You are currently viewing በባህር ዳር ሰባታሚት ማ/ቤት የሚገኙ በሰኔ 15ቱ የባለስልጣናት ግድያ ወንጀል ተከሰው አላግባብ ተፈርዶብናል ያሉ የጦር መኮንኖች ለመላው የክርስትና እምነት ተከታዮች የእንኳን ለትንሳኤ በዓል…

በባህር ዳር ሰባታሚት ማ/ቤት የሚገኙ በሰኔ 15ቱ የባለስልጣናት ግድያ ወንጀል ተከሰው አላግባብ ተፈርዶብናል ያሉ የጦር መኮንኖች ለመላው የክርስትና እምነት ተከታዮች የእንኳን ለትንሳኤ በዓል…

በባህር ዳር ሰባታሚት ማ/ቤት የሚገኙ በሰኔ 15ቱ የባለስልጣናት ግድያ ወንጀል ተከሰው አላግባብ ተፈርዶብናል ያሉ የጦር መኮንኖች ለመላው የክርስትና እምነት ተከታዮች የእንኳን ለትንሳኤ በዓል አደረሳችሁ መልዕክት አስተላልፈዋል። አማራ ሚዲያ ማዕከል/አሚማ ሚያዝያ 15 ቀን 2014 ዓ.ም አዲስ አበባ ሸዋ በባህር ዳር ሰባታሚት ማ/ቤት የሚገኙ በሰኔ 15ቱ የባለስልጣናት ግድያ ወንጀል ተከሰው አላግባብ ተፈርዶብናል ሲሉ ለፌደራል ጠቅላይ ፍ/ቤት ሰበር ሰሚ ችሎት ይግባኝ የጠየቁ የጦር መኮንኖች ለመላው የክርስትና እምነት ተከታዮች የእንኳን ለእየሱስ ክርስቶስ የትንሳኤ በዓል አደረሳችሁ መልዕክት አስተላልፈዋል። በዓሉ በሰላም እንዲያልፍ ምኞታቸውን ለአማራ ሚዲያ ማዕከል (አሚማ) ያደረሱት የጦር መኮንኖቹ መላው ኢትዮጵያዊያን በተለይ ደግሞ ግልጽ ጦርነት የተከፈተበትና በሀሰት ትርክትና በጭፍን ጥላቻ ተነሳስተው በጠላትነት በፈረጁት አካላት በከበባ ውስጥ ጭምር ያለው አማራ ከመዘናጋት ይልቅ ዘወትር መጠንቀቅን ገንዘቡ እንዲያደርግ ጥሪ አድርገዋል። በየእስር ቤትም ሆነ ለዘመናት ከሚኖሩበት ቀያቸው በማንነታቸው ብቻ ተፈናቅለው በእየመጠለያ ጣቢያውና ከመጠለያ ጣቢያ ውጭም በየሜዳው፣ በየጫካው፣ በየጎዳናው እየተንከራተቱ ለሚገኙ፣ ለተራቡና ለተጠሙ እንዲሁም በህመም ለሚሰቃዩ ወገኖቻችን ፈጣሪ ከመከራ ሕይወት እንዲታደጋቸው የመልካም ምኞት መልዕክታችን ይድረስልን ብለዋል። በተለይም በደረስንበት ዘመን የተለመደው የመደጋገፍ እና የመጠያየቅ ባህላችን ይበልጥ ጎልብቶ እንዲቀጥል ማድረግ እንደ አማራም ሆነ እንደ ሀገር ኢትዮጵያ ከተደቀኑባት ዘርፈ ብዙ ችግሮች ዋነኛ የማለፊያ መንገድ መሆኑ ልንገነዘብ እንደሚገባ በመልዕክታቸው ጠቁመዋል። በተያያዘም በእስልምና እምነት ተከታዮች ዘንድ ከቀናት በኋላ በድምቀት ለሚከበረው የኢድ አል ፈጥር በዓልም እንኳን አደረሳችሁ ብለዋል። ወንድማማችነቱ፣ አንድነቱ፣ መተሳሰቡ እና መደጋገፉ ዛሬም እንደ ትናንቱ ተጠናክሮ እንዲቀጥል መልካም ምኞታቸው መሆኑን ገልጸዋል። ከሰኔ 15ቱ የግድያ ወንጀል ጋር በተያያዘ የአማራ ክልል ጠቅላይ ፍ/ቤት የካቲት 29/2014 በዋለው ችሎት በሌሉበት በ3 ተከሳሾች ላይ እድሜ ልክ፣ በባህር ዳር ሰባታሚት ማ/ቤት በሚገኙ 28ቱ ላይ ደግሞ ከ15 እስከ 18 ዓመት የሚደርስ ፍርድ መሰጠቱ ይታወሳል። 2 ዓመት ከ8 ወራት በላይ ያለፍርድ በእስር ላይ የከረሙት የጦር መኮንኖቹ የፍትህ አሰጣጥ ሂደቱ ዘገዬብን ከሚለው የነበረ ተደጋጋሚ አቤቱታቸው ሲታለፍ የተሰጠው የፍርድ ውሳኔም ትክክል አይደለም ሲሉ ቅር መሰኘታቸውን ገልጸው ነበር። በወቅቱም “ፍርዱ በእጅጉ አሳዛኝና አሳፋሪ ነው፤ በጅምላ ነው የተሰጠው” ሲሉ አቤቱታ ያቀረቡት የጦር መኮንኖቹ ጉዳዩን ወደ ፌደራል ጠቅላይ ፍ/ቤት ሰበር ሰሚ ችሎት ለመውሰድ ይግባኝ ማለታቸው አይዘነጋም። በተሰጠው ፍርድ ቅር በመሰኘትም የፌደራል ጠቅላይ ፍ/ቤት ሰበር ሰሚ ችሎት የዐቃቢ ህግ እና የተከሳሾችን ምስክሮችን ቃል እና የአማራ ክልል ጠቅላይ ፍ/ቤት የሰጠውን ውሳኔን በመመርመር በነጻ እንዲያሰናብታቸው ጠይቀዋል። እነዚህ በክልሉ ጠቅላይ ፍ/ቤት ፍርድ ተሰጧቸው በእስር ላይ የሚገኙ 28 አቤቱታ አቅራቢዎች በጠበቃቸው በኩል አቤቱታቸው ለፌደራል ጠቅላይ ፍ/ቤት ተልኮ መዝገቡ መከፈቱንም አሳውቀዋል። በመጨረሻም ፍትህ ወዳድ ወገኖች ሁሉ ቤተሰቦቻቸውን በመጠየቅና ሂደቱን በመከታተል ከጎናቸው እንዲሆኑ ጥሪ አስተላልፈዋል።

Source: Link to the Post

Leave a Reply