You are currently viewing በአማራ ክልል በውጭ ዕርዳታ ድርጅቶች ድጋፍ እየቀረበ አለመሆኑ ተገለጸ አማራ ሚዲያ ማዕከል/አሚማ     ህዳር 8 ቀን 2014 ዓ.ም         አዲስ አበባ ሸዋ የተባበሩት መንግሥታት ድርጅ…

በአማራ ክልል በውጭ ዕርዳታ ድርጅቶች ድጋፍ እየቀረበ አለመሆኑ ተገለጸ አማራ ሚዲያ ማዕከል/አሚማ ህዳር 8 ቀን 2014 ዓ.ም አዲስ አበባ ሸዋ የተባበሩት መንግሥታት ድርጅ…

በአማራ ክልል በውጭ ዕርዳታ ድርጅቶች ድጋፍ እየቀረበ አለመሆኑ ተገለጸ አማራ ሚዲያ ማዕከል/አሚማ ህዳር 8 ቀን 2014 ዓ.ም አዲስ አበባ ሸዋ የተባበሩት መንግሥታት ድርጅት (ተመድ) በጦርነት ለተጎዱ ወገኖች ሰብዓዊ ዕርዳታ ማቅረብ እጀምራለሁ ቢልም፣ እስካሁን የቀረበ ዕርዳታ አለመኖሩን የአማራ ክልል አስታወቀ፡፡ ከሰሜንና ደቡብ ወሎ እንዲሁም ከጎንደር አካባቢዎች በጦርነቱ የተፈናቀሉ ወገኖችን በዋናነት እየደገፉ ያሉት ማኅበረሰቡና መንግሥት መሆናቸውን፣ የክልሉ አደጋ መከላከል፣ ምግብ ዋስትናና ልዩ ድጋፍ ማስተባበሪያ ኮሚሽን ለሪፖርተር ገልጿል፡፡ የኮሚሽኑ ሕዝብ ግንኙነት ኃላፊ አቶ እያሱ መስፍን፣ ‹‹ከቃል ውጪ ያየነው የድጋፍና የአቅርቦት ሥራ የለም›› ብለዋል፡፡ የተባበሩት መንግሥታት ድርጅት የሰብዓዊ ረድኤት ማስተባበሪያ ጽሕፈት ቤትም (UNOCHA) ሆነ ሌሎች የውጭ ዕርዳታ ድርጅቶች፣ ዕርዳታ ለማቅረብ በተደጋጋሚ ቃል ቢገቡም፣ አንዳችም ያቀረቡት ድጋፍ አለመኖሩን አቶ እያሱ ተናግረዋል፡፡ ‹‹ወራሪው ኃይል በተቆጣጠራቸው አካባቢዎች ለሚገኙ ዜጎች በአፋጣኝ የሰብዓዊ ረድኤት እንዲያቀርቡ ከውጭ የዕርዳታ አቅራቢዎች ጋራ ተደጋጋሚ ምክክርና መግባባት ቢደረግም፣ ለወገናችን በተጨባጭ እየደረሰ ያለ ነገር እስካሁን የለም፤›› ብለዋል፡፡ ጦርነት በሌለባቸውና መንግሥት በሚቆጣጠራቸው አካባቢዎች በበጎ ፈቃደኛ የኅብረተሰብ ክፍሎች፣ እንዲሁም በየመጠለያው ላሉ ተፈናቃዮች በመንግሥት ድጋፍ እየተደረገ መሆኑን አቶ እያሱ ጠቁመዋል፡፡ ‹‹አሁንም ቢሆን እነዚህ የውጭ ዕርዳታ ተቋማት በገቡት ቃል መሠረት አድልኦ ሳያደርጉ በወራሪው ኃይል ሥር ባሉ አካባቢዎች ለሚገኘው ሕዝባችን መድኃኒትና ምግብ ያድርሱ፤›› ሲሉም ጥሪያቸውን አቅርበዋል፡፡ ሰኞ ኅዳር 6 ቀን 2014 ዓ.ም. የተባበሩት መንግሥታት ድርጅት የሰብዓዊ ዕርዳታ ማስተባበሪያ ጽሕፈት ቤት (UNOCHA) 40 ሚሊዮን ዶላር ዕርዳታ ማፅደቁን ማስታወቁ አይዘነጋም፡፡ ይህ የዕርዳታ በጀትም በትግራይ ክልል የሚደረገውን የዕርዳታ አቅርቦት ለማስቀጠል፣ እንዲሁም በአማራና በአፋር ክልሎች በግጭት ለተፈናቀሉ ወገኖች አስቸኳይ ድጋፍ ለማቅረብ እንደሚውል ተገልጿል፡፡ ይህንን መግለጫ እንደተከታተሉት የተናገሩት አቶ እያሱ ግን፣ እስካሁን የቀረበ ዕርዳታ አለመኖሩን በማስታወስ በቀጣይ ቀናት በሚኖረው የውጭ ተራድኦ እንቅስቃሴ ላይ የቅርብ ክትትል እንደሚደረግ አስታውቀዋል፡፡ ዘገባው የሪፖርተር ነው

Source: Link to the Post

Leave a Reply