You are currently viewing በስቡስሬ ወረዳ ቦቆጅማ በተባለ ቀበሌ የኦነግ ሸኔ የሽብር ቡድን እና የዘር ማጥፋት ተባባሪዎቹ በፈጸሙት ጥቃት አንድ አካባቢ ብቻ ከ21 በላይ ንጹሃን አማራዎች መገደላቸውና ከ7 በላይ ስለመቁ…

በስቡስሬ ወረዳ ቦቆጅማ በተባለ ቀበሌ የኦነግ ሸኔ የሽብር ቡድን እና የዘር ማጥፋት ተባባሪዎቹ በፈጸሙት ጥቃት አንድ አካባቢ ብቻ ከ21 በላይ ንጹሃን አማራዎች መገደላቸውና ከ7 በላይ ስለመቁ…

በስቡስሬ ወረዳ ቦቆጅማ በተባለ ቀበሌ የኦነግ ሸኔ የሽብር ቡድን እና የዘር ማጥፋት ተባባሪዎቹ በፈጸሙት ጥቃት አንድ አካባቢ ብቻ ከ21 በላይ ንጹሃን አማራዎች መገደላቸውና ከ7 በላይ ስለመቁሰላቸው ተነገረ። አማራ ሚዲያ ማዕከል/አሚማ ጥቅምት 9 ቀን 2014 ዓ. ም አዲስ አበባ ሸዋ በምስራቅ ወለጋ ዞን ስቡስሬ ወረዳ ቦቆጅማ ቀበሌ የኦነግ ሸኔ የሽብር ቡድን እና የዘር ማጥፋት ተባባሪዎቹ በፈጸሙት ጥቃት በአንድ አካባቢ ብቻ ከ21 በላይ ንጹሃን አማራዎች መገደላቸውና ከ7 በላይ ስለመቁሰላቸው ተነግሯል። አሚማ ከስፍራው ያነጋገራቸው ከጥቃቱ የተረፉ ነዋሪዎች እንደሚሉት ከተጨፈጨፉት መካከል ሴቶች እንደሚበዙ፤ ከ7 በላይ ቁስለኞችም ታይተዋል፤ የሚያሳዝነው አስከሬንም ሆነ ቁስለኞችን ለማንሳት አልተቻለም ተብሏል። የኦሮሚያ ልዩ ኃይል መለዮ የለበሱ ባለ ሙሉ ትጥቅ ናቸው የጨፈጨፉን ይላሉ ከአሚማ ጋር ቆይታ ያደረጉ ምንጮች። ልዩ ኃይሉን እና ሚሊሻውን እንዲሁም የኦሮሞ ተወላጆችን ቀድመው ከአካባቢው ካስወጡ በኋላ ሴቱን በካራ ወንዱን በጥይት እንዳስገደሏቸውም ገልጸዋል። እንደአብነት አንዲት እናት ሁለት ልጆቿን ቤቱን ሰብረው በመግባት አርደውባታል፤ ባልና ሚስትን ከእነ ልጃቸው በአሰቃቂ መልኩ ገድለዋል። በመንግስት አካላት ተመክሮ ተዘክሮ የተፈፀመ ነው፤ በደሉን ለመናገር ይዘገንናል የሚሉት ተጎጅው በበቆጂ ያለ አማራ ሁሌም ይጨቆናል፤ ውሃ እንኳ መቅዳት አንችልም ቀበሌ እና ወረዳው ነው ያስጨፈጨፈን ሲሉም አክለዋል። ከ10 ሺ እስከ 15 ሺ የሚሆን የአማራ ህዝብ በጫካ ነው ያለው ሲሉ ተደምጠዋል። በበቆጅ በአሰቃቂ መልኩ ከተጨፈጨፉት በአንድ አካባቢ ብቻ የተገኙት:_ 1) መሬም ከ2 ልጆቿ ጋር፣ 2) መሬም ካሳሁን ከ3 ልጆቿ ጋር፣ 3) መሀመድ ይብሬ 4) የሱፍ ሁሴን፣ 5) አህመድ ይብሬ፣ 6) ይፍሩ ገረመው፣ 7) መሀመድ ሞላ፣ 😎 ሸምስያ ፣ 9) መብሬ ሚስባህ፣ 10) ዘይነባ ሁሴን፣ 11) ከድጃ ይብሬ፣ 12) ምሳዬ መሀመድ፣ 13) ጦይባ አሊ፣ 14) ሀዋ ሁሴን፣ 15) አቶ ባምሌ ከባለቤቱ እና ከልጁ ጋር የተገደሉ መሆናቸው ተነግሯል። የሟቾች እና የቁስለኞች ቁጥር ከዚህ በላይ ያሻቅባል ተብሏል። የኦነግ ወሸኔ ቀላቢዎች ይታወቃሉ ግን ማንም አይነካቸውም እነሱ እንደ አንደኛ ዜጋ እኛ ደግሞ እንደ ሁለተኛ ዜጋ ነው የምንቆጠረው፤ ገበያ እንዳንወጣም አግደውን ነበር ሲሉ ከተደራጀው የጥቅምት 8 ቀን 2014 ጥቃት የተረፉ ምንጮች ለአሚማ ተናግረዋል።

Source: Link to the Post

Leave a Reply