You are currently viewing በባህር ዳር የጣና ሀይቅ ት/ቤት መ/ር ጌታቸው አዱኛ  መታሰሩ ተገለጸ።  አማራ ሚዲያ ማዕከል/አሚማ   ጥቅምት 24 ቀን 2015 ዓ.ም…         አዲስ አበባ ሸዋ  በባህር ዳር የጣና…

በባህር ዳር የጣና ሀይቅ ት/ቤት መ/ር ጌታቸው አዱኛ መታሰሩ ተገለጸ። አማራ ሚዲያ ማዕከል/አሚማ ጥቅምት 24 ቀን 2015 ዓ.ም… አዲስ አበባ ሸዋ በባህር ዳር የጣና…

በባህር ዳር የጣና ሀይቅ ት/ቤት መ/ር ጌታቸው አዱኛ መታሰሩ ተገለጸ። አማራ ሚዲያ ማዕከል/አሚማ ጥቅምት 24 ቀን 2015 ዓ.ም… አዲስ አበባ ሸዋ በባህር ዳር የጣና ሀይቅ ት/ቤት መ/ር ጌታቸው አዱኛ ጥቅምት 24/2015 ከቀኑ 9 ሰዓት አካባቢ በፖሊሶች መታሰሩ ተሰምቷል። ንጋት ላይ በደብረ ታቦር ከተማ ከመኖሪያ ቤቱ ተይዞ ወደ እስር ከተወሰደው ከመ/ር ዳንኤል ዮሃንስ እና ከሌሎች የትግል ከአጋሮቹ ጋር በመሆን አሸባሪ ብሎ በመፈረጅ በአማራ ብሎም በሌሎች ኢትዮጵያዊያን ላይ ተደራራቢ ግፍ እና በደል ሲፈጽም የኖረውን የህወሓትን ስርዓት ፊት ለፊት በመታገሉ ለ2 ዓመት ከ6 ወራት በሁመራ እና በጎንደር በደህንነት ቢሮ፣በአዲስ አበባ ማዕከላዊ እና ቂሊንጦ እስር ቤቶች ከታሰረ በኋላ በህዝባዊ ትግል በ2010 ዓ/ም ከእስር የተፈታው መ/ር ጌታቸው አዱኛ አሁንም ለእስር ተዳርጓል። ከእስር ከተፈታበት ጊዜ ማግስት ጀምሮ በአማራ ብሄራዊ ንቅናቄ (አብን) መስራችነትና የደቡብ ጎንደር ዞን አደራጅ የነበረው፣ እንዲሁም በህልውና ትግሉ ላይ የተለያዩ አደረጃጀቶችን በማስተባበር ለአማራዊ አንድነት ትግሉ ከፍተኛ አስተዋጽኦ እያበረከተ የነበረው መ/ር ጌታቸው አዱኛ ጥቅምት 24/2015 ከቀኑ 9 ሰዓት ላይ ወደ ጣና ሀይቅ ት/ቤት ባቀናበት መታሰሩን ከባ/ዳር የአማራ ሚዲያ ማዕከል (አሚማ) ምንጮች አረጋግጠዋል። ፖሊስ መ/ር ጌታቸው አዱኛን በመጀመሪያ ወደ 3ተኛ ፖሊስ ጣቢያ የተወሰደው ቢሆንም ከቆይታ በኋላ ወደ 6ኛ ፖሊስ ጣቢያ ያዛወረው መሆኑ ታውቋል። የታሰረበት ምክንያት ምን እንደሆነ አሚማ ይህ ዜና እስከተጠናቀረበት ጊዜ ድረስ ግልጽ የሆነ መረጃ አልደረሰውም። በተያያዘ ጠዋት 2 ሰዓት ላይ በባህር ዳር ቀበሌ 13፣ በ3ተኛ ፖሊስ ጣቢያ የታሰረ ወንድሙን፣ መ/ር ደህናሁን ቤዛን እና ጓደኛውን አቶ አምሳያውን ለመጠየቅ በሄደበት ተይዞ ለሰዓታት ታስሮ የነበረው በአባይ ባንክ የአንድ ቅርንጫፍ ስራ አስኪሂያጅ አቶ ኤፍሬም ቤዛ ከቀኑ 9 ሰዓት አካባቢ መለቀቁ ታውቋል። የመ/ር ደህናሁን ቤዛ ስልክ ክፍት ሲሆን የሚደውለውን ሰው አነጋግር እያሉ አስረው መረጃ ለመሰብሰብ ጥረት እያደረጉ መሆኑም ተገልጧል። ፎቶ_መ/ር ጌታቸው ከአሁን ቀደም በሰኔ 15 የባለስልጣናት ግድያ ምክንያት ደብረ ታቦር ላይ ታስሮ ከቆዬ በኋላ በነጻ ሲፈታ የሚያሳይ ነው።

Source: Link to the Post

Leave a Reply