You are currently viewing “በንጹሃን ደም እጁን ያጨማለቀው አቢይ መራሹ የብልጽግና መንግስት ሀገር ለመምራት የሚያስችለውን ሞራል ሙሉ በሙሉ ተነጥቋል።” በአውሮፓ የኢትዮጵያዊያን ማሕበር  አማራ ሚዲያ ማዕከል/አሚማ…..

“በንጹሃን ደም እጁን ያጨማለቀው አቢይ መራሹ የብልጽግና መንግስት ሀገር ለመምራት የሚያስችለውን ሞራል ሙሉ በሙሉ ተነጥቋል።” በአውሮፓ የኢትዮጵያዊያን ማሕበር አማራ ሚዲያ ማዕከል/አሚማ…..

“በንጹሃን ደም እጁን ያጨማለቀው አቢይ መራሹ የብልጽግና መንግስት ሀገር ለመምራት የሚያስችለውን ሞራል ሙሉ በሙሉ ተነጥቋል።” በአውሮፓ የኢትዮጵያዊያን ማሕበር አማራ ሚዲያ ማዕከል/አሚማ… ሰኔ 26 ቀን 2014 ዓ.ም አዲስ አበባ ሸዋ በአውሮፓ የኢትዮጵያዊያን ማሕበር ከጀርመን ፍራንክፈርት በወቅታዊ ሀገራዊ ጉዳይ የሰጠው ሙሉ መግለጫ:_ በንጹሃን ደም እጁን ያጨማለቀው አቢይ መራሹ የብልጽግና መንግስት ሀገር ለመምራት የሚያስችለውን ሞራል ሙሉ በሙሉ ተነጥቋል። ስለዚህም በትረስልጣኑን በአስቸኳይ እንዲያስረክብ በአውሮፓ የኢትዮጲያዊያን ማሕበር በአጽንኦት ይጠይቃል። በአውሮፓ የኢትዮጵያዊያን ማሕበር በኢትዮጲያ ኦሮሚያ ክልል ወለጋ ዞን ግምቢ ቶሌ ቀበሌ በሚኖሩ የነገደ አማራ ተወላጆች ላይ የተፈጸመውን አሰቃቂ ጭፍጨፋን እጅግ በብርቱ ሀዘን እና ቁጭት ተረድቷል። በጭፍጨፋው እስካሁን ባለን መረጃ መሰረት ከ2 ሺህ በላይ አማራዊያን አስከሬን መሰብሰብ የተቻለ መሆኑን እና በአጠቃላይ ከ3 ሺህ በላይ አማራዊያን የጭፍጨፋው ሰለባ መሆናቸውን እጅግ እያመመን ማወቅ የቻልነው ሀቅ ነው። በጭፍጭፋው ምክንያትም ከ40 በላይ ታዳጊ ህጻናት እናትና አባቶቻቸውን ተነጥቀው አሳዳጊ ፍለጋ በሆስፒታል ተጠልለው እንዳሉ ውስጣችንን በሚያሳምም ሁኔታ ለማወቅ ችለናል። የቶሌ ቀበሌ ጭፍጨፋ በአይነቱ የመጀመሪያ እንዳልሆነ ሁሉ የመጨረሻውም ይሆናለ ብለን አናምንም። ከዚያው ከወለጋ ሳንወጣ በምስራቅ ወለጋ ዞን በሆሮ ጉድሩ ፤በጉሊሶና በኪረሙ ቀበሌዎችና ወረዳዎች በተፈጸሙ ተከታታይ ጭፍጨፋዎች በሺህ የሚቆጠሩ የነገደ አማራ ተወላጆች መጨፍጨፋቸውን እና ይህንንም ጭፍጨፋ ተከትሎ በስልጣን ላይ ያለው አቢይ አህመድ መራሹ የብልጽግና መንግስት አንዳችም እርምጃ ያልወሰደና እስከ ዛሬዋ እለት ድረስም አንድንም ሰው በተጠያቂነት ይዞ ለፍርድ ሲያቀርብ ያላየንበት የጭፍጨፋ ዘመቻ በመሆኑ መንግስት እንደ መንግስትነቱ ኃላፊነቱን እንዳልተወጣና ይባስ ብሎ ኃላፊነቱን ለመወጣት ፈቃደኝነቱ Political Will እንደሌለው አረጋግጦልናል። መንግስት በነገደ አማራ ተወላጆች ላይ የተከፈተውን የማንነት ተኮር ጭፍጨፋን ለማስቆም ፈቃደኝነት Political Will የሌለው ብቻ ሳይሆን የጭፍጨፋው ዋና ቀያሽ ፈጻሚና አስፈጻሚ ሆኖ የአማራ ተወላጆችን በመጨፍጨፍና በማስጨፍጭፍ ተግባር ላይ የተሰማራም ኃይል ሆኖ የተገኘ በመሆኑ የመንግስትን ቅቡልነት ብቻ ሳይሆን የመንግስትን አምባገነን ሆኖ እንኴን ሀገር የመምራትን ሞራላዊ ብቃት ሙሉ በሙሉ ያጣ ሆኖ እንድናየው አድርጎናል። በአውሮፓ የኢትዮጲያዊያን ማሕበር በወቅታዊው የሀገራችን ጉዳይ ላይ ያደረጉት ውይይትና ያስተላለፈት ውሳኔ፦ በምእራብ ወለጋ በግምቢ ቶሌ ቀበሌ በሺህ የተቆጠሩ የአማራ ተወላጆች መጨፍጨፍ በኋላ ማሕበራችን ባለፈው ቅዳሜ ጁን 25 ቀን 2022 ከአምስት ሰዓት በላይ የፈጀ ውይይት አድርጓል። የውይይቱ ተሳታፊዎች በሙሉ ማለት በሚያስችል መልኩ በወለጋ የተፈጸመውን አማራ ተኮር ጭፍጨፋን በጽኑ አውግዘው መንግስት እንደመንግስትነቱ የዜጎችን ደህንነት መጠበቅ ያልቻለ – ከፍም ሲል በንጹሃን ዜጎች ላይ በነገዳቸው የአማራ ብሔር ተወላጅ በሆኑት ላይ ሆን ብሎ የጭፍጨፋ ዘመቻ ከፍቷል ብሎ ከመግባባት ላይ ደርሷል። ተወያዮቹ በጭፍጨፋው ላይ ይህንን አቋም ከመያዛቸውም በላይ በአጠቃላይ በሀገራችን ጉዳይ ላይ የሚከተለውን አቋም በመያዝ ለመላው የኢትዮጲያ ሕዝብና ብሎም ለተቀረው ዓለም አቋማቸውን ለማሳወቅ ወስነዋል። በዚህም መሰረት:_ 1ኛ – በነገደ አማራ ተወላጆች ላይ እየተፈጸመ ያለውን መንግስታዊ ጭፍጨፋን በተመለከተ፦ በአውሮፓ የኢትዮጲያዊያን ማሕበር በወለጋ ግምቢ ቶሌ ቀበሌ በሚኖሩ የአማራ ተወላጆች ላይ የተፈጸመውን ጭፍጨፋ በጽኑ ያወግዛል። የጭፍጨፋው ተጠያቂም ቁጥር አንድ መንግስታዊ መዋቅሩን የተቆጣጠረውና የዜጎችን ደህንነት የመጠበቅ ግዴታ ያለበት የብልጽግና መንግስት ኋላፊነቱን ባለመወጣትና ኋላፊነቱን ለመወጣትም ፈቃደኛ ባለመሆን ሀገር የመምራቱን ሞራል የተገፈፈ ስለሆነ በአስቸኳይ ስልጣኑን ለሕዝብ እንዲያስረክብ በአውሮፓ የኢትዮጵያዊያን ማሕበር በጽኑ ይጠይቃል!!! 2ኛ- ሀገራችንን ከጨፍጫፊ ኃይሎች እጅ ለማላቀቅ በአውሮፓ የኢትዮጲያዊያን ማሕበር የሚከተለውን ውሳኔ አስተላልፏል፦ 2.1 መላው በዲያስፖራ የሚኖረው ኢትዮጲያዊ የስርዓቱ የውጭ ምንዛሬ የጀርባ አጥንት የሆነውን ገንዘብ ወደ ሀገር ቤት ከመላክ እንዲታቀብ ጥሪ እናስተላልፋለን። 2.2 መላው በዳያስፖራ የሚኖር ኢትዮጲያዊ አማራ ሆነ አልሆነ -ኢትዮጲያዊ እስከሆነ ድረስ የአማራዊያኑን የህልውና ትግል ሙሉ በሙሉ በመደገፍ የፋኖን አደረጃጀት በገንዘብ፣በሀሳብ፣በሎጀስቲክስ፣በመረጃና በዲፕሎማሲ እንዲደግፍ ጥሪ እናቀርባለን። 2.3 በዳያስፖራ የሚኖረው መላው ኢትዮጲያዊ በሙሉ እጃቸውን በንጽኋን ደም ያጨማለቁትን የዚህን ስርዓት ቁንጮዎችን በዓለም አቀፉ ፍርድ ቤት ክስ በመከፈት ለፍርድ እንዲያቀርብ ጥሪ እያቀረብን በእኛ በኩል ሙሉ በሙሉ ለመተባበር ቃል የገባን መሆናችንን በይፋ ለማሳወቅ እንወዳለን!! 3ኛ- በሀገር ውስጥ ላለው ሰፊው የኢትዮጲያ ሕዝብና በተለይም የጭፍጨፋው ኢላማ ለሆንከው የአማራ ሕዝብ የተላለፈ መልእክት:_ 3.1 በሀገር ውስጥ ያለህው መላው የኢትዮጲያ ሕዝብ ከወገንህ የአማራ ሕዝብ ጎን ተሰልፈህ ይህንን ዘረኛ ተረኛና ደም አፍሳሽ የሆነውን የብልጽግናን ስርዓት እንድትታገል ጥሪያችንን እናቀርባለን። 3.2 በሀገር ውስጥ ያለህው መላው የነገደ አማራ ተወላጆች በሙሉ ከልጆችህ ከፋኖዎች ጋር ሆነህ ይህንን ሰው በላ ስርዓትን እንድትታገል ጥሪያችንን እናቀርባለን!!! 3.3 ለሀገር መከላከያ ሰራዊት የምናስተላለፈው መልእክት አንተ የሀገራችንን ዳር ድንበር የምትጠብቅ የሕዝብ ሰራዊት ነህ እንጂ የዘመን አመጣሹ ገዢው ስርዓት አገልጋይና ጠባቂ አለመሆንህን አውቀህ- የመንግስት መምጣትና የመሄድን ለውጥ ስናይ የሀገር እና የሕዝብ አይቀሬነትን ተረድተህ እራስህን የስርዓቱ አገልጋይ ባሪያ ሳይሆን የሕዝብና የሀገር አገልጋይ ኋይል በማድረግ ከሕዝብ ጋር እንድትውግንና ከታሪክ ተጠያቂነት አራስህን እንድታድን አጥብቀን እንጠይቃለን። 3.4 ለኢትዮጲያዊያን ምሁራን ኤሊቱ ክፍል፣ የሃይማኖት መሪዎችና በህብረተሰባችን ውስጥ ተጽእኖ ፈጣሪ ለሆናችሁ በሙሉ በአውሮፓ የኢትዮጲያዊያን ማሕበር ሚናችሁን ከጨፍ ፈውና አስጨፍጭፈው ገዢው የብልጽግና ፓርቲ ጋር ሳይሆን ከሰፈው ሕዝብ ጋር በማድረግ ይህንን ሰው በላን ስርዓት አምርራችሁ እንድትታገሉ አበክረን እንጠይቃለን። ለአቢይ መራሹ የብልጽግና መንግስት የተላለፈ መልዕክት:_ 1ኛ – የብልጽግና መንግስት በአማራ ክልል የከፈተውን ዘመቻ ያለአንዳች ቅድመ ሁኔታ በአስቸኳይ እንዲያቆም፣ 2ኛ – አቢይ መራሹ የብልጽግና መንግስት በግፍ ያሰራቸውን እና ያፈናቸውን ፖለቲከኞች፣ ጋዜጠኞች፣የማህበረሰብ አንቂዎችና ልዩ ልዩ የህብረተሰብ ክፍሎችን ያለአንዳች ቅድመ ሁኔታ በአስቸኳይ እንዲፈታ፣ 3ኛ – አቢይ መራሹ የብልጽግና መንግስት ከአሸባሪው ትህነግ ጋር እያደረገ ላለው ድርድር አማራን የሚወክሉ በራሱ በአማራው የተመረጡ ተወካዮች እስካልተሳተፉና ዛሬ በእነ ደመቀ ሞኮንን ተመስገን ጥሩነህ ተወካይነት የሚደረገውን ድርድር የአማራን ሕዝብ ፍላጎት የማይወክል ስለሆነ በድርድሩ ለሚተላለፍ ማንኛውም አይነት ስምምነትም ይሁን አለመስማማት የአማራን ሕዝብ የማይወክል በመሆኑ የማንቀበለው መሆኑን ለመንግስት ለማሳወቅ እንወዳለን፡፡ መደምደሚያ:_ በኢትዮጲያ ውስጥ ለሚፈጸም የአንድ ሰው በግፍ መገደል ሙሉ በሙሉ ተጠያቂው የዜጎችን ደህንነት የመጠበቅ ግዴታ ያለበት መንግስት ነው። ስለሆነም ይህ አቢይ መራሹ የኦህዴድ ብልጽግና ወደ ስልጣን ከመጣበት ሚያዚያ 24 ቀን 2018 ጀምሮ በኢትዮጲያ በግፍ ለተጨፈጨፉ ንጹሃን ነፍሶች ሙሉ በሙሉ ተጠያቂው የብልጽግና መራሹ መንግስት ነው ብሎ ማሕበራችን ያምናል። አንድ መንግስት ኃላፊነቱን እና ግዴታውን መወጣት ያለመፈለግና ያለመቻልም አልፎ መንግስት ባዘጋጃቸው ዘርፈ ብዙ ኢ መደበኛ ታጣቂ ሰራዊት መጠነ ሰፊ የጭፍጨፋ ዘመቻን እያጧጧፈ ያለ ኃይል ሆኖ በመገኘቱ በአስቸኳይ ከስልጣን ይውረድ ብለን ስንጠይቅ ይህንን ጥያቄያችንንም እውን ከማድረግ አንጻር ከማንኛውም ኢትዮጲያዊ ኃይል ጋር በጋራ ሆነን ለመታገል ጽኑ አቁም በመያዝ ነው። የንጹሃንን ጭፍጨፋ ማስቆም የሚቻለው ጨፍጫፊውን ኋይል ለፍርድ በማቅረብ ብቻ ነው !! ከአቢይ መራሹ የብልጽግና መንግስት የሕዝባችን መጨፍጨፍን እንጂ የሕዝባችን ከጨፍጫፊዎች መጠበቅን ስላላየን መፍትሔ ስጠን ብለን የምንጠይቀው አንዳችም ነገር የለም። እኛ ከተባበርን ግፈኞችን ጨፍጫፌዎችን እና አስጨፍጫፊዎችን ማንበርከክ ይቻለናል፤ ለዚህ ደግሞ ሁላችንም በያለንበት ለፍትህ ለእኩልነት ለሰላምና ለአንድነት በጽናት እንታገል!!! በአውሮፓ የኢትዮጵያዊያን ማሕበር በጀርመን ፍራንክፈርት!!

Source: Link to the Post

Leave a Reply