You are currently viewing በአሶሳ ከተማ እና በባምባሲ ወረዳ የሚኖሩ ነዋሪዎች የስልክ አገልግሎት በመቋረጡ በአሸባሪው የሸኔ ቡድን እንጠቃለን በሚል ለከፍተኛ ስጋት መዳረጋቸውን ገልጸዋል፤ የባምባሲ ወረዳ አስተዳዳሪ አ…

በአሶሳ ከተማ እና በባምባሲ ወረዳ የሚኖሩ ነዋሪዎች የስልክ አገልግሎት በመቋረጡ በአሸባሪው የሸኔ ቡድን እንጠቃለን በሚል ለከፍተኛ ስጋት መዳረጋቸውን ገልጸዋል፤ የባምባሲ ወረዳ አስተዳዳሪ አ…

በአሶሳ ከተማ እና በባምባሲ ወረዳ የሚኖሩ ነዋሪዎች የስልክ አገልግሎት በመቋረጡ በአሸባሪው የሸኔ ቡድን እንጠቃለን በሚል ለከፍተኛ ስጋት መዳረጋቸውን ገልጸዋል፤ የባምባሲ ወረዳ አስተዳዳሪ አቶ ጃፋር በበኩላቸው የስልክ አገልግሎት አለመኖሩን በመጋራት ነገር ግን ከአጎራባች የኦሮሚያ ወረዳዎች ውጭ አካባቢው ሰላም ነው የሚል ምላሽ ሰጥተዋል። አማራ ሚዲያ ማዕከል/አሚማ ጥቅምት 27 ቀን 2015 ዓ.ም አዲስ አበባ ሸዋ በአሶሳ ከተማ እና በባምባሲ ወረዳ አማራ ሚዲያ ማዕከል (አሚማ) ያነጋገራቸው ነዋሪዎች እንደሚሉት ከጥቅምት 24/2015 ጀምሮ የስልክ አገልግሎት ባላወቁት ምክንያት በመቋረጡ በአሸባሪው የሸኔ ቡድን እንጠቃለን በሚል ለከፍተኛ ስጋት ተዳርገዋል። የባምባሲ ወረዳ አስተዳዳሪ አቶ ጃፋር በበኩላቸው ኔትወርኩ ባልታወቀ ምክንያት መቋረጡን በመጋራት ነገር ግን አካባቢው ሰላም ነው የሚል ምላሽ ሰጥተዋል። በአሶሳ፣ በባምባሲ እና አካባቢው ከጥቅምት 24/2015 ጀምሮ የኔትወርክ መቋረጥ ብዙዎችን እያሳሰበ ያለ ጉዳይ ስለመሆኑ ግልጽ ነው። በተለይም ከምዕራብ ወለጋ ዞን ባቦ ገምቤል ወረዳ በማንነታቸው ብቻ ከቀያቸው ተፈናቅለው በባምባሲ ወረዳ ብቻ የተጠለሉ ከ12 ሽህ በላይ አማራዎች በሽብር ቡድኑ እንዳይጠቁብን በሚል የተፈናቃይ ቤተሰቦች ለከፍተኛ ጭንቀት ተዳርገዋል። አማራ ሚዲያ ማዕከል (አሚማ) ያነጋገራቸው የባምባሲ ወረዳ አስተዳዳሪ አቶ ጃፋር በበኩላቸው አካባቢው ሰላም ነው፤ ለተፈናቃዮችም አስፈላጊው ጥበቃ ሁሉ እየተደረገላቸው ነው የሚል ምላሽ ሰጥተዋል። ይሁን እንጅ በምዕራብ ወለጋ ዞን መነሲቡ ወረዳ በመንዲ እና አካባቢው የገባው የኦነግ ሸኔ የሽብር ቡድን አሁንም በጦርነቱ እንደገፋበት መሆኑን አስታውቀዋል። አዋሳኝ የሆነውን የባምባሲ ወረዳ ከሚቃጣበት ጥቃት ለመከላከልም ለጸጥታ አካላት ስምሪት መሰጠቱን ተናግረዋል። በባምባሲ ወረዳ በመጠለያ ካምፕ የሚኖሩ በሽህ የሚቆጠሩ አማራዎች በበኩላቸው “በካባቢው በኦሮሚያ ድንበር በ2 ግንባሮች ጦርነት ስለተከፈተብን፣ ኔትወርክ ተዘግቶብናልና ለመንግስት ድምጻችን አሰሙልን!” የሚል መልዕክታቸውን በተደጋጋሚ እያደረሱን ይገኛሉ።

Source: Link to the Post

Leave a Reply