በአማራ እና ኦሮሚያ ክልሎች ከ130 በላይ ንጹሃን ሰዎች መገደላቸውን ኢሰመኮ ገለጸኢሰመኮ “ከህግ ውጭ ግድያ፣ የሲቪል ሰዎች ሞት፣ዘረፋ፣ የጅምላ እና የታረዘሙ እስራቶች፣ አስገድዶ መድፈር፣…

በአማራ እና ኦሮሚያ ክልሎች ከ130 በላይ ንጹሃን ሰዎች መገደላቸውን ኢሰመኮ ገለጸ

ኢሰመኮ “ከህግ ውጭ ግድያ፣ የሲቪል ሰዎች ሞት፣ዘረፋ፣ የጅምላ እና የታረዘሙ እስራቶች፣ አስገድዶ መድፈር፣ እገታ” ተባብሰው ቀጥለዋል ብሏል

በአማራ እና ኦሮሚያ ክልሎች ከ130 በላይ ንጹሃን ሰዎች መገደላቸውን የኢትዮጵያ ሰብአዊ መብት ኮሚሽን(ኢሰመኮ) ዛሬ ባወጣው ሪፖርት ገለጸ።

ኢሰመኮ እንደገለጸው የትጥቅ ግጭት ባለባቸው በአማራ እና ኦሮሚያ ክልሎች እንዳሁም ከግጭት አውድ ውጭ በሌሎች የሀገሪቱ አካባቢዎች የሰብአዊ መብት ጥሰቶች ተባብሰዋል።

መረጃዎችን እና ማስረጃዎችን ለመሰበሰብ የተለያዩ አካላትን ማነጋገሩን የገለጸው ኢሰመኮ “ከሕግ ውጭ ግድያ፣ የሲቪል ሰዎች ሞት፣ የአካል ጉዳት፣ የንብረት ውድመትና ዘረፋ፣ የዘፈቀደ፣ የጅምላና የተራዘመ እስራትና የተፋጠነ ፍትሕ እጦት፣ አስገድዶ መሰወር፣ እገታ፣ እና የሀገር ውስጥ መፈናቀል” እጅግ አሳሳቢ ከሚባሉት የሰብከዊ ጥሰቶች ውስጥ ቀዳሚዎቹ ናቸው ብሏል።

በዚህ ሪፖርት ያካተታቸው የሰብአዊ መብት ጥሰቶች እጅግ አሳሳቢ የሆኑትን እና በምርመራ የደረሰባቸውን ብቻ ነው መሆኑን የገለጸው ኢሰመኮ በተለያዩ ምክንያቶች የዘገዩ ጉዳዮች መኖራቸውን ጠቅሷል።

ኢሰመኮ በአማራ ክልል ከየካቲት 15፣2016 እስከ ግንቦት 4፣2016 ዓ.ም በኦሮሚያ ክልል ደግሞ ከታህሳስ 15፣2016 ዓ.ም እስከ ሚያዝያ 8፣2016ዓ.ም ተፈጽመዋል ያላቸውን የግድያ እና የዝርፊያ ወንጀሎችን ዘርዝሯል።

ኢሰመኮ እንደገለጸው በተጠቀሰው ጊዜ ውስጥ በአማራ ክልል የተለያዩ ዞኖች በተፈጸሙ ጥቃቶች 28 ሰዎች ሲገደሉ በኦሮሚያ ክልል ደግሞ 103 ንጹሃን ሰዎች ተገድለዋል።

 የተጠቀሱት ድግግሞች ቢለያይም፣ በንጹሃን ላይ የሰብአዊ መብት ጥሰት በማድረስ የፌደራል “መንግሰት የጸጥታ ኃይሎች፣ “ሸኔ” እና “የአማረ ታጣቂዎች መሳተፋቸውን ገልጿል።

ኢሰመኮ በደቡብ ኢትዮጵያ ክልል፣ በሶማሌ፣ በሲዳማ፣ በአፋራ በማዕከላዊ ክልሎች የሰብአዊ መብት ጥሰቶች የሰብአዊ አስፊ የሚባሉ የሰብአዊ መብት ጥሰቶች እየተፈጸሙ መሆናቸውን በዚህ ሪፖርቱ ጠቅሷል።

በአማራ ክልል እና ኦሮሚያ ክልሎች በንጹሀን ላይ የሰብአዊ ጥሰቶች የሚፈጸሙት፣ የፌደራል መንግስት የጸጥታ ሀይሎች ከታጠቁ ኃይሎች ጋር ከሚያደርጉት ግጭት ጋር በተያያዘ ነው ብሏል ኢሰመኮ።

በአማራ ክልል፣ የፌደራል መንግስት የጸጥታ ኃይል ከባለው አመት ሚያዝያ ጀምሮ ከፋኖ ታጣቂዎች ጋር ግጭት ውስጥ ገብቷል፤ ግጭቱ አሁንም አልቆመም።

ኢትዮ ኤፍ ኤም 107.8 የኢትዮጵያዊያን

ግንቦት 20 ቀን 2016 ዓ.ም

Source: Link to the Post

Leave a Reply