You are currently viewing በቤንች ሸኮ ዞን ጉራ ፈርዳ ወረዳ በቡና ልማት ስራ የተሰማሩ የአሮጌ ብርሃን እና የሆጀንታ አካባቢ አርሶ አደሮች የተደራጀ ዝርፊያ እና ስርቆት እየተፈጸመባቸው መሆኑን ገለጹ፤ ሌቦችና ዘራፊዎ…

በቤንች ሸኮ ዞን ጉራ ፈርዳ ወረዳ በቡና ልማት ስራ የተሰማሩ የአሮጌ ብርሃን እና የሆጀንታ አካባቢ አርሶ አደሮች የተደራጀ ዝርፊያ እና ስርቆት እየተፈጸመባቸው መሆኑን ገለጹ፤ ሌቦችና ዘራፊዎ…

በቤንች ሸኮ ዞን ጉራ ፈርዳ ወረዳ በቡና ልማት ስራ የተሰማሩ የአሮጌ ብርሃን እና የሆጀንታ አካባቢ አርሶ አደሮች የተደራጀ ዝርፊያ እና ስርቆት እየተፈጸመባቸው መሆኑን ገለጹ፤ ሌቦችና ዘራፊዎች ተገቢ ህጋዊ ቅጣት እያገኙ አይደለም ሲሉ አማረዋል። አማራ ሚዲያ ማዕከል/አሚማ ጥቅምት 29 ቀን 2015 ዓ.ም አዲስ አበባ ሸዋ በደቡብ ምዕራብ ኢትዮጵያ ክልል ቤንች ሸኮ ዞን ጉራ ፈርዳ ወረዳ በቡና ልማት ስራ የተሰማሩ የአሮጌ ብርሃን እና የሆጀንታ አካባቢ አርሶ አደሮች የተደራጀ ዝርፊያ እና ስርቆት እየተፈጸመባቸው መሆኑን ገለጹ፤ ተገቢ ህጋዊ ቅጣት እያገኙ ባለመሆኑ ንብረታችን የዘራፊዎችና የሌቦች መጫዎቻ ሆኗል ሲሉ በማማረር ፍትህ እንዲሰጣቸው ጠይቀዋል። በስምሪት በተሰጣቸው አካላት ዘረፋ እየተፈጸመብን እንደሆነ ይሰማናል የሚሉት የአካባቢው አርሶ አደሮች ፖሊሶችን ጨምሮ ሌሎች የህግ አካላት ከገበሬው ጎን በመሆን ለማገዝ ባለመፍቀዳቸው ተቸግረናል ሲሉ ለአማራ ሚዲያ ማዕከል (አሚማ) ተናግረዋል። ሆንተብሎ የሚፈጸመው ዝርፊያ ተማረን ጥለን እንድወጣ ታቅዶ የሚሰራ ይመስለናል የሚሉት ተጎጅዎች የህግ አካል ስራውን በአግባቡ እየሰራ ባለሆኑ ገበሬው ለረዥም ጊዜ ኮትኩቶ በማሳደግ ያለማውን ቡና የተደራጁ ዘራፊዎች እና ሌቦች መጫዎቻ ሆኗል በማለት በህግ ስርዓቱ ተስፋ እየቆረጡ መሆናቸውን ይናገራሉ። ከሌቦች ጋር የሚደራደር እንጅ የሚቀጣ የህግ አካል አላገኘንም የሚሉት ነዋሪዎቹ እንደአብነት ሲጠቅሱም ከሰሞኑ 3 ኩንታል ያልቀላ ቡና ሲዘርፉ እጅ ከፈንጅ የተያዙ ወንጀለኞችን ቀበሌ ላይ አንድ ቀን ብቻ አስረው ወደ ወረዳ ተልከዋል ቢባልም መንገድ ላይ ተለቀው መመለሳቸውን አይተናል ይላሉ። የህጉንና የህግ አስፈጻሚዎችን የአቋም መላላት የተመለከቱ የተደራጁ ዘራፊዎች እና ሌቦች በየአርሶ አደሩ ማሳ እየገቡ የራሳቸው ንብረት እንደሆነ ያህል እየተሰማቸው ነው፤ በመሆኑም ባለንብረቶች ከዘራፊዎች እና ሌቦች ጋር እየተሻሙ ለመልቀም ተገደዋል ሲሉ አስከፊነቱን ተናግረዋል። ድካማችን መና ሆኖ ቀርቷል የሚሉት በጉራ ፈርዳ ወረዳ አሮጌ ብርሃን እና አካባቢው ነዋሪዎች የሚመለከተው የበላይ አካል ወረድ ብሎ የህግ አፈጻጸም ሂደቱን በመገምገም እና ህጉን በማስከበር ከጎናቸውን እንዲሆን ጥሪ አድርገዋል። በቤንች ሸኮ ዞን ጉራ ፈርዳ እና አካባቢው በእነ አቶ ሽፈራው ሽጉጤ የክልሉ ፕሬዝዳንትነት ዘመን ከ78 ሽህ በላይ የአማራ አርሶ አደሮች በማንነታቸው ብቻ የስርዓቱ አካላት በሚደግፏቸው የተደራጁ የጎሳ ታጣቂዎች ለዘመናት ከሚኖሩበት ቀያቸው ከመፈናቀላቸውም በላይ ባለፉት 4 ዓመታትም በጅምላ መጨፍጨፍ፣መፈናቀል እና መሳደድ አስከፊ እንደነበር ይታወቃል፤ አሁንም ዋስትና እንደሌላቸው ነዋሪዎች እየተናገሩ ነው።

Source: Link to the Post

Leave a Reply