በቦሌ ክ/ከተማ በመኖሪያ ቤት እና በንግድ ሱቅ ላይ በደረሰ የመኪና አደጋ የ10 ዓመት ህፃን ህይወት ሲያልፍ በሁለት ሰዎች ላይ የአካል ጉዳት መድረሱን የአዲስ አበባ ፖሊስ ኮሚሽን ገለፀ።…

በቦሌ ክ/ከተማ በመኖሪያ ቤት እና በንግድ ሱቅ ላይ በደረሰ የመኪና አደጋ የ10 ዓመት ህፃን ህይወት ሲያልፍ በሁለት ሰዎች ላይ የአካል ጉዳት መድረሱን የአዲስ አበባ ፖሊስ ኮሚሽን ገለፀ። አማራ ሚዲያ ማዕከል/አሚማ ጥቅምት 13 ቀን 2013 ዓ.ም አዲስ አበባ ሸዋ አደጋው የተከሰተው መስከረም 12 ቀን 2013 ዓ.ም ከቀኑ 5፡00 ሰዓት ገደማ በቦሌ ክ/ከተማ ወረዳ 12 በልዩ ስሙ ሪፌንቲ ተብሎ በሚጠራው አካባቢ ነው፡፡ በአዲስ አበባ ፖሊስ ኮሚሽን የቦሌ ክፍለ ከተማ ፖሊስ መምሪያ የወንጀልና ትራፊክ አደጋ መርማሪ ምክትል ሳጅን ታምራት መስፍን እንዳስረዱት በሰሌዳ ቁጥር ኮድ 3 -61312 ኢ.ት የሆነ ሲኖትራክ ተሽከርካሪ የመንገድ ጠርዝ ስቶ አንድ ላይ ተያይዘው የሚገኙ የመኖሪያ ቤት እና የንግድ ሱቅ ጥሶ በመግባት ባደረሰው አደጋ ወደ ሱቁ ተልኮ የመጣ አንድ የ10 ዓመት ህፃን ልጅ ህይወት ሲያልፍ በሁለት ግለሰቦች ላይ ከባድና ቀላል የአካል ጉዳት እንዲሁም ከፍተኛ የንብረት ውድመት ተከስቷል፡፡ በአደጋው የንብረት መውደም ጉዳት የደረሰባቸው አቶ ሰቦቃ ለታ እና ወ/ሮ ሰሚራ ሰይድ አደጋውን በተመለከተ ከዝግጅት ክፍላችን ጋር ባደረጉት ቆይታ ባልታሰበ ሁኔታ ድንገት ባጋጠመ የመንገድ ላይ የትራፊክ አደጋ በሰው ህይወትና አካል ላይ የደረሰው ጉዳት አስከፊ መሆኑን ገልፀው ሌሎች ህፃናትን ይዘን ባንሸሽ ጉዳቱ እጅግ የከፋ ሊሆን ይችል ነበር ብለዋል፡፡ በሰው ህይወትና በንብረት ላይ የሚደርሰውን አደጋ ለመቀነስ አሽከርካሪዎች በሀላፊነት ስሜት ሊያሽከረክሩ እንደሚገባ ምክትል ሳጅን ታምራት መስፍን መልዕክታቸውን አስተላልፈዋል ሲል የአዲስ አበባ ፖሊስ ኮሚሽን በይፋዊ የማህበራዊ ትስስር ገጹ አስታውቋል።

Source: Link to the Post

Leave a Reply