You are currently viewing በባህር ዳር አቶ ስንታየሁ ቸኮል፣ ጋዜጠኛ ያለለት ወንድዬ፣ ደምስ አያሌው እና ዋሴ ቢረሳው ፍ/ቤት ቀርበዋል፤ መዝገቡ ለሰኔ 22/2014 ተቀጥሯል። አማራ ሚዲያ ማዕከል/አሚማ    ሰኔ 22…

በባህር ዳር አቶ ስንታየሁ ቸኮል፣ ጋዜጠኛ ያለለት ወንድዬ፣ ደምስ አያሌው እና ዋሴ ቢረሳው ፍ/ቤት ቀርበዋል፤ መዝገቡ ለሰኔ 22/2014 ተቀጥሯል። አማራ ሚዲያ ማዕከል/አሚማ ሰኔ 22…

በባህር ዳር አቶ ስንታየሁ ቸኮል፣ ጋዜጠኛ ያለለት ወንድዬ፣ ደምስ አያሌው እና ዋሴ ቢረሳው ፍ/ቤት ቀርበዋል፤ መዝገቡ ለሰኔ 22/2014 ተቀጥሯል። አማራ ሚዲያ ማዕከል/አሚማ ሰኔ 22 ቀን 2014 ዓ.ም አዲስ አበባ ሸዋ የፌዴራል ፖሊስ በአንድ መዝገብ የምርመራ ክስ ከፍቶባቸው በባሕር ዳር፤ ሰባታሚት ወህኒ ቤት የሚገኙት የባልደራስ ለእውነተኛ ዴሞክራሲ ፓርቲ (ባልደራስ) የአደረጃጀት ጉዳዮች ኃላፊው አቶ ስንታየሁ ቸኮል፣ የቀድሞው አማራ ሳተላይት ራዲዮ እና ቴሌቪዥን (አሥራት) ባልደረባ ጋዜጠኛ ያለለት ወንድዬ፣ ደምስና አያሌው እና ዋሴ ቢረሳው በእለተ ረቡዕ ሰኔ 22 ቀን 2014 ዓ.ም. ፍርድ ቤት ቀርበዋል። ፖሊስ ባለፉት ጊዜያት የደረሰበት የምርመራ ውጤት አለመኖሩን ጠቅሶ፣ ተጨማሪ 14 የምርመራ ቀናት እንዲሰጠው ጠይቋል። የህሊና እስረኞቹ በበኩላቸው፣ ፍርድ ቤት ከመቅረባቸው በፊት ወደ 20 ቀናት ገደማ ታግተው መቆየታቸውን ገልፀው፣ በነጻ እንዲሰናበቱ ጠይቀዋል። የአማራ ጠቅላይ ፍርድ ቤት በበኩሉ፣ ለሐሙስ ሰኔ 23 ቀን 2014 ዓ.ም. ተለዋጭ ቀጠሮ ሰጥቷል። ችሎቱም የህሊና እስረኞች ባቀረቡት ጥያቄ ላይ መርማሪ ፖሊስ ምላሹን ይዞ እንዲቀርብም አዝዟል። አቶ ስንታየሁ ቸኮል፣ “ፖሊሶች እኛን ሲይዙና ሲፈትሹን በእጃችን ውዳሴ ማርያም እንጂ ቦምብ አላገኙም። የፓርቲያችንን ጠቅላላ ጉባኤ ለማደናቀፍ ነው ያሰሩኝ። አሁንም ፍርድ ቤቱ በነጻ እንዲያሰናብተን ነው የምንጠይቀው” ብለዋል። ችሎቱ ከመጀመሩ አስቀድሞ በወለጋ ለተጨፈጨፉ አማሮች የኅሊና ጸሎት እንዲደረግም ጠይቀዋል። ሆኖም ዳኞች ሀዘኑ የእነርሱም ጭምር መሆኑን ገልፀው ፣ ይህንን ለማድረግ የችሎቱ ስነ ስርዓት እንደማይፈቅድ አስረድተዋል። “በሙያየ ለብዙ አመታት ሰርቻለሁ። ከቤንሻንጉል ጉምዝ ተፈናቅዬ አገሬ ብየ መጥቼ ለግፉዓን ድምፅ በመሆኔ ታሰርኩ። ቤተሰቦቸ የህልውና አደጋ ላይ ናቸው። እኔም ታምሜያለሁ። ፍርድ ቤቱ ቢቻል በነፃ ካልሆነ ግን በዋስትና ያሰናብተኝ” በማለት ጋዜጠኛ ያለለት ተናግሯል። ደምስ አያሌው በበኩሉ፣ በማህበራዊ ሚዲያ ሁከት ቀስቃሽ መረጃ በማሰራጨት መወንጀሉን ጠቅሶ፤ እርሱ ግን ማህበራዊ ሚዲያን ለበጎ ከመጠቀም አንፃር ጥሩ አስተዋፅኦ ያላቸውን ሰዎች የሚሸልም አደረጃጀት በመፍጠር ሲሰራ እንደቆየ አስረድቷል ሲል ባልደራስ አጋርቷል።

Source: Link to the Post

Leave a Reply