በአቃስታ ግንባር የተሰው ጀግኖች በወታደራዊ ሥነ-ሥርዓት ቀብራቸው ተፈፀመ ታህሳስ 01/2014/አሻራ ሚዲያ/ በደብረ ማርቆስ ከተማ ግንባር ከተሰለፍ የፀጥታ አባላት መካከል ህዳር 8 በአቃስታ…

በአቃስታ ግንባር የተሰው ጀግኖች በወታደራዊ ሥነ-ሥርዓት ቀብራቸው ተፈፀመ ታህሳስ 01/2014/አሻራ ሚዲያ/ በደብረ ማርቆስ ከተማ ግንባር ከተሰለፍ የፀጥታ አባላት መካከል ህዳር 8 በአቃስታ ግንባር አኩሪ ጀብዱ ፈፅመው የተሰዉ ጀግኖች በከተማዋ ንጉስ ተክለ-ሃይማኖት አደባባይ የጀግና አቀባበል ተደርጎላቸው በክብር የቀብር ሥነ-ሥርዓታቸው በየቤተ እምነቶች ተፈፅሟል ፡፡ “እነኝህ ጀግኖች አማራ ሲዋረድና ኢትዮጵያን ስትፈርስ ቁመን አናይም በማለት በግንባር በመሰለፍ በርካታ የጠላትን ሃይል እንደ ቅጠል በማርገፍ የተሰው ጀግኖች ሲሆኑ ታሪክም በክብር መዝገብ አስቀምጦ ሲዘክራቸው ይኖራል።” ሲል የደብረ ማርቆስ ኮሚኒኬሽ ቢሮ አስታውቋል፡፡ የተሰዉ ጀግኖች ቤተሰቦች እንደገለፁት “ይህን አረመኔ ቡድን ለመደምሰስ ዛሬ በክብር እንደተቀበሩት ጀግኖቸ ሁሉ መላው አማራ እንዲሁም የኢትዮጵያ ህዝብ መስዋትነት በመክፈልም ቢሆን እስከመጨረሻው ሊፋለማቸውና ሊጠፋቸው ይገባል”ብለዋል፡፡ የጀግኖቻችን ደም ለአገር ክብር የተከፈለ መስዋትነት ስለሆነ ኩራት ይሰማናል ያሉት የሰማዕታት ቤተሰቦች በቀጣይም ጀግኖቻችን የተሰዉለትን አላማ ለማሳካትና ጠላትን ለማፅዳት እንፋለማለን ሲሉ ተናግረዋል፡፡ በቀብር ሥነ-ሥርዓቱ ላይ የተገኙ ወጣቶች እንደተናገሩት ጀግኖች መስዋት የሆኑለትን የጀግንነት ተጋድሎ ዳር ለማድረስና ለአንዴና ለመጨረሻ ጊዜ ጠላትን ለመደምሰስና የአማራን ብሎም የኢትዮጵያን ታሪክ ከፍ ለማድረግ የአገር መከላከያ ሰራዊትን፣ የአማራ ልዩ-ሃይልን እንዲሁም በሚሊሻና ፋኖን በመቀላቀል የህይወት መስዋትነት ለመክፈል ዝግጁ ነን ብለዋል፡፡

Source: Link to the Post

Leave a Reply