You are currently viewing “በሶስት ቀናት ውስጥ ቤታችሁ ይፈርሳል ተብለናል” የየካ ክ/ከተማ ወረዳ 5 ነዋሪዎች አማራ ሚዲያ ማዕከል/አሚማ      ጥር 4 ቀን 2015 ዓ/ም          አዲስ አበባ ሸዋ በየካ ክ/ከ…

“በሶስት ቀናት ውስጥ ቤታችሁ ይፈርሳል ተብለናል” የየካ ክ/ከተማ ወረዳ 5 ነዋሪዎች አማራ ሚዲያ ማዕከል/አሚማ ጥር 4 ቀን 2015 ዓ/ም አዲስ አበባ ሸዋ በየካ ክ/ከ…

“በሶስት ቀናት ውስጥ ቤታችሁ ይፈርሳል ተብለናል” የየካ ክ/ከተማ ወረዳ 5 ነዋሪዎች አማራ ሚዲያ ማዕከል/አሚማ ጥር 4 ቀን 2015 ዓ/ም አዲስ አበባ ሸዋ በየካ ክ/ከተማ ወረዳ 5፣ በተለምዶ ጨለለቆ ተብሎ የሚጠራው ቅድስት አርሴማ ቤ/ክርስቲያን አካባቢ የሚገኙ ነዋሪዎች፤ ለጠቅላይ ሚኒስትሩ ቤተመንግሥት ማሠሪያ ተብሎ በሶስት ቀናት ውስጥ ቤታቸው እንደሚፈርስ እንደተነገራቸው አሳውቀዋል። ነዋሪዎቹ እንደሚናገሩት ምንም አይነት ቅያሪ ቦታ እና የካሳ ገንዘብ ሳይሰጣቸው በጣም ጠባብ በሆነ ጊዜ ውስጥ ቤት አፍርሱ መባሉ ትልቅ ችግር ውስጥ ከቷቸዋል። ቤት ተከራይተው አካባቢ ለመቀየር እንኳን ቢሞክሩ የልጆቻቸው ት/ቤት አስቸጋሪ እንዳደረገባቸው ተናግረዋል። እዛው አካባቢ ለመከራየትም የቤት ኪራይ ውድ በመሆኑ በእነሱ አቅም የማይደፈር ሆኖባቸዋል። በተጨማሪም ከዚህ በፊት ቤት የፈረሰባቸው ሰዎች የደረሰባቸው በደል ሳያንስ የታሰሩም እንዳሉ ለባልደራስ ድምፃቸውን ለህዝብ እንዲያሰማላቸው ጠይቀዋል። ይህን ሁሉ ግፍ የኢትዮጵያ ህዝብ ይስማልን፤ ይህንን በመንግሥት እየተደረገብን ያለውን ኢሰብአዊ ድርጊት ለማስቆም ድምፅ እንዲሆነን እንጠይቃለን ሲሉ ጠይቀዋል። ለቤተመንግሥቱ መሥሪያ ተብሎ በሺ የሚቆጠሩ አባወራዎች ሊፈናቀሉ እንደሚችሉ ተሰምቷል። ይህም ትልቅ የህብረተሰብ ቀውስ ሊፈጥር የሚችልና ሀገራችን አሁን ካለችበት ተደራራቢ ችግሮች ተጨማሪ ሌላ ፈተና እንደሚሆንባት መገመት አያዳግትም። የኦህዴድ መራሹ ብልፅግና መንግሥት መሰረታዊ ችግር የሚቀርፉ ስራዎችን ከመሥራት ይልቅ ተጨማሪ የኢኮኖሚ ቀውስ ሊፈጥሩ የሚችሉ ብልጭልጭ ረብ የለሽ የህዝብ ሀብትን የሚያባክኑ ግንባታዎችን ደሃውን የአዲስ አበባ ህዝብ እያስለቀሰ መሥራቱን ሥራዬ ብሎ ይዞታል ሲል ባልደራስ አጋርቷል።

Source: Link to the Post

Leave a Reply