You are currently viewing በሸዋ ደራ ጉንዶ መስቀል ከተማ በወረራ ገብቶ የነበረው የኦነግ ሸኔ የሽብር ቡድን በአደአ ዞን አደቆጫ ቀበሌ 7 ነዋሪዎችን መግደሉን እና በከተማ እና በገጠር ከ50 በላይ ነዋሪዎችን አግቶ ወ…

በሸዋ ደራ ጉንዶ መስቀል ከተማ በወረራ ገብቶ የነበረው የኦነግ ሸኔ የሽብር ቡድን በአደአ ዞን አደቆጫ ቀበሌ 7 ነዋሪዎችን መግደሉን እና በከተማ እና በገጠር ከ50 በላይ ነዋሪዎችን አግቶ ወ…

በሸዋ ደራ ጉንዶ መስቀል ከተማ በወረራ ገብቶ የነበረው የኦነግ ሸኔ የሽብር ቡድን በአደአ ዞን አደቆጫ ቀበሌ 7 ነዋሪዎችን መግደሉን እና በከተማ እና በገጠር ከ50 በላይ ነዋሪዎችን አግቶ ወደ ጫካ መውሰዱን ነዋሪዎች ተናግረዋል። አማራ ሚዲያ ማዕከል/አሚማ ህዳር 6 ቀን 2015 ዓ/ም አዲስ አበባ ሸዋ አሸባሪው የኦነግ ሸኔ ቡድን በሸዋ ደራ እና አካባቢው ከ6 ጊዜ በላይ ወረራ ፈጽሟል። በተመሳሳይ ከህዳር 2/2015 ከሌሊቱ 7 ሰዓት ጀምሮ በጅሩዳዳ በኩል የገቡ የቡድኑ ታጣቂዎች በደራ ወረዳ ዋና ከተማ ጉንዶ መስቀል ላይ ህዳር 4/2015 የወረራ ጦርነት በመክፈት ሰዋዊ እና ቁሳዊ ውድመት ማስከተሉ ይታወቃል፤ በቡድኑ አባላት በኩል ከፍተኛ ጉዳት መድረሱ አይዘነጋም። አሸባሪው ኦነግ ሸኔ ህዳር 4/2015 በደራ ጉንዶ መስቀል ከተማ በመግባት ጦርነት ከፍቶ ግድያ፣ እገታ እና ዝርፊያ ከፈጸመ በኋላ ወደ ጫካ ሲመለስ በአድአ ዞን አደቆጫ በተባለ አካባቢ ከብቶቻቸውን ከዘረፈ በኋላ 5 ነዋሪዎችን በጥይት መግደሉ ታውቋል። ግድያውን የፈጸመውም በጉንዶ መስቀል ከተማ ወረራ በፈጸመበት ወቅት ምንም እንኳ 7 ሚሊሾችን የገደለ ቢሆንም በቡድኑ በኩል በአልሞት ባይ ተጋዳዮች አማካኝነት ከፍተኛ የሆነ የሰው ኃይሉን የተገደሉበት በመሆኑ በብስጭት ጭምር በመንገድ ላይ የሚያገኛቸውን የአደቆጫ ነዋሪዎችን እየገደለ እና እያገተ መሄዱ ተገልጧል። (1) በአደቆጫ አካባቢ ህዳር 4/2015 በሽብር ቡድኑ በጥይት የተገደሉትም:_ 1) ደርብ መኮንን፣ 2) መሰረት ተፈራ፣ 3) አስናቁ ጉቹ፣ 4) ደርቤ መኮንን፣ 5) ተስፋዬ መንግስቴ እና 6) መብራቱ አየለ ይባላሉ። (2) የተዘረፉ ከብቶቻቸውን በልመና ለማስመለስ በሚል ህዳር 5/2015 እየለመኑ በነበሩበት በጥይት የተገደሉትም:_ 1) ወ/ሮ ምሳው አባተ፣ 2) አቶ ታመነ ታደሰ የተባሉ የአደቆጫ ነዋሪዎች ናቸው። የአቶ ታመነ ታደሰ ባለቤትም ታግታ ወደ ጫካ ስለመወሰዷ ተነግሯል። ከዚህ በተጨማሪም ከአሁን ቀደም በተደጋጋሚ እየተዋጋ ሲመልሳቸው በነበረው በቆሮ ግንደ በርበሬም የኦነግ ሸኔ ታጣቂዎች ህዳር 4/2015 ከፍተኛ ጥቃት መፈጸማቸው ተገልጧል። በትክክል መረጃውን ለማግኘት ባይቻልም በቡድኑ ነዋሪዎች ስለመገደላቸው እና የመኖሪያ ቤቶችን ህዳር 5/2015 በቆሮ ግንደ በርበሬ አካባቢም የዘረፉትን በሬ አርደው ሲበሉ መዋላቸው መረጃዎች አመልክተዋል። በአጠቃላይ የኦነግ ሸኔ የሽብር ቡድን በጉንዶ መስቀል ከተማ ባሮ በር፣ ጎለልቻ በር፣ ደረባ እንዲሁም በገጠር አካባቢዎች ጭምር በጥቅሉ ከ50 በላይ የደራ ነዋሪዎችን አግቶ ወደ ጫካ መውሰዱን በሸዋ የደራ አማራ ማንነት አስመላሽ ኮሚቴ ሰብሳቢ መ/ር ኃይለ ሚካኤል አርዓያ ለአማራ ሚዲያ ማዕከል (አሚማ) ተናግረዋል። ከጉንዶ መስቀል ከተማ በቡድኑ ታግተው ከተወሰዱት መካከልም:_ (1) ከደረባ:_ 1) ቄስ እስጢፋኖስ ደጀኔ፣ 2) አቶ ሽፋው ደጀን፣ 3) ዳኙ ፈለቀ እና 4) አቶ ጋሻው (2) ከባሮ በር:_ 5) አቶ በላይ ኃይሉ፣ 6) ኢ/ር አብቴ ግዴለው፣ (3) ከጎለልቻ በር:_ 7) አቶ ውለታው ታደሰ እና ሌሎችንም ጨምሮ ከ50 በላይ የከተማ እና የገጠር ነዋሪዎችን አግተው መውሰዳቸው ተሰምቷል። ለታገቱት መካከል የአቶ ሽፋው ደጀኔ ቤተሰቦች 50 ሽህ ብር እንዲከፍሉ በስልክ የተጠየቁ መሆናቸው ተሰምቷል። በመቶዎች የሚቆጠሩ የአርሶ አደሮችን የቀንድ ከብቶች የዘረፉ ሲሆን እንደአብነትም የ3 ግለሰቦችን ብቻ 3 በረት ሙሉ የቀንድ ከብቶችን ዘርፈው የወሰዱባቸው ስለመሆናቸው ምንጮች ነግረውናል።

Source: Link to the Post

Leave a Reply