You are currently viewing በአርበኞች የመታሰቢያ ቀን በዳንግላ ከተማ አንድ ተማሪ ድሽቃ በመሥራት የተሳካ ሙከራ ማድረጉ ተገለጸ። አማራ ሚዲያ ማዕከል/አሚማ  ሚያዝያ 27 ቀን 2014 ዓ.ም         አዲስ አበባ ሸ…

በአርበኞች የመታሰቢያ ቀን በዳንግላ ከተማ አንድ ተማሪ ድሽቃ በመሥራት የተሳካ ሙከራ ማድረጉ ተገለጸ። አማራ ሚዲያ ማዕከል/አሚማ ሚያዝያ 27 ቀን 2014 ዓ.ም አዲስ አበባ ሸ…

በአርበኞች የመታሰቢያ ቀን በዳንግላ ከተማ አንድ ተማሪ ድሽቃ በመሥራት የተሳካ ሙከራ ማድረጉ ተገለጸ። አማራ ሚዲያ ማዕከል/አሚማ ሚያዝያ 27 ቀን 2014 ዓ.ም አዲስ አበባ ሸዋ ተማሪ ሀብታሙ ጫኔ ይባላል። በዳንግላ ከተማ አስተዳደር 04 ቀበሌ ተወልዶ ያደገ እና በቢትወደድ መንገሻ ጀምበሬ አጠቃላይ ፪ኛ ደረጃ ት/ቤት የተፈጥሮ ሳይንስ ተማሪ የነበረ ሲሆን በ2013 ዓ.ም የ12ኛ ክፍል ሀገር አቀፍ ፈተና ወስዶ የዩኒቨርስቲ መግቢያ ውጤት በማምጣት ጎንደር ዩኒቨርሲቲ ተመድቧል። ተማሪ ሀብታሙ አሸባሪውና ወራሪው የትግራይ ቡድን በሀገራችን ላይ ጦርነቱን በጀመረበት ወቅት ተማሪ በመሆኑ በህልውና ዘመቻው በአካል መሣተፍ ባይችልም በሀገራችን ያለውን የጦር መሣሪያ እጥረት ግምት ውስጥ በማስገባትና የጠላት የበላይነት እንዳይኖር በማሰብ ከትምህርቱ ጎን ለጎን ስራውን እንደጀመረ ገልጿል። ተማሪ ሀብታሙ ዲሽቃውን ከወዳደቁ ቁሳቁሶችንና ከቤተሰቦቹ ገንዘብ በመጠየቅ የተለያዩ ብረቶችን በመግዛት እንደሰራው ይናገራል። መሣሪያውም ከ1.2 ኪሎሜትር እስከ 1.5 ኪሎሜትር ድረስ መምታት እንደሚችል ተናግሯል። የክልሉ መንግስት እውቅና እና የመስሪያ መሣሪያዎችን ቢያሟላለት በዘመናዊ መንገድ ለመስራት ማሰቡን ገልጿል። የሰሜን ምዕራብ ዕዝ አባል ሻምበል ሀብተማርያም ካሳሁን በሙከራው ወቅት አንድ ተማሪ ምንም ዓይነት የጦር መሣሪያ ሳይኖረው ዲሽቃ በመስራት ሰራዊት ባለበት መተኮሱን ገልፀው፤ እንደዚህ አይነት የጦር መሣሪያዎች ከሀገር ውጪ በግዥ የሚመጡ ስለሆኑ ተማሪውም ይህንን በመረዳት የሰራውን ስራ አድንቀዋል። የትምህርት ቤቱ ርዕሰ መምህር አቶ ስራሰው ያረጋል ት/ቤቱ ከመማር ማስተማር፣ ከክፍል ውስጥ ተማሪው ከመምህሩ ባለው መስተጋብር፣ በገፅታ ግንባታ፣ በማህበረሰብ ተሳትፎ፣ ዲጂታል ቤተመጻሕፍት በማስገንባትና በተለያዩ ተግባራት በዞኑ ውስጥ ከሚገኙ ፪ኛ ደረጃ ት/ቤቶች ውስጥ የመጀመሪያ ሞዴል መሆኑን ተናግረዋል ሲል የዳንግላ ከተማ አስተዳደር ኮሚዩኒኬሽን ዘግቧል።

Source: Link to the Post

Leave a Reply