You are currently viewing በሰሜን ጎንደር ዞን በጠለምት አዳርቃይ በኩል የወገን ጥምር ጦር ድል እያስመዘገበ መሆኑን ተነገረ፤ ለአማራ ሚዲያ ማዕከል (አሚማ) መረጃ የሰጡ አባትም ደባርቅ ላይ ስልካቸውን ተቀምተው ታስረ…

በሰሜን ጎንደር ዞን በጠለምት አዳርቃይ በኩል የወገን ጥምር ጦር ድል እያስመዘገበ መሆኑን ተነገረ፤ ለአማራ ሚዲያ ማዕከል (አሚማ) መረጃ የሰጡ አባትም ደባርቅ ላይ ስልካቸውን ተቀምተው ታስረ…

በሰሜን ጎንደር ዞን በጠለምት አዳርቃይ በኩል የወገን ጥምር ጦር ድል እያስመዘገበ መሆኑን ተነገረ፤ ለአማራ ሚዲያ ማዕከል (አሚማ) መረጃ የሰጡ አባትም ደባርቅ ላይ ስልካቸውን ተቀምተው ታስረዋል። አማራ ሚዲያ ማዕከል/አሚማ ነሃሴ 29 ቀን 2014 ዓ.ም አዲስ አበባ ሸዋ በሰሜን ጎንደር ዞን በጠለምት አዳርቃይ በኩል የወገን ጥምር ጦር ድል እያስመዘገበ መሆኑን ከደባርቅ አማራ ሚዲያ ማዕከል (አሚማ) ያነጋገራቸው የአካባቢው ነዋሪ ተናግረዋል። አሸባሪው እና ወራሪው ትሕነግ ላለፈው አንድ ዓመት በቁጥጥሩ ስር ባዋላቸው 5 የጠለምት ወረዳዎች ህዝብ በመቆርቆር የሚታገሉት አቶ አለነ አሰጋ ለአሚማ እንደገለጹት የወገን ጥምር ጦር በአዳርቃይ ወረዳ ውጤታማ የሚባል ትግል እያደረገ መሆኑን ገልጸዋል። ከነሃሴ 27/2014 እስከ ዛሬ ነሃሴ 28/2014 ድረስ የወገን ጦር በከፍተኛ ውጊያ ከተቆጣጠራቸው አካባቢዎች መካከልም በአዳርቃይ ወረዳ የመኒወንበርጌ ቀበሌ፣ዲቭሊ፣ባርሰጌ እና እዳጋሮብ ይገኙበታል። ይሁን እንጅ ለአካባቢው ማህበረሰብ በመቆርቆር ከሌሎች አመራሮች ጋር በመሆን እስከ አዲስ አበባ ድረስ በመምጣት የጠቅላይ ሚኒስትሩን ጽ/ቤትን በማንኳኳት የህዝቡን ብሶት በማስረዳት የሚታወቁት እና የጠለምት የአማራ ማንነት አስመላሽ ኮሚቴ አባል የሆኑት አቶ አለነ አሰጋ አሚማ እያነጋገራቸው እያለ ስልካቸውን ተቀምተው ታስረዋል። አቶ ለምለሙ የተባለ የደባርቅ የሚሊሻ ጽ/ቤት ውስጥ እንደሚሰራ የተነገረለት ግለሰብ መንገድ ላይ እያወሩ አገኘናቸው በሚል ስልካቸውን በመቀማት እንዳሰራቸው ታውቋል። አማራ ሚዲያ ማዕከልም ማሰሩ፣ስልክ መቀማቱና የመናገር መብታቸውን ማፈን ተገቢ አለመሆኑን በመናገር እንዲለቀቁ ቢጠይቅም ፍቃደኛ አልሆኑም። ከአቶ አለነ አሰጋ እና ከአቶ ለምለሙ ጋር የተደረገ ቆይታ በእጃችን ይዘናል።

Source: Link to the Post

Leave a Reply