እንዲያሳይ ጥሪ ቀርቧል።

Source: Link to the Post

Leave a Reply