በቂርቆስ እና በአዲስ ከተማ ክ/ከተማ ህገ- ወጥ የጦር መሳሪያ በተሸከርካሪ ጭነው ሲንቀሳቀሱ የነበሩ 3 ግለሰቦች ተይዘዉ ምርመራ እየተጣራ መሆኑን የአዲስ አበባ ፖሊስ አስታወቀ፡፡…

በቂርቆስ እና በአዲስ ከተማ ክ/ከተማ ህገ- ወጥ የጦር መሳሪያ በተሸከርካሪ ጭነው ሲንቀሳቀሱ የነበሩ 3 ግለሰቦች ተይዘዉ ምርመራ እየተጣራ መሆኑን የአዲስ አበባ ፖሊስ አስታወቀ፡፡ የአማራ ሚዲያ ማእከል ጥቅምት 23 2013 አ/ም አዲስ አበባ ኢትዮጵያ ህገ ወጥ የጦር መሳሪያ የተያዘው በቂርቆስ ክ/ከተማ ወረዳ 7 ልዩ ቦታው ለገሀር ተብሎ ከሚጠራው አካባቢ ጥቅምት 19 ቀን 2014 ዓ.ም ነው፡፡ በኮድ 3 A.21299 አ/አ አይሱዙ ከሸዋ ሮቢት ተነስቶ መዳረሻውን አዲስ አበባ መሳለሚያ ሊያደርግ የነበረው ተሽከርካሪ የተሽከርካሪዎች መፍቻ ማስቀመጫ የብረት ሳጥን በኩል ሻግ በማሳራት ሶስት መትረየሥጠብ-መንጃ ከመሰል አንድ ጥይትና ባዶ የጥይት ማስቀመጫ ዝናር ጋር የብሄራዊ መረጃ ና ደህንነት አገልግሎት ከአዲስ አበባ ፖሊስ ጋር በመቀናጀት ባደረገው ብርቱ ክትትል ህገ- ወጥ የጦር መሳሪያው ፣ተሽከርካሪው እንዲሁም 2 ተጠርጣሪዎችን ይዞ አስፈላጊውን ምርመራ እያጣራ መሆኑን አዲስ አበባ ፖሊስ ገልጿል፡፡ በተመሳሳይ በአዲስ ከተማ ክ/ከተማ ወረዳ 7 ልዩ ቦታው መሳለሚያ እህል በረንዳ ተብሎ ከሚጠራው አካባቢ ኮድ 1. 34301 አ/አ ላዳ ታክሲ ውስጥ በመዳበሪያ ተፈታቶ የተቀመጠ 1 ኤስ ኬኤስ ህገ ወጥ የጦር መሳሪያ ይዞ ሲያሽከረክር የነበረው አሽከርካሪ የብሄራዊ መረጃና ደህንነት አገልግሎት ከአዲስ አበባ ፖሊስ ጋር በመቀናጀት ባደረጉት ክትትል ተይዞ ምርመራ እየተጣራ መሆኑን አዲስ አበባ ፖሊስ አስታውቋል፡፡ ህገ -ወጥ የጦር መሳሪያ በሀገርና በህዝብ ላይ የሚያደረሰውን ጉዳት በመገንዘብ ህብረተሰቡ አጠራጣሪ ነገሮች ሲመለከት ለህግ አካል መጠቆም እንደሚገባ አዲስ አበባ ፖሊስ አሳስቧል፡፡

Source: Link to the Post

Leave a Reply