You are currently viewing በአሸባሪዎች ስር ተከበን ያለማንም ተከላካይ በጥይትና በርሃብ ከምናልቅ በአስቸኳይ መንገድ ተከፍቶ ከከማሼ የምንወጣበት መንገድ ይመቻችልን ሲሉ በአካባቢው የሚኖሩ አማራዎች ተማጸኑ። አማራ ሚዲ…

በአሸባሪዎች ስር ተከበን ያለማንም ተከላካይ በጥይትና በርሃብ ከምናልቅ በአስቸኳይ መንገድ ተከፍቶ ከከማሼ የምንወጣበት መንገድ ይመቻችልን ሲሉ በአካባቢው የሚኖሩ አማራዎች ተማጸኑ። አማራ ሚዲ…

በአሸባሪዎች ስር ተከበን ያለማንም ተከላካይ በጥይትና በርሃብ ከምናልቅ በአስቸኳይ መንገድ ተከፍቶ ከከማሼ የምንወጣበት መንገድ ይመቻችልን ሲሉ በአካባቢው የሚኖሩ አማራዎች ተማጸኑ። አማራ ሚዲያ ማዕከል ጥቅምት 5 ቀን 2014 ዓ.ም አዲስ አበባ ሸዋ በቤንሻንጉል ጉምዝ ክልል ከማሼ ዞን ከበለው ጅጋንፎይ(ሚዥጋን) ወረዳ ደዴሳ ቀበሌ በሀምሌ 2013 ዓ/ም በ3 ቀናት ብቻ 53 ሰዎች መገደላቸው፣ ከ70 በላይ አድራሻቸው መጥፋቱ እንዲሁም ከ7,500 በላይ አማራዎች ከቀያቸው መፈናቀላቸው ይታወቃል። የቤጉ ክልል፣ የዞንና የበለው ጅጋንፎይ ወረዳ መስተዳድርም ሆነ መከላከያ መፍትሄ እየሰጡን አይደለም ሲሉ ወቅሰዋል። መውጫ እና መግቢያ አጥተን በጥይትና በርሃብ ከምናልቅ መንግስት እንደማንም ብሎ የተዘጋውን መንገድ አስከፍቶልን ብንወጣ ይሻላል ሲሉ ተማጽነዋል። ጥቅምት 3 ቀን 2014 ወደ ሰሊጥ ማሳቸው ያቀኑ 7 አማራዎች በጉምዝ ታጣቂዎች በተፈጸመባቸው የግፍ ጭፍጨፋ ሶስቱ ሕይወታቸው አልፏል፤ አንደኛው ደግሞ ቆስሏል፤ ሌሎች ሶስቶች ሮጠው የመትረፍ እድልን አግኝተዋል። አስከሬን አናሱን ተብለው የተጠየቁት የበለው ጅጋንፎይ ወረዳ መስተዳደርም ሆነ በሶጌ ከተማ ያለው የመከላከያ ሰራዊት ለመተባበር ፍቃደኛ ባለመሆናቸው የአካባቢው ወጣቶችና ነዋሪዎች ጥቃቱ ወደተፈጸመበት ሶጌ ዙሪያ በመሄድ የሶስቱን ሟች አስከሬን ጥቅምት 4 ሌሊት ይዘው ተመልሰዋል። በዚህም መሰረት የሟቾች ስርዓተ ቀብር ጥቅምት 5 ቀን 2014 ስርዓተ በሶጌ ከተማ ተፈጽሟል።

Source: Link to the Post

Leave a Reply