You are currently viewing በአሸባሪውና ወራሪው ትሕነግ የተያዘው የሰሜን ወሎ አካባቢ ህዝብ በሰው ሰራሽ ርሃብ እየተሰቃዬ መሆኑን የገለፁት የአብን ም/ሊቀመንበር አቶ የሱፍ ኢብራሂም በአስቸኳይ መፍትሄ እንዲሰጠው ጥሪ…

በአሸባሪውና ወራሪው ትሕነግ የተያዘው የሰሜን ወሎ አካባቢ ህዝብ በሰው ሰራሽ ርሃብ እየተሰቃዬ መሆኑን የገለፁት የአብን ም/ሊቀመንበር አቶ የሱፍ ኢብራሂም በአስቸኳይ መፍትሄ እንዲሰጠው ጥሪ…

በአሸባሪውና ወራሪው ትሕነግ የተያዘው የሰሜን ወሎ አካባቢ ህዝብ በሰው ሰራሽ ርሃብ እየተሰቃዬ መሆኑን የገለፁት የአብን ም/ሊቀመንበር አቶ የሱፍ ኢብራሂም በአስቸኳይ መፍትሄ እንዲሰጠው ጥሪ አቀረቡ። አማራ ሚዲያ ማዕከል/አሚማ ጳጉሜ 4 ቀን 2013 ዓ.ም አዲስ አበባ ሸዋ የአማራ ብሄራዊ ንቅናቄ አብን ም/ሊቀመንበር አቶ የሱፍ ኢብራሂም “Mass starvation Alarm!” (የጅምላ ርሃብ ማንቂያ) በሚል ርዕስ በይፋዊ የማህበራዊ ትስስር ገጻቸው ባጋሩት መልዕክታቸው መንግስት ለሰሜን ወሎ ህዝብ እንዲደርስ አሳስበዋል። “የትግሉ ዋነኛ ጭብጥ ትህነግን ማጥፋት ነው” የሚለው ሀሳብ ትክክል የሚሆነው በጠላት ወረራና እገታ ምክንያት ዘግናኝ ለሆነ ሰው ሰራሽ ረሀብ የተጋለጠው ማህበረሰብ ቀድሞ ካልጠፋ ብቻ መሆን እንዳለበት ገልፀዋል። የትግራዩ ወራሪ ሀይል በተደራጀ ዘረፋ ያራቆታቸው፣ የቤት እንስሳትንና ዕለታዊ የምግብ ክምችቶችን ሳይቀር አቃጥሎ፣ ቀምቶና በልቶ የጨረሰባቸው፣ በተለይም አሁን ገና በወረራና እገታ ስር ባሉ ሰሜን ወሎ አካባቢዎች ሙሉ ማህበረሰቡ በሰው ሰራሽ ርሀብ እያለቀ መሆኑ ታውቋል ብለዋል። አጠቃላይ የማህበረሰቡ የምግብ አቅርቦት ተሟጦ ያለቀ በመሆኑ አንዱ ወገን ለሌላው የሚያካፍለው ወይም በግዥ እንኳ ማግኘት የሚችልበት እድል ተሟጦ በማለቁ፣ ሁኔታውን እጅግ አሰቃቂ እንዳደረገው ከቦታዎቹ ለማረጋገጥ ስለመቻሉም አቶ የሱፍ ገልፀዋል። በመጨረሻም አቶ የሱፍ ” እንዲህ እና እንዲያ እያልን በይሆናል የምንመለከተው ጉዳይ ስላልሆነ የግድ አስቸኳይ እልባት ያስፈልገዋል!” ሲሉ መልዕክታቸውን አስፍረዋል።

Source: Link to the Post

Leave a Reply