You are currently viewing በሳውዲ አረቢያ በእስር ላይ የሚገኙ ኢትዮጵያዊያን ከፍተኛ ግፍ እየተፈጸመባቸው መሆኑን ገለጹ። አማራ ሚዲያ ማዕከል/አሚማ  ታህሳስ 18 ቀን 2014 ዓ.ም       አዲስ አበባ ሸዋ በሳውዲ…

በሳውዲ አረቢያ በእስር ላይ የሚገኙ ኢትዮጵያዊያን ከፍተኛ ግፍ እየተፈጸመባቸው መሆኑን ገለጹ። አማራ ሚዲያ ማዕከል/አሚማ ታህሳስ 18 ቀን 2014 ዓ.ም አዲስ አበባ ሸዋ በሳውዲ…

በሳውዲ አረቢያ በእስር ላይ የሚገኙ ኢትዮጵያዊያን ከፍተኛ ግፍ እየተፈጸመባቸው መሆኑን ገለጹ። አማራ ሚዲያ ማዕከል/አሚማ ታህሳስ 18 ቀን 2014 ዓ.ም አዲስ አበባ ሸዋ በሳውዲ አረቢያ ሹመሲ በተባለ እስር ቤት የሚገኙ በመቶዎች የሚቆጠሩ ኢትዮጵያዊያን ከፍተኛ ግፍ እየተፈጸመባቸው መሆኑን ገልጸዋል። በህገ ወጥ መልኩ ወደ ሳውዲ ገባችሁ በሚል ሽፋን በኢትዮጵያዊያን ላይ ተጽዕኖ እና ጫና እያሳደሩ ነው የሚሉት ምንጮች ሁሉ ነገር ከፖለቲካ ብልሽት የመጣ ነው ባይ ናቸው። መጀመሪያ ላይ ህጋዊ የሆኑትን ሁሉ ያንገላቱ እንደነበር የገለጹት ምንጮች የእስር አያያዛቸው በእጅጉ አስከፊ ነው ሲሉ ወቅሰዋል፤ ስለፍትህ የሚጨነቁ አካላት እንዲደርሱላቸው፤ ድምጽም እንዲሆናቸው ጥሪ አቅርበዋል። በሳውዲ ማጎሪያ ውስጥ በመቶዎች የሚቆጠሩ የኢትዮጵያ እስረኞች ተደራርበው በአስቸጋሪ ሁኔታ እንደሚኖረው ለማወቅ ተችሏል። ከቀናት በፊት ደግሞ በእስ ር ቤቱ ቀደም ሲል ያስገቡትን የብርድ ልብስ በመቀማቱ ለከፍተኛ ብርድ የተጋለጡ መሆናቸው ተገልጧል፤ ስለምን ብርድ ልብሱ ይወሰድብናል ብለው የተቃወሙ እስረኞችም ክፉኛ መደብደባቸውን የአሚማ ምንጮች አረጋግጠዋል። “ሰውነታቸው አልቋል” የሚሉት ምንጫችን ከአልባሳት ችግር ባሻገር በቂ የሆነ የምግብ አቅርቦት የለም፤ የኢትዮጵያ ኢምባሲም ሆነ መንግስት እያገዘን አይደለም፤ ሰሚ አላገኙም ሲሉ አማረዋል። አሚማ መስከረም 22 ቀን 2014 ቅሬታ አቅራቢዎችን በቀጥታ ስልክ ባገኘበት ወቅት እንደነገሩት ከ15 በላይ ድብደባ የተፈፀመባቸውና ጠያቂ የሌላቸው፣ ተገቢ ህክምና እንዳያገኙ የተከለከሉ ኢትዮጵያዊያን እንዲሁም በአጠቃላይ ቁጥራቸው ከ230 በላይ የሚሆኑ ወገኖች በአንድ ክፍል በእስር ተፋፍገው እየተሰቃዩ ስለመሆኑ መግለጻቸው ይታወሳል።

Source: Link to the Post

Leave a Reply