You are currently viewing በአማራ ክልል ሁሉን ዓቀፍና አካታች የሆነ “ሴንተራል ኮማንድ ፖስት” እንዲቋቋም የአማራ ተማሪዎች ማህበር_አተማ ጠየቀ። አማራ ሚዲያ ማዕከል/አሚማ  ጥቅምት 8 ቀን 2014 ዓ. ም…

በአማራ ክልል ሁሉን ዓቀፍና አካታች የሆነ “ሴንተራል ኮማንድ ፖስት” እንዲቋቋም የአማራ ተማሪዎች ማህበር_አተማ ጠየቀ። አማራ ሚዲያ ማዕከል/አሚማ ጥቅምት 8 ቀን 2014 ዓ. ም…

በአማራ ክልል ሁሉን ዓቀፍና አካታች የሆነ “ሴንተራል ኮማንድ ፖስት” እንዲቋቋም የአማራ ተማሪዎች ማህበር_አተማ ጠየቀ። አማራ ሚዲያ ማዕከል/አሚማ ጥቅምት 8 ቀን 2014 ዓ. ም አዲስ አበባ ሸዋ የአማራ ተማሪዎች ማህበር (አተማ) ሕዝባችን የአማራ ሕዝብ የገጠመዉን ጥቁር ታሪክ በያንዳንዱ የአዉደ ዉጊያ ግንባር መረጃ ሲያሰባስብ እንዲሁም በህልዉና ዘመቻዉ ከማህበሩ ስራ አስፈፃሚዎች እስከ ማህበሩ አባል በሁለተናዊ ተጋድሎ የበኩሉን ጥረት ሲያደርግ መቆየቱን አውስቷል። በተጨማሪም ለሚመለከታቸዉ አካላት ሁሉ የአማራ ህዝብ በገጠመው የህልዉና አድጋ ዙሪያ ሃሳብ ሲያቀርብ እና ሲያጋራ ስለመቆየቱም ጠቅሷል። ማህበሩ እስካሁን እየሰበሰበ ባለዉ መረጃ መሰረት የሰሜን ምስራቁ የአማራ ህዝብ (ሰሜን ወሎ፣ዋግኸምራ ሙሉ ለሙሉ እንዲሁም ሰሜን ጎንደር ፣ደቡብ ወሎ በከፊል በጠላት ስር ወድቀዋል ብሏል። በግምት ከሁለት ሚሊዮን ሕዝብ በላይ ተፈናቅሎ እናቶች በጫካ ፣ህፃናት በበረሀ ቁር እና ሀሩር እየተፈራረቀባቸዉ እንደሚገኝ ከስድስት ሚሊዮን በላይ ህዝብ በጠላት እጅ ወድቆ የሰው ልጅ መሰረታዊ ፍላጎቶችና እንደ ገብያ ፣መብራት፣ዉሃ፣ህክምና ያሉ መሰረተ ልማቶች ተቆልፎበት በርሃብ እንዲሁም በበሽታ እየረገፈ ይገኛል ሲልም አክሏል። ይኽ ብቻም ሳይሆን ጠላት በደረሰበት ሁሉ በሕዝባችን ላይ ጅምላ ጭፍጨፋ ፈፅሟል፤ እየፈፀመም ይገኛል ያለው ሲል ገልጧል አተማ በወቅታዊ ጉዳይ ባወጣው መግለጫ። በመሆኑም ሀገራችንም እንደ ሀገር ክብሯ የአማራ ህዝብ እንደ ህዝብ ህልዉናዉን ለማስቀጥል እንዲሁም እጅግ በጣም ከከፋ ኪሳራ እና መጥፋት እንታደገዉ ዘንድ ማህበራችን የአማራ ተማሪዎች ማህበር (አተማ) በክልሉ ሁሉን ዓቀፍ እና አካታች የሆነ “ሴንተራል ኮማንድ ፖስት ” እንዲቋቋም ሲል ጠይቋል። የአማራ ህዝብ የገጠመዉን የህልዉና አደጋ ለመመከት ሁለተናዊ ዘመቻ ሲባል በክልሉ ከሚገኙ ተቋማት እስከመዝጋት ድረስ መስራት እንደሚያስፈልግ ጠቁሟል። የህልውና ፈተናው ከመርህ በላይ ነውና በዚህ ሳትገደቡ ለአባላቶቻችሁና ለደጋፊዎቻችሁ የክተት ጥሪ በማድረግ ወደ ግንባር እንዲቀላቀሉም ጥሪ አድርጓል። በመጠለያ ካምፕ ያለው ወጣት በአጭር ጊዜ ስልጠና ወስዶ ወደ ግንባር በመዝመት በወገናችን ላይ የተከፈተውን ሁሉን አቀፍ የዘር ጭፍጨፋ መመከት አለበት ሲል አሳስቧል። መደራጀት እና ሰልጥኖ መዝመት ሲገባው ለደካሞች እና ህፃናት የሚሆን ምጽዋት መጠበቅ ትተው በአጭር ጊዜ ወታደራዊ ስልጠና ወስዶ ወደ ግንባር መዝመት አለበት ብሏል። አተማ ለሚያቀርበዉ ሁለተናዊ የተጋድሎ ጥሪ አሁኑኑ ዝግጁ ሁኑ ሲል ለመላዉ የማህበሩ አመራሮች እና አባላት አሳስቧል። ማህበሩ ለሚያደረገዉ የህልውና ተጋድሎ ጥሪ ከሁሉም የማህበረሰብ ክፍል በውጭ ሀገራት ያሉትን ጨምሮ ከፋይናስ ድጋፍ እስከ ሁሉን ዓቀፍ የማተሪያል ድጋፍ እንዲያደርጉም ጠይቋል።

Source: Link to the Post

Leave a Reply