You are currently viewing በአሶሳ ዞን ባምባሲ ወረዳ በአማራዎች ላይ የሚፈጸመው መንግስታዊ እስር፣ወከባ እና እንግልት እንደቀጠለ ነው፤ ሚያዝያ 21 ቀን 2014 ብቻ በመቶዎች የሚቆጠሩ አማራዎች መሀል ከተማ ላይ በጅም…

በአሶሳ ዞን ባምባሲ ወረዳ በአማራዎች ላይ የሚፈጸመው መንግስታዊ እስር፣ወከባ እና እንግልት እንደቀጠለ ነው፤ ሚያዝያ 21 ቀን 2014 ብቻ በመቶዎች የሚቆጠሩ አማራዎች መሀል ከተማ ላይ በጅም…

በአሶሳ ዞን ባምባሲ ወረዳ በአማራዎች ላይ የሚፈጸመው መንግስታዊ እስር፣ወከባ እና እንግልት እንደቀጠለ ነው፤ ሚያዝያ 21 ቀን 2014 ብቻ በመቶዎች የሚቆጠሩ አማራዎች መሀል ከተማ ላይ በጅምላ ታስረዋል። አማራ ሚዲያ ማዕከል/አሚማ ሚያዝያ 23 ቀን 2014 ዓ.ም አዲስ አበባ ሸዋ በአሶሳ ዞን ባምባሲ ወረዳ በአማራዎች ላይ የሚፈጸመው መንግስታዊ እስር፣ወከባ እና እንግልት እንደቀጠለ ነው የሚሉት የአካባቢው ነዋሪ ለፖሊስ 4 ሽህ ብር ከፍለው መለቀቃቸውን ይናገራሉ፣ 50 ሽህ ብር ከፍለው የተለቀቁ እንዳሉም ገልጸዋል። በወርልድ ቪዥን ሚያዝያ 13/2014 ከሚኖሩበት ባምባሲ ከተማ ተወስደው የታሰሩት ቅሬታ አቅራቢ በካምፑ ውስጥ ከ250 በላይ አልሚ አማራዎች መታወቂያ እየታዬ በእየእርሻ ካምፑ እየተመረጡ መታሰራቸውን ተናግረዋል። ሚያዝያ 13 እና 14/2014 በሌሊት በ4 ፓትሮ ተጭነው የተወሰዱ አማራዎች ወደየት እንደደረሱ አላውቅም የሚሉት የዐይን ምስክር የ8 ሰዎችን ስልክ ይዠ ብደውልም ስልካቸው አይሰራም ይላሉ። ገንዘብ የለላቸውን አሳልፈው ወደ ኦሮሚያ በመውሰድ ኦነግ ሸኔ ባለበት አካባቢ በመጣል እንዲታፈኑና ገንዘብ እንዲጠየቁ እያደረጉ ነው ሲሉም አክለዋል። ሌሎች ደግሞ ሚያዝያ 21/2014 ከቀኑ 10 ሰዓት ጀምሮ በከተማዋ በጅምላ ታፍሰው ከከተማ ወጣ ብሎ ወደ ወርልድ ቪዥን የተባለ የድሮ ካምፕ የተወሰዱ በመቶዎች የሚቆጠሩ አማራዎችን በዐይናቸው ተመልክተዋል፤ እነሱም ሮጠው አምልጠዋል። አቶ ሽመልስ አብዲሳ በቅርቡ አሶሳን ከጎበኙ በኋላ የእስር ዘመቻው መባባሱንም ገልጸዋል። ለጸጥታ አካላት በቂ የውሎ አበል በጀት ስለተለቀቀላቸው ነው በየገጠሩ እየሄዱ የሚያፍሱት ሲሉም አክለዋል። በመጨረሻም የበላይ የመንግስት አካል ካለ ይድረስልን፤ ህዝብም እየደረሰብን ያለውን በደል በመመልከት ድምጽ ይሁነን ሲሉ ተማጽነዋል። አሚማ በአሶሳ ዞን የባምባሲ ወረዳ ፖሊሰ አዛዥ ነኝ ያሉትን መቶ አለቃ ሲሳይን ለማነጋገር የሞከረ ሲሆን ቅሬታው ከቀረበላቸው በኋላ ግን ምላሽ ከመስጠት ይልቅ የማውቀው ነገር የለም፣ መቶ አለቃ ሲሳይ አይደለሁም ሲሉ አሳፋሪ ምላሽ ሰጥተዋል። https://youtu.be/6_fr-3EJTa4

Source: Link to the Post

Leave a Reply