You are currently viewing በሰኔ 15/2011 በባለስልጣናት ግድያ ክስ በቀረበባቸው የጦር መኮንኖች ላይ በተሰጠው ፍርድ ላይ ቅር በመሰኘት ዐቃቢ ህግ የጠየቀው የይግባኝ አቤቱታ ያስቀርባል መባሉን ተከትሎ ተከሳሾች በነ…

በሰኔ 15/2011 በባለስልጣናት ግድያ ክስ በቀረበባቸው የጦር መኮንኖች ላይ በተሰጠው ፍርድ ላይ ቅር በመሰኘት ዐቃቢ ህግ የጠየቀው የይግባኝ አቤቱታ ያስቀርባል መባሉን ተከትሎ ተከሳሾች በነ…

በሰኔ 15/2011 በባለስልጣናት ግድያ ክስ በቀረበባቸው የጦር መኮንኖች ላይ በተሰጠው ፍርድ ላይ ቅር በመሰኘት ዐቃቢ ህግ የጠየቀው የይግባኝ አቤቱታ ያስቀርባል መባሉን ተከትሎ ተከሳሾች በነገው እለት ፍርድ ቤት ይቀርባሉ። አማራ ሚዲያ ማዕከል/አሚማ ህዳር 19 ቀን 2015 ዓ/ም አዲስ አበባ ሸዋ በሰኔ 15/2011 በባለስልጣናት ግድያ ክስ በቀረበባቸው የጦር መኮንኖች ላይ በተሰጠው ፍርድ ላይ ቅር በመሰኘት በአማራ ክልል ጠቅላይ ዐቃቢ ህግ በፌደራል ጠቅላይ ፍ/ቤት የይግባኝ አቤቱታ ማቅረቡ ይታወቃል። ይህን ተከትሎም ጉዳዩን የተመለከተው የፌደራሉ ጠቅላይ ፍ/ቤት የዐቃቢ ህግ የይግባኝ አቤቱታ ያስቀርባል በማለት ለነገ ህዳር 20/2015ዓም 3፡00 ላይ እንዲቀርቡ ሲል ትዕዛዝ መስጠቱ ይታወሳል። በሰኔ 15ቱ የባለስልጣናት ግድያ በተከሰሱ የጦር መኮንኖች ላይ የቀረበው ይግባኝ ያስቀርባል መባሉን ተከትሎ ከአሁን ቀደም በመዝገቡ ነጻ የተሰናበቱም ሆነ እድሜ ልክ የተፈርደባቸው ፍርደኞችም በችሎት እንዲገኙ በፌደራል ጠቅላይ ፍርድ ቤት ትዕዛዝ መሰጠቱ ተገልጧል። የአማራ ክልል ጠቅላይ ፍ/ቤት የካቲት 03 /2014 ዓ/ም በዋለው ችሎት ከ35 ተከሣሾች መካከል 4ቱን ነጻ ብሎ በማሰናበት በኜሎቹ 31 ተከሣሾች ላይ ደግም ከ16 ዓመት እስከ 25 ዓመት የቅጣት ውሳኔ ማሳለፉ አይዘነጋም። በመሆኑም 1. ኮርኔል ፈንታሁን ሙሀበው፣ 2. ኮርኔል ምገሥ ዘገዬ፣ 3. ታጋይ ስለሺ ከበደ እና 4. አቶ ይማነ ታደስ የአብክመ ሠላምና ደህንነት የዳይሬክቶሬት ዳይሬክተር የነበሩትን ጨምሮ በሁለቱ መዝገብ ያሉ ሌሎችም ፍ/ቤት ይቀርባሉ። ጉዳያቸው የሚቀርበውም በፌደራል ጠቅላይ ፍርድ ቤት በ2ኛ ወንጀል ችሎት ሲሆን ፍ/ቤት የሚቀርቡትም:_ 1ኛ የኮ/መ/ቁ 224852 ይግባኝ ባይ:- የአብክመ ዐ/ህግ መልስ ሰጭ:-እነ የማነ ታደሰ 35 ሰዎች 2ኛ የኮ/መ/ቁ 211179 ይግባኝ ባይ:- የአብክመ ዐ/ህግ መልስ ሰጭ:- እነ ሻለቃ ሹመት የሱፍ (19 ሰዎች) በሰኔ 15ቱ የግድያ ወንጀል ከተከሰሱት የጦር መኮንኖች መካከል በታህሳስ ወር 2012 ድሬድዋ ላይ ተይዟል በሚል በተለይም በተለያዩ በማህበራዊ ሚዲያ ተጠቃሚዎች ዘንድ በስፋት የተዘገበለት፣ ነገር ግን ፍ/ቤት ቀርቦ የማያውቅ እና በመጨረሻም በሌለበት እድሜ ልክ ተፈርዶበታል የተባለው ሻምበል መማር ጌትነት በግፍ ተገድሎ የመገኘቱ አሳዛኝ ዜና የቅርብ ጊዜ ትውስታ ነው። የሚመለከተው የመንግስት አካልም በሻምበል መማር ጌትነት ላይ ከተፈጸመው አሰቃቂ ግድያ ጋር በተያያዘ እየቀረቡ ያሉ ቅሬታዎችን በተመለከተ ይህ ዜና እስከተጠናቀረበት ጊዜ ድረስ አንድም የሰጠው ማብራሪያ የለም።

Source: Link to the Post

Leave a Reply