You are currently viewing በቦሌ አራብሳ የዘንዶ አስራ በዓታ ለማርያም ቤተ ክርስቲያን አስተዳዳሪ በሆኑት አባ መላከ ሰላም አበባው ማለደ እና በወንድማቸው በደሳለኝ ማለደ መዝገቦች የተከሰሱ 10 ሰዎች ፍ/ቤት ቀርበው…

በቦሌ አራብሳ የዘንዶ አስራ በዓታ ለማርያም ቤተ ክርስቲያን አስተዳዳሪ በሆኑት አባ መላከ ሰላም አበባው ማለደ እና በወንድማቸው በደሳለኝ ማለደ መዝገቦች የተከሰሱ 10 ሰዎች ፍ/ቤት ቀርበው…

በቦሌ አራብሳ የዘንዶ አስራ በዓታ ለማርያም ቤተ ክርስቲያን አስተዳዳሪ በሆኑት አባ መላከ ሰላም አበባው ማለደ እና በወንድማቸው በደሳለኝ ማለደ መዝገቦች የተከሰሱ 10 ሰዎች ፍ/ቤት ቀርበው ለፊታችን ጥቅምት 25 ቀን ተለዋጭ ቀጠሮ ተሰጣቸው። አማራ ሚዲያ ማዕከል/አሚማ ጥቅምት 19 ቀን 2015 ዓ.ም አዲስ አበባ ሸዋ እነ አባ መላከ ሰላም አበባው ማለደ እና ልጃቸው ደሳለኝ ማለደ 10 ሰዎች ጥቅምት 11 እና ጥቅምት 14/2015 ፍ/ቤት ቀርበው ዳኛ አልተሟላም በሚል ለጥቅምት 18/2015 መቀጠራቸው ይታወሳል። በቀደመ ቀጠሮአቸው መሰረት ጥቅምት 18/2015 የቀረቡት እነ አባ መላከ ሰላም አበባው ማለደ ለጥቅምት 25/2015 በድጋሜ ተለዋጭ ቀጠሮ እንደተሰጣቸው ታውቋል። በእነ አባ መላከ ሰላም አበባው ማለደ እና ደሳለኝ ማለደ በሁለቱ መዝገቦች:_ 1) አባ መላከ ሰላም አበባው ማለደ፣ 2) አቶ ደሳለኝ ማለደ፣ 3) መርጌታ ሀመልማል ጣሰው፣ 4) ውባለም እና ታረቀኝ የተባሉ ተከሳሾች ይገኙበታል። በፌደራል ከፍተኛ ፍ/ቤት ልደታ ምድብ ችሎት ከቀረቡት መካከልም የአባ መላከ ሰላም አበባው ማለደ ተማሪ ልጅ በ20 ሽህ ብር ዋስትና ጥቅምት 18/2015 ከእስር መፈታቱ ታውቋል። ከዘንዶ አስራ በዓታ ለማርያም ቤተ ክርስቲያን ጋር በተያያዘ ከታሰሩት ከ42 ሰዎች መካከል 6 ጋዜጠኞችን ጨምሮ 11ዱ መስከረም 27/2015 በዋስ እንዲሁም 21 ካህናት እና ጸበልተኞች ጥቅምት 8/2015 በነጻ በድምሩ 32 ተጠርጣሪዎች መፈታታቸውን አሚማ መዘገቡ ይታወሳል። በአዲስ አበባ ቦሌ አራብሳ አካባቢ የሚገኘው የዘንዶ አስራ በዓታ ለማርያም ቤተ ክርስቲያን በርካታ የዋሻ ፍልፍል አቢያተ ክርስቲያናት እና ብዙ ህመምተኞች የተፈወሱበት ጸበል ያለበት ስለመሆኑ አባቶች ይናገራሉ።

Source: Link to the Post

Leave a Reply