You are currently viewing # በባህር ዳር  በእነ ስንታየሁ ቸኮል ክስ ለነገ ተለዋጭ ቀጠሮ ተሰጠ፥ ችሎቱ የህሊና ፀሎት ከለከለ!! ሰ.አሜሪካ:- ሰኔ 22/2014 ዓ.ም                    አሻራ ሚዲያ # ደ…

# በባህር ዳር በእነ ስንታየሁ ቸኮል ክስ ለነገ ተለዋጭ ቀጠሮ ተሰጠ፥ ችሎቱ የህሊና ፀሎት ከለከለ!! ሰ.አሜሪካ:- ሰኔ 22/2014 ዓ.ም አሻራ ሚዲያ # ደ…

# በባህር ዳር በእነ ስንታየሁ ቸኮል ክስ ለነገ ተለዋጭ ቀጠሮ ተሰጠ፥ ችሎቱ የህሊና ፀሎት ከለከለ!! ሰ.አሜሪካ:- ሰኔ 22/2014 ዓ.ም አሻራ ሚዲያ # ደምስ አያሌው፣ ያለለት ወንድዬ፣ ዋሴም ቀርበዋል! / የፌዴራል ፖሊስ በአንድ መዝገብ የምርመራ ክስ ከፍቶባቸው በባሕር ዳር፤ ሰባታሚት ወህኒ ቤት የሚገኙት የባልደራስ ለእውነተኛ ዴሞክራሲ ፓርቲ (ባልደራስ) የአደረጃጀት ጉዳዮች ኃላፊው አስንታየሁ ቸኮል፣ የቀድሞው አማራ ሳተላይት ራዲዮና ቴሌቪዥን (አሥራት) ባልደረባ ጋዜጠኛ ያለለት ወንድዬ፣ ደምስና አያሌው እና ዋሴ ቢረሳው ዛሬ ረቡዕ ሰኔ 22 ቀን 2014 ዓ.ም. ፍርድ ቤት ቀርበዋል። ፖሊስ ባለፉት ጊዜያት የደረሰበት የምርመራ ውጤት አለመኖሩን ጠቅሶ፣ ተጨማሪ 14 የምርመራ ቀናት እንዲሰጠው ጠይቋል። የህሊና እስረኞቸ‍ኡ በበኩላቸው፣ ፍርድ ቤት ከመቅረባቸው በፊት ወደ 20 ቀናት ገደማ ታግተው መቆየታቸውን ገልፀው፣ በነፃ እንዲሰናበቱ ጠይቀዋል። የአማራ ጠቅላይ ፍርድ ቤት በበኩሉ፣ ለነገ ሐሙስ ሰኔ 23 ቀን 2014 ዓ.ም. ተለዋጭ ቀጠሮ ሰጥቷል። በነገው ችሎት የህሊና እስረኞች ባቀረቡት ጥያቄ ላይ መርማሪ ፖሊስ ምላሹን ይዞ እንዲቀርብም አዝዟል። አቶ ስንታየሁ ቸኮል፣ “ፖሊሶች እኛን ሲይዙና ሲፈትሹን በእጃችን ውዳሴ ማርያም እንጂ ቦምብ አላገኙም። የፓርቲያችንን ጠቅላላ ጉባኤ ለማደናቀፍ ነው ያሰሩኝ። አሁንም ፍርድ ቤቱ በነፃ እንዲያሰናብተን ነው የምንጠይቀው” ብለዋል። ችሎቱ ከመጀመሩ አስቀድሞ በወለጋ ለተጨፈጨፉ አማሮች የኅሊና ፀሎት እንዲደረግም ጠይቀዋል። ሆኖም ዳኞች ሀዘኑ የእነርሱም ጭምር መሆኑን ገልፀው ፣ ይህንን ለማድረግ የችሎቱ ስነ ስርዓት እንደማይፈቅድ አስረድተዋል። “በሙያየ ለብዙ አመታት ሰርቻለሁ። ከቤንሻንጉል ጉምዝ ተፈናቅዬ አገሬ ብየ መጥቼ ለግፉዓን ድምፅ በመሆኔ ታሰርኩ። ቤተሰቦቸ የህልውና አደጋ ላይ ናቸው። እኔም ታምሜያለሁ። ፍርድ ቤቱ ቢቻል በነፃ ካልሆነ ግን በዋስትና ያሰናብተኝ” በማለት ጋዜጠኛ ያለለት ተናግሯል። ደምስ አያሌው በበኩሉ፣ በማህበራዊ ሚዲያ ሁከት ቀስቃሽ መረጃ በማሰራጨት መወንጀሉን ጠቅሶ፤ እርሱ ግን ማህበራዊ ሚዲያን ለበጎ ከመጠቀም አንፃር ጥሩ አስተዋፅኦ ያላቸውን ሰዎች የሚሸልም አደረጃጀት በመፍጠር ሲሰራ እንደቆየ አስረድቷል። © ባልደራስ #በቃ! #እምቢ! #AmharaGenocide! ለፈጣንና አዳዲስ መረጃዎች የአይበገሬዎቹ ልሳን:- Youtube:- https://www.youtube.com/channel/UCPmgFzP2ZPmdGjHxXjigJaw Facebook:- https://www.facebook.com/asharamedia24 ቴሌግራም:- https://t.me/asharamedia24

Source: Link to the Post

Leave a Reply