You are currently viewing “በትግል ወቅት በተጋጣሚህ እቅድ እና ስትራቴጂ እየተመራህ ማሸነፍ በፍፁም የሚቻል አይደለም።”  አቶ ጋሻው መርሻ የአብን አመራር! አማራ ሚዲያ ማዕከል/አሚማ…  ጥቅምት 9 ቀን 2014 ዓ…

“በትግል ወቅት በተጋጣሚህ እቅድ እና ስትራቴጂ እየተመራህ ማሸነፍ በፍፁም የሚቻል አይደለም።” አቶ ጋሻው መርሻ የአብን አመራር! አማራ ሚዲያ ማዕከል/አሚማ… ጥቅምት 9 ቀን 2014 ዓ…

“በትግል ወቅት በተጋጣሚህ እቅድ እና ስትራቴጂ እየተመራህ ማሸነፍ በፍፁም የሚቻል አይደለም።” አቶ ጋሻው መርሻ የአብን አመራር! አማራ ሚዲያ ማዕከል/አሚማ… ጥቅምት 9 ቀን 2014 ዓ. ም አዲስ አበባ ሸዋ የአማራ ብሄራዊ ንቅናቄ የአብን አመራር አቶ ጋሻው መርሻ በወቅታዊ ጉዳይ የሚከተለውን መልዕክት በይፋዊ የማህበራዊ ትስስር ገጻቸው አስፍረዋል:_ ወያኔን በአንድ ሳምንት ከአማራ ክልል ጠራርጎ ማባረር ይቻል ነበር። ይህ እንዲሆን ለማድረግ ግን የራስን እቅድ አቅዶ መንቀሳቀስ ያስፈልጋል። ወያኔ እስካሁን በህይዎት የኖረው ትግሉ በወያኔ እቅድ እና ምርጫ እየተካሄደ ስለሆነ ነው። በትግል ወቅት በተጋጣሚህ እቅድ እና ስትራቴጂ እየተመራህ ማሸነፍ በፍፁም የሚቻል አይደለም። በመጀመሪያ ደረጃ የጠላትህን አቅም እና የራስህን አቅም በሚገባ ትገመግማለህ። ጠላቴ ምን ጥንካሬ አለው? ምንስ ድክመት አለበት? እኔ ጋ ያለው ድክመት እና ጥንካሬ ምንድን ነው? ብሎ በሚገባ መገምገም ያሻል። እንኳን ጦርነትን ያክል ግዙፍ ኪሳራ የሚያደርስ ነገር ቀርቶ አነስተኛ ቢዝነስ እንኳን ሲጀመር የአዋጭነት ጥናት ይነደፋል። የጠላትህን ድክመት በሚገባ ካጠናህ በኋላ ድክመቱን በደንብ ለማስፋት መስራት፣ የጠላትህን ጥንካሬም እንዲሁ ከለየህ በኋላ የጠላት ጥንካሬ የቆመበትን አምድ መነቅነቅ ይገባል። የራስህን ጥንካሬ ማጎልበት እና ድክመትህን በተቻለ መጠን መጠገን፣ ድክመትህን በፍጥነት መጠገን ካልቻልክ ደግሞ ጊዜ ለመግዛት ጠላት ደካማ ጎንህን እንዳያውቅብህ መረጃ ማሳጣት ይገባል። ይኸ ጦርነት እነዚህ ነገሮች በሚገባ ተተንትነው የሚካሄድ ጦርነት ነው ለማለት ይከብደኛል። በቅርብ እንዳየሁት ብዙ ክፍተቶች አሉ። ቢሻሻሉ ያልናቸውን ድክመቶች ከስር ከስር ለሚመለከተው አካል ያለመታከት ስናደርስ ኖረናል። ለውጥ ያመጡም ያላመጡን አሉ። ከመወቃቀስ ይልቅ የአቅምን ማድረግ ይሻላል በሚል ነው ጥርሳችን ነክሰን ለመሯሯጥ የሞከርነው። የውጊያውን ቀን፣ ቦታ እና ሰዓት ወያኔ እየመረጠልን ታግለን ማሸነፍ አንችልም። ሌላው ቀርቶ ፕሮፖጋንዳችን እንኳን የወያኔን ፕሮፖጋንዳ ተከትሎ የማክሸፍ እና የማሾፍ አይነት እንጅ በራሳችን የሰራነው እዚህ ግባ የሚባል ፕሮፖጋንዳ የለም። እነሱ ሲጮሁ እኛም እንጮሃለን። እነሱ ሲያለቅሱ (ሆነ ብለው ሊሆን ይችላል) እኛ እናላግጣለን እንጅ የፕሮፖጋንዳ የቤት ሥራ በመስጠቱ ሂደት ላይ እዚህ ግባ የሚባል ነገር የለም። የራሳችን እቅድ ማውጣት፣ በተለያዬ ግንባሮች ውጊያ መክፈት፣ ከውስጥም ከውጭም እሳት መለኮስ ያስፈልጋል። ወያኔ ሲገፋን ለመመከት በምናደርገው ትግል ብናሸንፍ እንኳን ብዙ ኪሳራ ማስተናገዳችን አይቀሬ ነው። ከዚያ ይልቅ የራሳችን የውጊያ ግንባሮች መፍጠር፣ የወያኔን ስስ ብልት አይቶ መምታት፣ በራስ እቅድ መመራት መጀመር አለብን። በራስህ እቅድ ስትመራ ጠላት ይደናበራል፣ የእዝ ሰንሰለቱ ይበጣጠሳል፣ መንገድ እንደጠፋበት ጉንዳን ዞሮ እጅህ ላይ ሊገባ ይችላል። በጠላት እቅድ ከተመራህ ደግሞ ተቃራኒው እውን ይሆናል። ጠቅለል ሲደረግ ጦርነቱን ለማሸነፍ የራሳችን እቅድ ይኑረን ለማለት ነው..!

Source: Link to the Post

Leave a Reply