You are currently viewing በአማራ ክልል የተለያዩ አከባቢዎች እየተፈፀመ ያለው አፈና እና እስር ተጠናክሮ መቀጠሉ ተገለፀ! ታሕሳስ 17 ቀን 2015 ዓ.ም አሻራ ሚዲያ ፣  በአማራ ክልል የተለያዩ አከባቢዎች ማህበረሰቡ…

በአማራ ክልል የተለያዩ አከባቢዎች እየተፈፀመ ያለው አፈና እና እስር ተጠናክሮ መቀጠሉ ተገለፀ! ታሕሳስ 17 ቀን 2015 ዓ.ም አሻራ ሚዲያ ፣ በአማራ ክልል የተለያዩ አከባቢዎች ማህበረሰቡ…

በአማራ ክልል የተለያዩ አከባቢዎች እየተፈፀመ ያለው አፈና እና እስር ተጠናክሮ መቀጠሉ ተገለፀ! ታሕሳስ 17 ቀን 2015 ዓ.ም አሻራ ሚዲያ ፣ በአማራ ክልል የተለያዩ አከባቢዎች ማህበረሰቡን ያነቃሉ በተባሉ ግለሰቦች ላይ እየተፈፀመ ያለው አፈና እና እስር ተጠናክሮ መቀጠሉን የአማራ ድምፅ ሚድያ የታሳሪ ቤተሰቦችን በማነጋገር ለማረጋገጥ ችሏል። ከሰሞኑ ብቻ እነ ፋኖ አበጀ ጥላሁን እና የአማራ ተማሪዎች ማህበር አመራሮችን ጨምሮ በምስራቅ ጎጃም ዞን እና በባህርዳር በርካታ ወጣቶች ለእስር የተዳረጉ ሲሆን ከፊሎቹ የታሰሩበት ጣቢያ ሲታወቅ ነገር ግን የሌሎቹ ታሳሪዎች አድራሻ እስካሁን አለመታወቁን የታሳሪ ቤተሰቦች ለአማራ ድምፅ ተናግረዋል። ለአብነትም በምስራቅ ጎጃም ዞን ሁለት እጁ እነሴ ወረዳ የሞጣ ቀራኒዮ ሁለተኛ ደረጃ ትምህርት ቤት መምህር የሆኑት ምህረት አያሌው እና ሌሎች መህራኖች እንዲሁም ወጣቶች ከታሳስ 05/2015 ዓ/ም ጀምሮ ያለ ምንም ፍትህ በእስር ላይ እንደሚገኙ ነው የአማራ ድምፅ ሚድያ የታሳሪ ቤተሰቦችን በማነጋገር ማረጋገጥ የቻለው። ከስራ ቦታ እና ከመኖሪያ ቤታቸው እንዳሉ ለጥያቄ ትፈለጋላችሁ በሚል በክልሉ ፀጥታ ኃይሎች ወደ ፖሊስ ጣቢያ ተወስደው የታሰሩ መምህራን እና ሌሎች ወጣቶች ከባድ ድብደባ እንደተፈፀመባቸው እና እስካሁን ህክምናም እንዳላገኙ ነው ቤተሰቦቻቸው የገለፁት። አንዳንዶቹም ከአከባቢያቸው እርቀው እንደታሰሩ እንዲሁም ቤተሰብ እና ጓደኛ እንዳይጠይቃቸው መደረጋቸው የተገለፀ ሲሆን ከዚህ አልፎ የታሰሩበት አድራሻ የጠፋ በርካታ ወጣቶች መኖራቸውም ተጠቁሟል። ሁለት እጁ እነሴ ወረዳን ጨምሮ በምስራቅ ጎጃም ዞን የተለያዩ አከባቢዎች ከታሰሩት ወጣቶች በተጨማሪ በርካታ ሰዎች ከወረዳው ፀጥታ አመራሮች ዛቻ እና ማስፈራሪያ እየደረሰባቸው እንደሆነ ለአማራ ድምፅ የገለፁ ሲሆን ይሄንንም ሽሽት አከባቢያቸውን ለቀው ለመውጣት መገደዳቸውን ተናግረዋል። በ ጌትነት አሻገር ዘገባው የአማራ ድምፅ ነው “ውድ የአሻራ ሚዲያ ቤተሰቦች የአሻራ ሚዲያ ቻናልን ላይክና ሰብስክራይብ በማድረግ ድጋፋችሁን ታሳዩን ዘንድ በአክብሮት እንጠይቃለን።” ለፈጣንና አዳዲስ መረጃዎች አሻራ ሚዲያ የአይበገሬዎቹ ልሳን:- // Youtube:- https://www.youtube.com/channel/UCPmgFzP2ZPmdGjHxXjigJaw // Facebook:- https://www.facebook.com/asharamedia24 // ቴሌግራም:- https://t.me/asharamedia24

Source: Link to the Post

Leave a Reply