በትራፊክ መብራቶች  እና በመስቀለኛ መንገዶች ላይ የሚከናወኑ ህገ-ወጥ ንግድ እና የልመና ተግባራት ላይ በተሰማሩ ግለሰቦችና ገንዘብ በሚሰጡና በሚገበያዩ አሽከርካሪዎች ላይ በህጉ መሠረት ጠን…

በትራፊክ መብራቶች  እና በመስቀለኛ መንገዶች ላይ የሚከናወኑ ህገ-ወጥ ንግድ እና የልመና ተግባራት ላይ በተሰማሩ ግለሰቦችና ገንዘብ በሚሰጡና በሚገበያዩ አሽከርካሪዎች ላይ በህጉ መሠረት ጠንካራ እርምጃ እንደሚወስድ የአዲስ አበባ ፖሊስ ገለፀ፡፡

በልመና ለተሰማሩ ሰዎች ገንዘብ የሚሰጡ እና ግብይት የሚፈፅሙ ከድርጊታቸው እንዲቆጠቡም አስታውቋል

በሚኒስትሮች ምክርቤት የወጣው የትራንስፖርት መቆጣጠሪያ ደንብ ቁጥር 395/2009 በትራፊክ መብራት ላይ ወይም በመስቀለኛ መንገድ ላይ በልመና ተግባር ለተሰማሩ ሰዎች ገንዘብ የሰጠ ወይም ግብይት የፈፀመ አሽከርካሪ ቅጣት እንደሚጣልበት ይደነግጋል፡፡ ይሁን እንጂ የአሽከርካሪዎች ደንብ አክባሪ አለመሆን በእነዚህ መንገዶች ላይ የሚከናወኑ ህገ-ወጥ ንግድ እና የልመና ተግባራት እንዲስፋፉ ምክንያት ሆኗል፡፡

የትራፊክ ደንቡ አለመከበር ለትራፊክ አደጋ መጨመር እና ጤናማ የትራፊክ ፍሰት እንዳይኖር እንቅፋት ከመፍጠሩ ባሻገር በተለይም የትራፊክ መብራቶች ባሉባቸው ጎዳናዎች የተለያዩ የወንጀል ድርጊቶች የሚፈፀምባቸው ቦታዎች እየሆኑ መምጣታቸውን የአዲስ አበባ ፖሊስ ገልጿል፡፡

የአዲስ አበባ ፖሊስ የትራፊክ ቁጥጥር መምሪያ ሃላፊ ረዳት ኮሚሽነር ሸዋይርጋ ግዛው እንዳሉት ትራፊክ ፖሊሶች በቁጥጥር እና በማስተናበር ስራ ላይ በሚያተኩሩበት ወቅት በትራፊክ መብራት እና በመስቀለኛ መንገድ ላይ በልመና እና በህገ ወጥ ንግድ ላይ የተሰማሩ ሰዎች መሃል መንገድ ድረስ በመግባት ለትራፊክ ፍሰቱ እንቅፋት እየሆኑ እና ራሳቸውን ለአደጋ እያጋለጡ ይገኛሉ፡፡ እስካሁን ባለው ሁኔታ ለእነዚህ ሰዎች ገንዘብ በሚሰጡ እና ግብይት በሚፈፅሙ አሽከርካሪዎች ላይ የሚደረገው ቁጥጥር እና የሚወሰደው እርምጃ አጥጋቢ ነው ባይባልም የችግሩን መስፋት እና መልኩን መቀየሩን ተከትሎ በቀጣይ ጥብቅ ቁጥጥር እንደሚደረግ   ረዳት ኮሚሽነር ሸዋይርጋ ግዛው አስረድተዋል፡፡

ስለሆነም ህብረተሰቡ በተለይም አሽከርካሪዎች በትራፊክ መብራት ላይ የሚደረግ ልመና እና ህገ ወጥ ንግድ ለአደጋ አጋላጭ መሆኑን ተገንዘበው ተገቢውን ጥንቃቄ ሊያደርጉ እንደሚገባ እና ባለድርሻ አካለትም በትራፊክ መብራት አካባቢ የሚስተዋሉ ህገ-ወጥ ተግባራትን ለመቆጣጠር በሚደረገው እንቅስቃሴ ህጋዊ ኃላፊነታቸው እንዲወጡ የአዲስ አበባ ፖሊስ መልዕክቱን አስተላልፏል፡፡

ታህሳስ 26 ቀን 2015 ዓ.ም

ውድ አድማጮቻችን እና ተከታዮቻችን የኢትዮ ኤፍ ኤም ወቅታዊ አዳዲስ መረጃዎችና ፕሮግራሞችን ለማግኘት ከታች ያሉትን ገፆቻንን ይጎብኙ ቤተሰብ ይሁኑ ።

Telegram https://t.me/ethiofm107dot8

Twitter https://twitter.com/EthioFM

YouTube https://www.youtube.com/…/UCn4D20GPsAtNqN5bIC1BhFA/videos

Facebook https://www.facebook.com/onelovebroadcast

Website https://ethiofm107.com/

ያሎትን አስተያየት እና ጥያቄ በአጭር መልዕክት 6321 ላይ ይላኩልን።

ከኛ ጋር ስለሆናችሁ ከልብ እናመሰግናለን።

Source: Link to the Post

Leave a Reply